تقريري مصور عن غسالة الصحون بوش ..ماشاء الله تبارك الله.(*)

يبرود • 13 سنة

om.sultan :

بقايا امل مافهمت كلامك ابدا ياليت تفهميني ايش يعني احس انه ماتنجح وعباله؟!! بس حابة اقولك شي مشكلتنا هنا في السعودية عايشين الخدم واذا الخدامة موجودة تجلي بس لو اضطريتي توقفي ورا المجلى اقل شي ثلاث مرات بليوم راح تحسي انك بضيعي وقتك في شي تافة في ناس من اكثر من ٣٠ سنة بيحطو صحونهم في الجلاية ومابيضيعو عمرهم ورا غسيل كم صحن شوفي اول مابداء غسالات الاتومتيك للملابس الكل كانو بيقولو ماتنظف ولازال في مين بيقول كذا مع انها تنظف كثير بس لازم تعرفي تستخدميها صح العيب مو في التطور العيب فينا انا بنسبة ليا ماعادافكر في خدامة ابدا والحمد لله وفرت لي ولااولادي راتبها شوفي لو كل الناس عملو زي كم راح نوفر للانفسنا يكفي خيرنا لغيرنا المكاتب والاستقدام يكلف ١٠ الاف ريال والمحروسة اذا جات وسخة وهبلة وتفقع القلب وعلميها ونظفيها وياما تهرب لك ولا في احسن الاحوال حسدك على النعمة اللي انتي عايشة فيها وحطت راسها براسك غير اللي تحب الرجال ولا السحر وكل يوم نسمع قصص وبلاوي ونساء السعودية كل مالهم بلعرض وذابحهم السكري ولا السمنة واولادنا الواحد منهم جالس قدام البليستيشن وينادي الخدامة تعطي كاس موية انا الحال الاعوج دا مايعجبني مع اني والحمد لله في نعمة واقدر اجيب شغالة وتربيت في بيتاهلي عندنا خدم وحشم بس احس الموضوع صار برستيج قدام الناس انو عندي شغالة طيب وبعدين عشان اتفشخر قدام الناس اضيع اولادي اخليهم اتكالين او يتعلقو بخدامة وتعلمهم افكارها وحتى لو تقولي ما يجلسو مع الشغالة مستحيل راح تراقبي كلامها معاهم طول الوقت الله يصلح الحال بس انا كان غرضي من الموضوع ذا اني ابين للبنات هنا انو كلو وحدة فينا تفكر بعقل بدل مااحط ١٠ الاف في مكتب وبعد سنتين راح احط زيهم اروح اقرب محل كهربائيات واجيب اجهزة بي ١٠ الاف وارتاح ونعلم اولادنا اذا اكلو يرفو وراهم واذا صحو من النوم يضبطو سررهم والله الدنيا راح تمشي وراح تحسو براحة نفسية فضيعة الله يعين الكل انا عارفة اني كثرت هرج بس والله الحريم فاقعين مرارتي مايفكرو بعقل الله يصلحكم.

بقايا امل مافهمت كلامك ابدا ياليت تفهميني ايش يعني احس انه ماتنجح وعباله؟!! بس حابة اقولك شي...

ام سلطان (لاااا فض فوووك)كفيت وفيت
انا موظفة وعندي اولاد الله يخليهم لي ويصلحهم والله ثم والله اني ما ارتحت الا لما راااحت الشغالة من عندي وقلت خلاااص اخلص نفسي بنفسي وسويتلي خطة عشان ارتاح واريح بناااتي كمان لانهم كمان بيدرسوا وعندهم اوقات يحبو يرتاحو فيها زي قبل لما كانت الشغالة موجودة
انا عندي غسالة اوتوماتيك من اول لاني انا اغسل ملابسي وملابس زوجي (يقول الشغالة ما تعرف تغسل كويس) وهذا صحييح وعن تجربة
ثاني شي جبت النشاف الحراري عشان يكمل الرصة مع الغسالة ونريح من النشر وبعض الكوي وكل شي تمام وراااحة
ثالث شي كنت مترددة في غسالة الصحون شوي موكثير قريبة لي مجربتها وتمدحها مرررة وانت يالغالية حطيتي البصمة على الاوكي خلاااص باذن واحد احد في الخطة الجاااية ويارب تكون قبل رمضااان ان شالله يارب
بعد غسالة الصحون رح اجيب باذن الله المكنسة ام(8000 او 9000 )الاف وكمان في ناس مدحوها كثييير والمستغرب عندي انو فينا جهل في ثقافة الاجهزه الي من النوع هاذي وزي ماقلت في ناس تستخدمها من 30 سنة بس وش تقولين على الظااهر ويااارب تغنينا عن الشغااالات بالصحة والعااافية ياااارب
ربي يوفقك ويسعدك زي ما فرجتي على كثير من الحوااائيات في موضوعك وشرحك والله لا يحرمك الاجر اللهم آآآمين

مياسين الحب • 13 سنة

رفع للفائده

om.sultan • 13 سنة

انا طفشت يمكن هذي المرة رقم ١٠٠ احاول ارد ومااقدر
:(
استحملوني اول مايزبط النت راح ارد على الكل ان شاء الله

غيرت اسمي • 13 سنة

om.sultan :

انا طفشت يمكن هذي المرة رقم ١٠٠ احاول ارد ومااقدر :( استحملوني اول مايزبط النت راح ارد على الكل ان شاء الله

انا طفشت يمكن هذي المرة رقم ١٠٠ احاول ارد ومااقدر :( استحملوني اول مايزبط النت راح ارد على الكل...

الله يجزاكي خير والله تحمست واليوم رحت اشتريتها من جدة من وكيل بوش وسيمنس اللي مقابل ايكيا اشتريت الاستيل ماشاء الله الشكل روعة سعرها 3300 ريال

*ميييييمو* • 13 سنة

يام سلطان انا احبك في الله كنت اطلعت على موضوع لك عن غساله المواعين واقنعتيني فيها وبعدين سجلت في المنتدى وان شاء الله اشتريها بس في الرياض بسرعه تخلص من المحلات وان شاء الله استفيد من هذا الموضوع حفظته في المفضلة الله يوفقك