اول شي الحمدلله على السلامه .. وتقرير حلو ومرتب بس لوكنتي حاطه كل تعليق مع صورة عشان اللي ماراح لتركيا يثبت اكثر

ثاني شي هيجتي مشاعري وذكرتيني بسفرتنا لها .. اغلب الاماكن اللي رحتي لها رحت لها ماعاد الحدائق انا رحت الحدائق ببورصه

رحلتنا كانت تقريبا 18 او 20 يوم رحنا فيها لبورصه .. تعليقي على بورصه انها جيده بس ماتستاهل اكثر من 4 ايام احنا طولنا فيها للاسف

الفرق بيني وبينك انا رحت لآياصوفيا .. وركبنا التلفريك .. رحنا لجزيره الاميرات هذي الجزيره رووووعه ليتك رايحه لها بدال تل العرايس

جزيره ساحره هاديه نظيييييفه تخلو من اجواء البانزين والديزل والتلوث لان مايدخلها ولا سياره تنقلاتهم كلها بالحنطور قضينا فيها يوم

كامل .. بحيرة (ابنط) ايضاأ من الاماكن الروعه للاسف مارحت لها بس على الصور اخوي رايح لها حيل يمدحها .. ورحنا للشلالات الاول

يطلقون عليه الشلال الكبير والثاني يطلقون عليه الصغير عياره عن جبال واماكن مفتوحه على القمم وفيها مطاعم الاكل كله مشاوي

ومقبلات ويجيبون لك المنقل وانتي تشوين بنفسك اللي يحب هالنوعيه من الطلعات انصح فيها .. سوق البازار او المصري وايضاً

يسمى (الكابلي جارج) بالتركي الكابلي جارج احلا من المصري كله فضيات وجلود صناعه يدويه درجه اولى

اللي ماحبيته بتركيا ...
1/ احنا رحنا لها قبل طفرة المسلسلات التركيه يعني السياح ماكنوا بهالكم الهائل مااقول مافي سياح لا بالعكس مليانه سعوديين

وكويتيين بس مو مثل الحين. احنا رحنا نهاية 2007 م

2/ نفسيات الاتراك كانت زي الزفت وتعاملهم كان جداً سيئ وماكانوا يطيقون العرب ابداً لدرجه مره طالعين من مجمه جواهر ولا رضى ولاتاكسي يوقف لنا مايخافون الا من الشرطه بالنهايه دورية شرطه رحمة حالنا ووقفت لنا ..
اما عقب انتشار مسلسلاتهم وكثرة السياح يقولون ان الحكومه افرضت عليهم غرامات اذا ماتمت معاملة السائح بشكل جيد .. يعني اللي راحوا لها خلال هالثلاث سنوات يمدحون تعاملهم ..

3/ كانت المطاعم اشكره وعلى عينك ياجاره ينزلون المنيو حق السائح مختلف واسعاره مدبله.

4/ عن نفسي عانيت جداً بموضوع الاكل في تركيا نص الوقت اكون جوعانه والسبب اكلهم كله لحوم .. يعني يامشاوي يا شاورما .. والخيار الثاني الفاست فود ماكدونالدز وبرجر كنج بيتزا هت فقط وانا ما احب هالاكل ظول يومي عايشه على الجبس والكاكاو واللبنه ولبن عيران هههههههه يعني ماتلاقين مطاعم ايطاليه او عربيه منوعه طحنا على مطعم هندي بالصدفة اكلت لين قلت آمين خخخخخخ

5/ الجو كان جداً حااااااار رجعت سوده مسحوكه .. يعني اللي يفكر يروح تركيا لايروح لها صيف ابد بيتنكد من الحر خصوصا انها جبلية وشمسهم ماترحم تحرق .

6/ اثناء متابعتي لتقريرك من البدايه على طول قلت ليش ماسكنوا بتقسيم كاد ،،افضل مكان للسكن.
اولاً لانه يعتبر الداون تاون ومركز حيوي ونسبياً الفنادق هناك انظف شوي وارتب وكلشي حولك تقدرين تروحين له برجولك حتى بالليل اذا رجعنا للفندق وريحنا وماجانا نوم ننزل نتمشى الشارع 24 ساعه يدهر ,

نصيحة:: اللي يروح تركيا يسكن بتقسيم كاد افضل ..

ملاحظه :: بشكل عام من وحده راحت لتركيا واوربا ترى نظام فنادقهم كلها خايس نجمه وحده ولا 5 نجوم كلها اقل من عاديه وضيقة وصغيره جداً وتركيا تتبع النظام الاوروبي يعني انا لمارحت اسبانيا سكنت بفندق تحلطمت اول الوقت ولما قال زوجي تعالي نروح للمرديان كان قدام فندقنا قسم بالله انصدمت يحوم الكبد صغير وضيق ومكتوم اكتشفت أن فندقنا ارحم .. وبشكل عام فنادق تركيا تعتبر وسط بحكم اني سكنت ب3 فنادق مختلفة مالاحظت فرق يسوى يمكن آخر واحد كان انظف من الباقي ..


وشكراً لصاحبة التقرير واعذريني على الاطاله والمداخله :):)

اشكرك على تواجد بنت شيخ الرجال

كتبت التقرير بهذا الشكل بسبب ان اللي مايعرف تكاليف تركيا وغيره يعرف لو ادرجت الصور يبي لكل صوره تعليق أطول وأطول وراح ياخذ مني وقت طويل وأنا وقتي مايسمح لي

من ناحيه الفندق فعلا انخدعنا فيه ممره مره انخدعنا بالصور وبمدح صاحب الحجز لنا بس اكيد المره الجايه بأذن الله في شارع تقسيم لأن اخذنا فكره وصرنا عارفين

من ناحيه أكلهم صراحه منوووع بكل مايخطر على البااااال مشاوي اسماك ألارز الايدامات السلطات المحاشي وطعم ولا ألذ

جزيرة الاميرات مادري وش اللي ماخلانا نزورها ؟ شكل نسينا من الوناسه ههههههههه

فعلا تركيا حاليا أكثر من راااااائعه أتمنى زيارتها مره ثانيه

يالبى اسطنبول الله يكتبلي ارجعلها مره تانية .. تقرير رووعة يعطيك العافية بس فاتتك بورصة غريبة ليش ماحطيتيها بالجدول
وكنت بسألك كيف حديقة أمير جان تستاهل ولا لا لأنها كانت بجدولي بس بعد زيارة جولهانه حذفتها احسها عاديه ....
غير كدا بضيف تسعيرة تذكرة برج غلاطة بما إنك نسيتيها 10 ليرة

رووووووووووووووعه ماشاء الله

فعلاً تركيا حلوه

واحلى مافيها الطراز الاسلامي الاصيل

وعجبني اهتمامهم بالاماكن المقدسة والاثار الاسلاميه

تسلمين على هالتقرير الحلو

ماشاءالله تقريرك رائع والمناظر أروع

تسلميين على هيك معلوماااات