جاء اليوم التاسع افطرنا ولمينا اغراضنا وعملنا الشيك اوت وجانا السواق ومشينا علی باندونق اذكر الطريق كان ممتع وشفنا كشك فيه حرمه تبيع عصير جوز الهند قلنا لسواق يوقف لانه من زمان لنانفس نذوقه كان طعمه مقبول بس بعد ماحطت لنا السكر 😆..وبعدين قال لنا السواق بيودينا حديقه الفيل الجميله وبعدين نروح فندق سنسا .نظام الحديقه اغلبها العاب للكبار مادخلنا بس ركبنا سياره داخل الحديقه وودتنا العاب مائيه ودفعنا الرسوم ودخلنا اللالعاب المائيه جميله وعيالي انبسطوا فيها مره ...

وبعد ماخلصنا رحنا علی الفندق 😍 الفندق مايحتاج اتكلم فيه روقان وكلاسيكي لابعد درجه عيبه الوحيد ويمكن الكل يعرفه (الحمام الله يكرمكم مافي شطاف والباب سحاب)طبعا يقع في شارع الجنز وداخل الفندق بوابه تفتح علی مول بس ماادري اذا له اسم مااعرفه رحنا فيه واخذنا فيه فره واتعشينا من كنتاكي ورجعنا الفندق نمنا

قمنا من النوم في اليوم العاشر وافطرنا فطور الفندق كان منوع ولذيذ صراحه وبعدها دقينا عل السواق وكانت جولتنا لليوم لبركان تانكوبان براهو عباره عن مرتفع نشوف البركان منه وفي كمان بسطات تبيع اشياء تذكاريه شرينا منها هدايا ..حلو المكان بس ريحه الكبريت تضايق صراحه

وبعدها قلنا للسواق بنروح شلالات ماريبا قال لنا فيها صيانه ومقفله وبعدين قلنا له ودنا بحيره الضباب قال لنا مافي بحيره بذا الاسم 😕بس قال في بحيره حلوه اسمها بحيره عمر >>استغربنا من الاسم صراحه ماقد سمعنا بذا الاسم .المهم ودانا فيها وكانت رووعه صراحه نظامهاندفع الرسوم ويعطونا 2 مشروب ساخن >>جبنا قهوتنا معانا ماشربنا مشروبهم 😁المهم جلسنا في الجلسات قدام البحيره وولدي طفشنا ماخلانا نتقهوا يبغی يركب القارب اللي في البحيره مع انه كان الجو مشمس بس ركبنا لعيونه 😊 وكان في نفس المنتزه مدري البحيره البط والوز والارانب وكشكات تبيع الاكل حقهم بس استحاله ناخذ منه .البحيره صراحه حلوووه

تابع البحيره 😍😍😍