.
بسم الله الرحمن الرحيم ...
أبدا تقريري عن حياتي العاطليه ووقت الفراغ ... الموضوع تقريبا طويل شوي ...
نبدأ ...
منذ ان عرفت الحياه والانسان
وانه لكل شخص لديه موهبه وكل شخص يعرفها فا اما ينميها ويطورها واما يقعد مثل ماهو
لاكن كون انك ماتدري وش هي موهبتك هنا المشكله
انا يا اخواتي انسانه موهوبه لكن مدري وشهي انا احساسي اني موهبه ومن زمان احس بكذا بس وشي موهبتي مدري
من كنت بالابتدائي وانا ادورها لما قلت يابنت الناس ماكل يقال يصدق شكل ماعندك موهبه بس ريحي راسك واجلسي
وانشغلت بدراستي ولهيت عن الموهيه المختفيه
بعد ما انتهيت من الدراسه واصبحت عاطله لاشغله ولا مشغله مغير مقابلتن هالكمبيوتر <<ابد هالكلمه ماتنقال لي
وانا اتجول هالمنتدى العزيز صرت ادخل قسم الفن والاشغال اليدويه
وبدا اسبوع هالقسم جلست عليه اسبوع كل يوم اشوف ابداعاتهم كل يوم اتحمس بزياده لما صار الحماس تتش واخرتها طلعت بهالموضوع
http://forum.hawaaworld.com/showthread.php?t=2837952
وبعدها بدأت بقسم المشاريع والافكار احب التجاره طبعا بدا اسبوع التجاره ومزجت معاها اسبوع الي فوق الي هو الاشغال وطلع معي هالشي
http://forum.hawaaworld.com/showthread.php?t=3338410
بعدها بدات باسبوع الديكور مشكلة هالاسبوع اني ماحققت طموحي للاسف لما وصل حماسي بهاك الاسبوع تتش قمت ادور ببيتنا ادور اي شي اغيره متحمسه
بيتنا كان توه مغيرين يعني تنطين ولاتجلسين مو مغيرين شي وياربي وش اغير وتدور الافكار براسي ولقيتها .... بعدماصحيت الوالده الله يحفظها وحطينا القهوه لازم نعدل المزاج
قلت يمه مدخلنا مره غلط مايناسب بيتنا امي بلحقت فيني قلت لا موكله المرايه تمام بس الطاوله الي تحت كبيره وماخذه مساحه فا جا براسي اشيلها ونشتري طاوله....
وكملت التصميم متحمسه
ولما سكت امي ارشفت قهوتها جعلها بالعافيه عليها قالت طيب بس بعدين <<فيس حزين
اليوم الثاني رحت لبيت اختي يالله اش ذا يا اخيه بيتك كله اغلاط ديكوريه <<كاني اول مره اشوفه وهو له سنين
وبدات القي النصائح لاختي قالت انا اصلا بغيره قلت الحمدلله اختي الثانيه قالت بغير بيتي من سراميك وصبغ هالاشياء وبديت القي عليها النصائح واهم شي عجبتها
انتهى اسبوع الديكور وبدأ اسبوع الكتابه باسلوب كوميدي >>برا
اصلا هي فيني من زمان بس ما اتشجع كثير وعندي تسويف كثير لكن لما اقرا مثل هالمواضيع اتحمس ونزلت ذا
http://forum.hawaaworld.com/showthread.php?t=3288179
و
http://forum.hawaaworld.com/showthread.php?t=3378828
بعدها جا اسبوع الفوتوشوب لا اخفيكن حقيقه ان الفوتوشوب اخذ اسبوع لا الفوتوشوب من شريت الاب ومن شفت ابداعات البنات وهو شغلي الشاغل لاكن للاسف لابي ماكان فيه هالبرنامج
حاولت احمله عشرات المرات هالكلام قبل 3 سنين
وكل شوي احمله ولايتحمل اطلب من الاهل يودونه للمحل وينزله لي بس محد مهتم لما خرب الجهاز واتفرمت ونزل لي الفوتوشوب فرحت كثير لاكن يافرحه ماتمت الفوتوشوب عربي ولا يتحول
انقلش ابدا وكل دروس الفوتو بالانقلش يعني كانك يابوزيد ماغزيت
ما استسلمت كانت في دروس بالعربي وقليله جدا بس يمكن علمتني بعض الاساسيات لما اشوف الابداعات ولاني عارفه ويحطون شرح كله انقلش انقهر واتركه سويت كم شغله بسيطه جدا
وعاديه بس مولاقيتها الحين للاسف
وقريب نزلت الاخت نصوفه دورة فوتوشوب ما اشتركت لاني عارفه انها راح تكون انقلش فا ليش احبط نفسي لكن هذا الشي مامنعني اني استرق النظر للدوره
الاخت نصوفه جزاها الله خير صورة الاشرطه الي بالانقلش وكانت تترجمها ذي لدمج ذي لكذا فا جدا فرحت وسهلت لي اشياء وتعلمت من دورتها وطلعت معي هالنتيجه البسيطه
وطبعا لا انسى اسبوع الازياء والمكياج واكثر ما استفاد منها زوجة اخوي واختي من كثر ما اتحمس اقولهم وهم يطبقون المكياج لزوجة اخوي والازياء اختي وانكبت تدرون ليش
كل ماتبي تروح لسوق تتصل علي اقولها ياحرمه روحي انتي مافيني اروح تقول اذا مو رايحه معي انا مورايحه المهم دفيت نفسي ورحت معاها وشريت لها لبس ياهي نشفت ريقي لانها
مو مقتنعه كثير اختي الثانيه ساعدتني عليها
اهم شي بالبيت عجبها بعد مالبسته والظاهر اني فتحت لنفسي باب لاني الشيء الي تعلمته ما احبه يكون لنفسي احب اعلمه غيري وماعندي غير زوجة اخوي واخواتي
والله يصبر زوجة اخوي علي لانها دايم عندي فا كل اسبوع يصير ماعندي الاسالفه وحده بس اعجبتني تتعلم مثلي <<برا
والان بدا اسبوع التصوير بس ماعندي كميرا فا صورت بالجوال مبدئيا لما اشتري وادعولي الكميرا كثير متحمسه لها وانا من زمان احب التصوير كل مارحت مكان لقطته بالجوال طبعا
حتى لو بالخط وعلى الطاري اخوي واهله واختي راحت معهم امم لابها انا مارحت فاختي تقولي فلان كل مامرينا شي يقول صورو وتقول احنا مطنشينه قال
وين شط محد يصور غيرها .... الصور كثيره واخترت منها هالصوره
وبالاخير كل شي لقيت نفسي فيه ولا عرفت وشو الي انا موهوبه فيه وهذي حالتي وتنعاد الاسابيع وماعندي شغله غيرها لالقيت موهبتي ولا سويت الي براسي بس الاكيد اني تعلمت
الكثيير >>تصدقون توني حسيت اني كنت معرف شي
طبعا الحياه مدرسه والنت بكامله مدرسه والي تعلمته موبس الي كتبته فوق والحمدلله
الحين من منكم عرفت موهبتي الضايعه <<عجزت عنها حاطتها بروسكم
دمتم بخير..!
ماشاء الله شط موضوع جميل امتعتينا فيه
اما موهبتك الضايعة فهي
تعدد المواهب
نعم هذا ما ظهر لي/ فانت لديك عدة مواهب حافظي عليها ونميها
بورك فيك عزيزتي واسال الله ان يوفقك ويسعدك في الدنيا والآخرة
اللهم آمين