بعد ماخلصنا وطلعنا نبغ نروح سومدرا تفاجئنا انه فيه مطر ودقينا عل السواق يجيب لنا المظلات من السياره

رحنا سومدرا دفعنا الرسوم واعطونا ورقه العروض شفنا عرض اسد البحر والدلافين والفور دي سبونج بوب😆واتوقع فيه عروض لحيوانات كمان بس هذا اللي رحنا وكمان فيه كم لعبه

وبعد ماخلصنا من السومدرا ودانا الحديقه المائيه داخل انشول كانت حلوه صراحه وعيالي انبسطوا فيها بس كانت مره مزحومه بالشعب الاندنوسي الظاهر كانت عندهم اجازه للاسف ماعندي صور لهذا الجزء لان الجو كان ممطر...وبعد ماخلصنا وطلعنا من انشول ورحنا نبغی ناخذ اغراض من الفندق وبعدين طلعنا مره ثانيه عشان كنا جوعانين وافتكرنا انه في مطعم في انشول اسمه بندر جاكرتا مارحناه وقلنا للسواق ودينا قال خلاص ماينفع لازم تدفع رسوم من جديد للدخول وتندمنا مره انه مارحناه لانه كثير يمدحوه ..المهم قال السواق بوديكم مطعم فايف ستار قلنا يالله .....
روووعه يابنات اسمه D cost vipاكلات بحريه نظام المطعم حاطين علی الجدار صور للاكلات والمشروبات باسعارها وحاطين تحتها بطايق واحنا نختار الاكل عن طريق هذي البطايق ونسلمها لهم ونروح نختار لنا مكان ونجلس فيه المطعم ممتاز من كل النواحي اكل ونظافه وخدمه بس اتوقع هوه المطعم الوحيد اللي ياخذ ضرايب المهم فيه منه فرعين في جاكرتا واحنا راجعين شفنا الفرع الثاني كان صغيرو علی طريق عام بس ذا لا كبير وكانه في خلا 😊

وفي اليوم الثالث عشر قبل العوده بيوم 😢خليناه للسوق وعشان الهدايا كمان ورحنا سوق منقادوا طبعا في 3 مولات بنفس الاسم فيه للملابس والكسسوارات والهدايا وفيه للالكترونيات وفي اظن لقطع الغيار يفتح السوق 9صباحا ويقفل 6 مساء..المهم ودانا السواق لحق الملابس وكذا ..بصراحه عجبنا مره مره ومتكامل من كل شي والخامات جيده والاسعار مناسبه وزوجي قاعد يقول فيننا من زمان عنه<<<<يكره الاسواق 😆
تصدقوا يادوب كفانا الوقت بس الحمد لله ماطلعنا الا واحنا مخلصين وفيه محل في نفس السوق للوجبات السريعه اسمه A•W يبيعوا اسكريم جونان لايفوتكم بعد ماخلصنا تعشينا في مطعم حضرموت ورحنا الفندق عشان نلملم اغراضنا عشان خلاص رحلتنا بكره😢😣😭
هذي صوره لمدخل السوق

اليوم الرابع عشر يوم العوده للديار الحبيبه لمينا اغراضنا وفطرنا ومشينا علی المطار كانت رحلتنا وحده الظهر يارب لك الحمد علی كثر مانبسطنا في سفرتنا وغيرنا جونا في هذي البلاد الجميله علی كثر مارتحت بصراحه يوم شفت طياره الخطوط مالنا غنا عن الوطن الحبيب الله يحميه ويحمي شعبه وحكامه من كل شر يارب



وختاما
ان شاء الله ينال علی اعجابكم موضوع سفرتي المتواضع وتستفيدوا منه يارب واي استفسار انا تحت الخدمه
والله يتقبل صيامنا وقيامنا وصالح اعمالنا
وشكرا🌷