السلامـ عليكمـ ورحمة اللهـ وبركاتهـ ..
مسآء و صبآح الخير
هالتقرير تأخرت كثير بطرحه ولكن اعتقد الحين إجازة
ورمضان باذن الله قرّب بلغنا الله وإياكم الشهر وجعلنا من صوامه
وقوامه و نسأله سبحانه ان يكتبنا فيه من العتقاء من النآر
في اجازة نصف العام الدراسي في شهر 2 هجري
سافرنا الى مكة لـ أدآء العمرة وجلسنا لمدة اسبوع
سكنّا في فندق موفنبيك برج هاجر مكة
سعر الغرفة في الليلة 700 ريال غير مطلة .. و .. المطلة بـ 750 ريال
لوبي الفندق في الدور الـ 11 مثل كل فنادق الأبراج وفندق الموفنبيك
مبناه خلفي حتى الغرف المطلة على الحرم الاطلالة فيها غير كآملة .
.. اترككم مع الصور ..
مدخل الفندق وعلى اليمين يوجد مستشفى
الممر المؤدي لـ المصاعد
الجلسات اللي في أخر الممر هذي مخصصة لـ موظف يقدم الشاي المغربي
من بعد صلاة العصر وحتى قبل صلاة المغرب كل يومي ومجاني طبع
وعند المدخل يقدمون التمر والقهوة
مركز رجال الاعمال خدمة الانترنت متوفرة فيه واير لس مجاني
ولكن بالكيبل بالساعه اعتقد الساعه بـ 30 ريال غير متأكده
وفي الغرف غير متوفرة خدمة الانترنت حالياً
الجلسات الجانبية والانترنت متوفر فيها مجاني
المصاعد
الممر بين الغرف
مناسبة للعوائل لكن مزعجة اذا كان جيرانك معاهم اطفال
الغرف مقاساتها مختلفة خصوصا اللي فيها زوايا بتكون أكبر
المطبخ مافيه غير الثلاجة والكهرباء مفصولة عن المطبخ بأمر من الدفاع المدني
وحسب كلام الموظفين اذا احد رغب في تشغيلها بطلب من مدير الفندق
يوميا يقدمون لك 2 ماء مع لوازم المشروبات الساخنة مجانا او عند الطلب
احلى شيء في جميع فنادق الأبراج النقل المباشر بالصوت للأذان والصلوات من الحرم