السلام عليكم ورحمة الله وبركاته ..
أخواتي الغاليات ..
حبيت أفيدكن بتجربتي عن غسالة LG الاوتوماتيك + حل لمشكلة الصابون على الملابس لبعض العضوات ..
الموضوع أعدته للمرة الثانية بعدما أصبح جاهزا في المرة الاولى :mad:
ولكن حبيت أفيدكن فأتمنى منكن أخواتي الغاليات الدعاء لي ولزوجي وأهلي بالهداية وأن يرزقني الله الذرية الصالحة وأن يعوضني خيرا عن أجنتي الثلاث .. وأن يرحم والدي .. اللهم أمين ..:44:
الحمدلله بالنسبة للغسالة هي عندي قريب سنتين ريحتني اللهم لك الحمد بنسبة كبيرة جدا الله يحفظها يارب ..
لكن عيبها وعيب كل غسالة اتوماتيكية أحسها تسرف موية الله يغفرلنا .. بالنسبة للغسالات العادية ..
أما بالنسبة لمشاكلها الحمدلله ما صادفتني مشاكل غير الصابون وعدم نصوع الملابس البيضاء والحمدلله حليتها ..
سعرها / نسيت كم أخذتها بالضبط لكن يمكن في حدود 1300 أو 1400 ..
مكان الشراء / من الدمام معرض هومي ..
الحجم / 7.5 كيلو ..
شكل الغسالة من الخارج ..
الأزارير تبع الغسالة ..
1/ تشغيل وإطفاء الغسالة ..
2/ تشغيل و توقف مؤقت للغسالة ..
3/ برامج الغسيل .. أ- عقلي يعني غسيل عادي يومي .
ب - غسيل سريع .
ج - للجنزات .
د - صوف .
تختارين واحد من هالبرامج بالضغط على نفس الزر وتصير عند اللي اخترتيه لمبة حمراء ..
4/ فيه نقع سريع ممكن تختارينه وممكن لا ..
وغسيل وشطف وتجفيف وممكن تختارينها كلها وتصير عندها لمبات حمراء..
5/ تأجيل التشغيل .. طبعا أنا ما قد أستخدمتها ..
6/ مستوى الماء طبعا على حسب كمية الملابس تحددين مستوى الماء بالضغط على الزر وتجيك لمبة حمراء تحدد أي مستوى إنت تبينه ..
7/ هذي المجموعة مو لازم تختارينه دايم على حسب ما أنت تبينه ..
فيه منه تجفيف ومنه شطف إضافي أما الأوقات فهي كالتالي :
30 دقيقة
60 دقيقة
ساعتين
ثلاث ساعات ..
تراها أربع شغلات رغم مايوجد غير 3 لمبات
تصدقون ما عمري أستخدمت أبو ساعة او ساعتين او ثلاث شكلي بأجربه .. بس الرجال يقول ما يجفف 100% مثل المجففات الحرارية ..مدري إذا كان يبيني أخذ من عنده مجفف لآني ركزت عليه .. الله العالم لو أستخدمته بأعطيكم تجربتي إن شاء الله ..
8/ ممكن تختارين حار وممكن بارد وممكن وسط اللي هو حاروبارد ..
وكل الأزارير عندها لمبات حمراء توضح وش أخترتي ..
*****
الغسالة من الداخل ..
هنا درج الصابون ..
هنا محل الكلور ما أستخدمه إلا فيما ندر ..
أما عن محل الكمفورت نسيت أصوره وهو درج صغيرون في جانب الحوض بس ما أستخدمه إلا فيما ندر لآني أحط الكمفورت مع محل الصابون ..
يتبع ..
أكتشفت أن من أسباب وجود الصابون في الملابس /
1- الغسيل السريع هو غالبا مايترك الصابون على الملابس خصوصا لو كان الصابون كثيرعن كمية الملابس وحليت هالمشكلة بأني صرت أعبي الغسالة مع الصابون أولا عشان يذوب الصابون وأحط الكلور بعد والكمفورت معاه وبعدها أحط الملابس والحمدلله الامور تمام ..
بس أنتبهي لا تقفلين الغطاء وتنسيه يقوم يغسل نفسه بدون ملابس مثل ماسويتها مرة ..
خليه مفتوح وهو يدور دورتين بعدين يعطيك أنذار أن الغطاء مفتوح حطي الملابس وأقفلي الغطا .
صرت اسوي هالحركة أحيانا حتى في الغسيل العادي أحتياطا لكن مو دايم ..
2- ولاحظت أن الماء لو كان بارد غالبا مايقلل من أمكانية ذوبان الصابون في الماء لكن أنا غالبا اخليها وسط ..
3- والأهم يكون الصابون تابع للغسالات الأوتوماتيكة لآن العادي مايذوب بسرعة ..
4- لا تخلين الملابس أكثر من كمية الماء لآن هذا سبب من اسباب تبقعها بالصابون..
أما لتنظيف الملابس البيضاء والعادية ..
كنت ألآحظ أن الملابس البيضاء ما تخرج بيضاء مثل الغسالة العادية وترى مافيه مثل العادية في نظافة الملابس ..
فصرت لازم اخليها نقع + كلوركس + ملح ليمون شوي وأحيان أخليها على ماء حار .. ماشاء الله تطلع بيضاء تفتح النفس .. لازم نقع وكلوركس ..
أما لغسيل الملابس الملونة طبعا لو كان فيها بقع صعبة حطي عليها فنش وخليها نقع وبعدها غسليها .. وممكن كلوركس الملابس الملونة أنا أحيان أحطها مع الملابس لآنها تنظف وريحتها حلوه إللي لونها وردي وأزرق ..
أما الملابس اللي مافيها بقع صعبة غسليها عادي ويارب الشرح يكون واضح ..
وترى كل هالامور ما تاخذ منك وقت الشرح أطول من العمل في الواقع..
في الواقع العمل سهل وسريع .. والغسالة ما أخذت عليها فترة عشان أتعلم لآن أزاريرها بالعربي فصارت الامور تمام ..
تنويه /
أتمنى من الأخوات يعذروني أنا شخصيا أرتحت لها .. فيه ناس ممكن مايرتاحون لها وكل وحده وعلى حسب شخصيتها .. يعني لا تلوميني أو تدعين علي لو أخذتيها وماحبيتيها أو تعبتك لعدة أسباب .. إختلاف الأراء , جودة الصناعة وموديلها , استخداماتها , طريقة الاستخدام .. إلخ ..
أنا ما أسوي إعلان عن الشركة لآني ماراح أستفيد منها ماديا .. لكن أرتحت لآن أزاريرها بالعربي ولو لا قدر الله أختربت ممكن ألقى لها صيانة .. على كثرة تنقلاتي بين المدن ممكن ألقى فروع الـ أل جي في كل مكان .. لذا أنا أرتحت له .. ولله الحمد ..
لو فيه أي أستفسار أنا حاضرة ..
:27:لاتنسونا من خالص دعائكم ..:27: