

السلام عليكم ورحمة الله وبركاته
صباحكم هنا ومساكم سرور
في البداية احب اشكر كل من سألت عني او افتقدتني وكل من راسلتني على الخاص او افردت موضوع تدور علي فيه
انا يا حبيباتي مو جودة معاكم بس مسنترة في ملف الهمم مع ابله بدووو
وعارفة اني مقصرة فاعذروني
اليوم جبت لكم تقرير تعويضي وان شاء الله يعجبكم
بسم الله ولا حول ولا قوة الا بالله اللهم اني استجير بك وبحولك وقوتك من شر كل نفس او عين لا تذكر اسمك
اللهم صلي وسلم وبارك على سيدنا محمد
جولتي اللي باخذكم فيها هي لمنطقة التخزين والغسيل في بيتي
وهي عبارة عن بلكونة قفلناها واستغليناها لهالغرضين
عموما ما اقدر اعتبرها مخزن بالمعنى الصحيح للكلمة لكن تقدروا تقولوا ورشة لاغراضي وجزء للغسيل
********
اللي حصل ان غسالتي عملت لها صيانة والاخ العامل ما قصر فك الموية في الارض ومع الغبرة الله لا يوريكم فقلت فرصة انظف البلكونة واعيد ترتيب الاغراض
بدأت بالدولاب ونزلت كل رف لحال ومسح


جبت استيكرات وقلم وبدأت اكتب الاغراض الموجودة عندي

وبدأت افرز كل شي بكرتون (كراتين مجمعتها كل ما شريت شي او زوجي شرا شي ما ارمي كرتونه) والصق على كرتون استيكر باسم الغرض الموجود فيه
الغراء بانواعة والسيلكون

اللواصق والشطرطون

الشرايط والمقصات

بخاخات البوية

العدد بانواعها

الورود كل لون بكيس
الوان _دبابيس_اسلاك لف _مكينة خياطة يدوية _ مقص حراري_ زرادية صغنونة للاسلاك_مسدس السيلكون
ضمانات وكاتلوجات اجهزتي بالكامل من يوم تزوجت للحين
وبكذا خلصت اغراض الدولاب فيه كمن صورة سقطت سهوا :09:
رحت على الغسالة والنشاف الحراري ومسحتهم ونظفت اثار الدمار اللي خلفها العامل الله يجزاه خير
وكنست الارضية
شايفين اثر الموية ورجول العامل + الغبار= :icon28:
وجبت حبيبة قلبي ومسحت البلكونة من اعلاها لاسفلها مع القزاز والشباك
وهالمنتج صراحة رهيييب بمعنى الكلمة وموفر للجهد والوقت