بعد ما قرأت موضوع الاخت الغالية الغريبة برغبتها في مكنسة تفي بمتطلباتها
وبسبب التساؤلات الي جتني بالموضوع حبيت افرد موضوع خاص للمكنسة
ليستفيد منه الجميع بإذن الله ..
الكثير منا يتمنى يكون عنده مكنسة بمواصفات حلوة واهمها :
- مريحة ماتتعب الظهر بكثرة الانحناء وياكثر ما تكسرت ظهورنا مع المكانس الي بخرطوم
- وعسى نحصل نتيجة مرضية من النظافة
- ونظيفة تشفط الشعر والوبر والغبار والاوساخ الي بالموكيت
- تخلي الشعر يوقف وشكل السجاد بعدها كأنها جديد من النظافة
- وغير متعبة في تنظيفها مثل المكانس العادية الي تعبتنا بتنظيف الكيس حقها وريحة الغبار
- الي تخرج منها
- لها عصا بامكانك كنس الدرج فيها وخرطومها طويل يوصل للدرج كامل تقريبا
- وتكنسين فيها اسفل الكنب وزوايا الجدران ,
- ممكن تكنسين فيها الكنب ( بالعصا الخاصة الي معها وقطعة تتركب معها )
بتتفاجئين من كمية الغبار الي رح تشوفينها كل مرة تكنسين وكأنك اول مرة تنظفين موكيتك:ohplease:
بصراحة : استغنيت عن المكنسة العادية ما استخدمها الا ناااادرا :icon30:
جبت لكم الحل واخيراً لأجمل مكنسة تتمناها كل انثى وبالمواصفات الي فوق كلها
ماشاء الله تبارك الله ,, هي مكنسة دايسون , dyson
انا لما سافرت برا لقيتها بالشقة الي سكنت فيها ووقعت في غرامها لأني صرت احب اكنس
لأني اعاني من مشكلة بالظهر وكثرة الانحناء تتعبني
وبحثت عنها لقيت الاجانب يمدحووونها ومن سنين معهم الله يرحم حالنا بس :cool:
وعشان كذا عزمت اشتريها بأقرب فرصة
ولما رجعت السعودية بحثت عنها على مدار سنتين تقريبا ومع الاسف مو موجودة
غير بالامارات والحمدلله وصيت عليها قريبي والحمدلله ياربي على نعمه
طبعا ما كنت اعرف انه يجي منها انواع وطلعت مكنستي للموكيت فقط والدرج
يعني البلاط تكنسه بس ما تنظفه مثل تنظيفها للموكيت بس مع ذلك استخدمها
للبلاط واعيد عليه لين ينظف
شريتها بـ 1200 تقريبا
ووالله ان كل ريال فيها حلال ماشاء الله ,, لها ثلاث سنين وماشاء الله حلوة
مافيها كيس بمجرد ما تخلصين تفكين العلبة حقتها بضغطة زر وتفرغينها
بضغطة زر اخرى وبعد كم استعمال تغسلين البلاستيك لأنه يغبر
بس ما تنفع للناس الي يتعاملون مع الاجهزة بعنف كالخدم مثلا ما انصح فيها ابداً
وهذا فيديو لها اتمنى يوصل الفكرة الي كنت ابشرحها لكم , وتقدرون تكتبون اسمها
في اليوتيوب وبيطلع لكم انواع واشكال لها وطريقة عملها وتنظيفها
طبعا الي بالفيديو اجدد بس نفس النوع
وبالفديو الثاني نفس مكنستي بالضبط ,, يشرح لكم قطعها الي تفككونها لما تسوون لها تنظيف
عميق وهذا يتم بعد كم شهر يعني لما تشوفونها توسخت مرة وبالكتالوج مكتوب كل شيء
مع الصور
اما التنظيف العادي بعد ما تمتلي العلبة بالغبار بضغطة زر فكيها وكبيها ورجعيها
بالنسبة لقطع الغيار :
صراحة الحمدلله ما صار لي اي مشكلة من شريتها تبارك الرحمن طبعا افك فرشتها بعد كم شهر
اطلع الشعر احيانا يلتوي عليها شعر او خيوط يمكن فكيتها اربع مرات من شريتها
ولازم تنتبهين لشيء لما مثلا كنت تكنسين وبالغلط مسكت بكيس او مسكت بقطعة قماش وعلقت
فيها لازم توقفينها وتفكينها براحتك لأنها ممكن تتسبب بقطع السير الداخلي :icon810:
انا ماعرفت بهالمعلومة الا لما مسكت مرة بشعر السجاد الجانبي وصوتها تغير اثاريها غصت
ياعيني ولما شميت الريحة :ohplease: مثل ريحة الحريق
استوعبت وطفيتها على طول وانقذتها
باختصار لا تكنسين الا وانت شايلة كل شيء من الارض
واذا احتجت قطع غيار اطلبيها من النت ارخص
اذا ماقدرتوا تشترون دايسون انا شفت في اكسترا ماركة هوفر
مكنسة بنفس الفكرة بس ما ادري عن جودتها صراحة
ملاحظة
المكنسة هذي خاصة بالكنس فقط وليست لغسيل الموكيت
الي تبغى مكنسة لغسيل الموكيت فأنا انصحها بهوفر رااااائعة وترجع الموكيت جديد
وكثير يمدحون بيسل ثنتينهم حلوات اشتروا الي يريحكم كلهم يرجعون الموكيت
جديد ويبرق ,,, وفيه مواضيع كثيرة عن المكنستين ابحثوا عنهم بالنت
اسأل الله ان يبلغنا وياكم رمضان ونحن بصحة وعافية وسلامة في الدنيا والدين
لا تنسوني من الدعوات الطيبة , وان الله يعطيني كل ما اتمنى وزيادة
لكن مادريت انها بالامارات
المهم نفس فكرتها شريتها من بيسيل وحلوة