بما أنه فيه كثير من بنات المنتدى في المرحله الثانويه العامه والحين حنا بالترم الثاني وقرب موعد أختبار القدرات
ففكرت أطرح الموضوع هذا عن أختبار القدرات
فيه نصائح وتوصيات وأفضل الكتب المطروحه
اختبار القدرا يعتبر غالبا عقدة قدام الطلاب
وبكل صراحة تسبب في حرمان اكثر الطلاب حقهم في الكليات اللي يبغونها
والسبب الدرجات الضعيفه اللي يجيبها بعض الطلاب اللي تكون أقل من 75%
اذا جبت درجة تحت 75 فاعرف ان الاختبار ضرك
اما اذا جبت من 75 الى 80 فانت في المتوسط وهنا تكون في مرحلة امان
اما اذا تعديت 80 فالإختبار فادك
وأحيانا أختبار القدرات يرفع النسبه وهذا شي صار لبعض الي أعرفهم
اول شي لازم تعرف ان دخول الآله الحاسبه ممنوع واستعمال الجوال برضو ممنوع
وطريقة الحساب معاك ورقة خارجية وقلم بتلقاها على الطاولة .
الأساسيات في الأختبار
1- لازم تكون حافظ جدول الضرب كامل
2- لازم تكون عارف طرق القسمه
3- لازم تكون عارف طريقة ضرب وجمع وكسر وقسمة الكسور والجذور
4- لازم يكون عندك معرفه كاملة عن الاشكال الهندسيه وكيف تحسب الزوايا والمساحات واطوال الاضلاع
5- حاول انك تشغل مخك زين في الحسبه يعني تعلم كيف تحسب بسرعه
يعني خلي معاك الاله الحاسبه واجمع واضرب في مخك وجرب على الآله الحاسبه << طبعا هالكلام للقسم الأدبي لأنه من ضمن الأختبار رياضيات
6- اذا لقيت عندك معجم عن الكلمات العربية ومعانيها وقدرت تحفظ كم كلمة يكون ممتاز
أفضل الكتب للقدرات
من أفضل الكتب اللي الطلاب استفادوا منه كتاب الأمين بالإضافة إلى كتاب رام 1 و قبول 1 و جميع أسئلة اختبار القدرات نادراً ما تلقى منها في الكتب لأن الاختبار عدد نماذجه كثير و يوصل عدد الأسئلة لديهم أكثر من 32000 سؤال لكن الكتب تعودك على طريقة الحل في القسم الكمي و تعلمك القوانين و في اللفظي صعب أنها تفيدك .
بالنسبة للدورات هناك دورات تقام لمدة 5 أيام هذي ممكن الطالب يستفيد منها لكن في دورات تقام لمدة يوم واحد هذي ما تفيد الطالب في شي لأن أكثر الدورة يروح في الاستعداد ليوم الاختبار و طريقة الاختبار و ما يحل مسائل كمي كثير .
* أبتكلم عن كتاب الأمين من تجربه شخصيه لي فيه
ببداية الكتاب فيه قوانين الرياضيات هذي تذاكرونها زي أسمكم
أنا ذاكرت القوانين الموجوده في الكتاب وكان أحسن جزء لي بالأختبار هو الرياضيات
كنت أطبق القوانين وألقى الأجابه بالخيارات الموجوده ولله الحمد .
وفيه نصائح قبل الأختبار وأثناء الأختبار وطريقة الحل
كما أنه يحتوي على أختبارات تجريبه نهاية الكتاب
يعني شامل لأختبار القدرات .
أنا أعتمدت عليه فقط ولله الحمد كان معدلي بالأختبار أعلى من صديقاتي اللي راحو دورات
وبحثو في النت .
وانت في الاختبار :
1- دائما انتبه للوقت ولا تاخذ راحتك مره في الاسئلة
2 - القسم الاول هو دائما الورطة بالذات للي أول مره يختبرون لانهم ما يدرون ان الوقت يمشي بسرعه
3- اذا احترت في سؤال دائما احذف الاجابات اللي ما تتوقعها وراح يطلع لك الجواب الأقرب
4- دائما اول ما تبدا قسم.. اقرأ اول سؤال اذا حسيت انك ما تعرف اجابته او بيطول معك خليه شوي على جنب وابدا بالاسئة السهله اللي متأكد من جوابك انه صحيح
لأن حط في بالك انك بتنهي القسم وفيه اسئلة انت ما حليتها يا بسبب صعوبتها يا بسبب الوقت وفي اسئلة انت بتكون شاك فيها وفي أسئلة انت بتكون متأكد منها وهي السهله
عشان كذا حاول قد ما تقدر انك تحل الاسئلة السهله كلها لأنك متأكد منها عشان تضمن درجتها وما يروح عليك الوقت في الأسئلة الصعبه وانت مو ضامن اجوبتها
لأن الاسئلة الصعبه احتمال تصيب واحتمال تخيب فعشان كذا خليها اخر شي واستغل الوقت في الاسئلة السهله اما الاسئلة الصعبه اذا لحقت عليها يا هلا واذا ما لحقت مو مشكلة اهم شي انك جاوبت على الاسئلة اللي انت متأكد منها وضمنت الدرجة
4- اذا اخترت اجابة انساها وشوف اللي بعدها ولا تراجع لأن ما عندك وقت للمراجعه واذا خلصت الاسئلة اللي ضامنها حاول تشوف الاسئلة الصعبه يمكن تقدر عليها او راجع الاسئلة اللي حليتها
بالنسبة للتحصيلي يختلف من طالب لطالب على حسب استعداده للاختبار ممكن طالب جاب في القدرات 75 لكن ذاكر للتحصيلي و جاب فوق 85 ، و فيه طالب جاب في القدرات 90 و في التحصيلي ما استعد زين و جاب 69
وأهم نصيحه ونختم فيها
أدخل للأختبار وأنت واثق من نفسك وشل عنك الأرتباك لأنه بضيع كل المعلومات اللي براسك
وأنتبه للوقت .
للأمأنه منقول للفأئده ,
: نصـggفـه : @nsggfh
محررة فضية
يلزم عليك تسجيل الدخول أولًا لكتابة تعليق.
: نصـggفـه :
•
؟؟
زهرةعمري
•
فيه دورة مجانية للقدرات لمدة يومين الاثنين والثلاثاء بتاريخ : 16 و 17 /4
في اكاديمية العثيم اللي في شارع الحسن بن علي في الروضة
الدورة مسائية من 4 الى 8
بالتوفيق
وجزاك الله خيرا ياصاحبة الموضوع ^_^
في اكاديمية العثيم اللي في شارع الحسن بن علي في الروضة
الدورة مسائية من 4 الى 8
بالتوفيق
وجزاك الله خيرا ياصاحبة الموضوع ^_^
الصفحة الأخيرة