صباح الخير
اخباركم ان شاء الله كويسين
اخبار العيال
متباركين بالشهر >>>>تو الناس
وأخيرا راح انزل التقرير
واتمنى ينال على اعجابكم
رحلتي كانت الى الهند وبالتحديد ولآية كيرلا
طبعا قبل لا اروح جمعت عنها معلومات وقرأت تقارير
وصارت عندي معلومات عنها
طبعا رحلتنا 11 يوم انا وزوجي وولدي عمره 4 سنوات
طبعا حجزت على طيران العربيه
ترانزيت
الدمام -الشارقه -كوتشين
تقريبا مجموع سعر التذاكر 4300 ريال
والفيزا طلعنها عن طريق المكتب تقريبا ب1200 ريال
طبعا ذاك اليوم زوجي كان مستعجل عشان الفيزا وما كان عندنا صور
ورجع من الدوام وقال يالله على الاستديو وانا عيوني بتطير من مكانها ..... الحين !!!
قال ايه على السريع لبسي عباتج وانا اسناني كانت توجعني وخدي منتهي رايح فيها منتفخ مره
منتفخ وايد واااااااااااااااااايد
وتوكلت على الله ورحت صورت
والصوره تخرع مع خدي المنفوخ شكلي تحفه
المشكله يوم ثاني بعد ماصورت خفت النفخه بشكل كبيييير >>>>عناد السالفه
المهم ماعليكم من الهدره
طلعنا المطار
وهذي صوره واحنا في انتظار الطائرة توصل كان المغرب صلينا في المطار
وبعدها ركبنا الطائره
وهذي بعض الصور اول ماطررررنا
هنا وصلنا الشارقه
المسافه من الدمام الى الشارقه تقريبا ساعه
وهنا طالعين من الشارقه ومتوجهين الى كيرلا منطقة كوتشين
والمسافه من الشارقه الى كوتشين
تقريبا 4 ساعات ونص
وصلنا الساعه 1 الفجر
وبتوقيت الهند 3 الفجر
سكنا في فندق قريب للمطار كم ساعه بس للصبح الساعه 8 وطلعنا من الفندق
حنا قبل كنا حاجزين عن طريق مكتب سياحي في الهند
اسمه لانا تورس
طبعا راسلنا كذا مكتب
بس لانا تورس كان عرضه افضل
والسعر افضل
اخترت المنتجعات وهم حجزو لنا
طبعا مع سائق والسياره
يستقبلنا من المطار و
يتم معانا على طول ويودعنا عند المطار
طلعنا الصباح من الفندق
والساعه 8 مر علينا السواق كان اسمه انس
مره طيب وحبوب ومحترم ومسلم ويتكلم عربي
رحنا المكتب ندفع باقي الفلوس
وصرفنا روبيات
الريال =12 روبيه
هذي صور من الطريق وحنا في السياره
يتبع