اليوم قلت بتكلم عن تجهيز المطبخ طبعا كل شي موجود هناك اذا استأجرتي اثاث اطلبي يكون معاه مواعين المطبخ تقريبا اجارها ستين دولار وفيها كل شي تحتاجينه تقريبا
بالنسبة لقدر الضغط انا زوجي مدمن كبسة كحال اغلب السعوديين اخذت قدر من علي بابا البقالة العربية وهالبقالة راح تلقين فيها قدر الضغط وفناجيل القهوة والشاي والصحون والسفر وكل شي تبينه غالية شوي بس خذي منها الاساسيات الي تكفيك مدة اقامتك
9307 Wurzbach Road هذا هو عنوانهم
بالنسبة للحمة اللحمة عندهم كويسة واذا بغيتي فيه ماما زينب والله حبابه واغلب السعوديين يحبون ياخذون منها وعلاوة على كذا لحمتها قمة الروعة احنا كنا ناخذ اللحمة منها ونوديها البقالة العربية يقطعونها يصير علي اكيسها وادخلها الثلاجه
على فكرة اول ماتجين امريكا راح تكونين متعودة على الخمسين والستين انها عادي رخيص بس احسبي حسابك اذا راتبك وراتب زوجك بالسعودية مثلا الفين هل بتحسين الخمسين تهد الميزانية والا ماتهز :(
حولي توفرين بالمصاريف قد ماتقدرين وهذي من اجمل الاشياء الي استفدتها من امريكا اني احسب حسابي الي نحتاجه ناخذه والي زايد عن حاجتنا ماله داعي
محسوبتكم بنت الراجحي يوم جينا نسكن قلت ابد مااشري ملحف السرير الا من ببد اند باث وفعلا شرينا منه بس وفرت خويتي فلوسهم وشرت من الول مارت اصرف مو كذا بس على فكره المحل رائع بكل ماتحويه الكلمة من معنا وارخص من السعودية بواجد
يعني لامانع وانتي راده تاخذين منه
http://www.bedbathandbeyond.com/nodePage.asp?order_num=-1&RN=102
موقعه على النت

المطاعم
طبعا انتبهي لموضوع الحلال والحرام في الأكل وكونو حذرين
اهم المطاعم بسان انتونيو والي السعوديين مسنترين فيها
المطعم الهندي هذا مستحيل يخلى بالويك اند من السعوديين وهذا بالميدكل ايريا قريب من المركز الاسلامي
المطعم التركي لذيذ طبخهم جدا واذا تبون عنوانه اعطيكم نسيت
تشيز كيك فاكتوري من ارقى المطاعم بامريكا والذها نكهة بس لا تروحونه الا بعد استلام الرواتب واقري على زوجك المعوذات قبل ياخذ الفاتورة طبعا هذا مقابل النورث ستار السوق الي قدامه بوت طويل :22:
ريد لبوستر لذيذ اكلهم جدا بس انتبهو يطبخون بالخمر فنبهوهم اذا جيتو تطلبون
جنقل كافي بالريفر ووك رهيب اذا بتسوين لعيالك حفلة ومفاجأة
طبعا يقية المطاعم معروفة لان لها فروع عندنا بس انتبهو احنا مره رحنا ابل بيز وطلبنا عصيري المفضل بنكلادا الله لايوريكم كان معه خمره والله ماانسى اول ماشفطت منه حسيت ماس كهربه براسي وقلت لزوجي لما شرب منه قال لايابنت الحلال شكل الكرزه الي عليه معفنه والشفطه الثانية كانت القاضية لما زهمنا مقصوفة الرقبة اعتذرت من بعدها صرنا ننبه على اي عصير نطلبه
محبات الشكولاته فيه شكولاته راااااااااااااااااااااااائعة لهم محل بالنورث ستار لذيذة من جد وهي ثالث افخم شوكلاته بالعالم
http://www.godiva.com/welcome.aspx
موقعهم عالنت
وبس ياحلوين ادوشتكم بثرثرتي بس والله كنت ادور دوارة احد يعلمني فحلفت اصك كل شي براسي هنا عشان افيد الي باقي ولو بقدر بسيط

كملى

San Antonyo ]

منظر للمدينة
والله انتي رومنسية والرومنسية مقطعتك اتوقع افضل مكان تروحيه راح يكون الريفرووك اقل ماقول فيه انه قمة الرومنسية والروقان واحكمو بانفسكم





وليلة الكريسمس بالريفر

وش رايكم :32:

داون تاون سان انتونيو

المباني القديمة الي بالداون تاون تعود لميتين سنه :06:
الله يرحمنا برحمته



اذا تحبين تشوفين المدينه كلها مالك الا التور رائع اصلا المنظر تحت او فوق خيال