تواصلا مع حاجتنا هاليومين للبس الخريف اللي يكون كم طويل بس قطن ناعم وكذا..رحت ادور لي ولبنتي
رحت ((لاخر فرصه))يوم الجمعه.
طبعا كاتبين تصفيات وتخفيضات ومدري وشو لوحات ماليه المدخل..انا داخله متفائله يعني:)
المهم اول شي رحت قسم الاطفال..بالنسبه للبس فيه حاجات((بناتي)) تهبببل بس شتوي شتوي
وانا ابي ربيعي..المهم خذت لها بدله وحده ب39ريال بنطلون فوشي وبلوزة سكري بفوشي
البنطلون((الترمه))اللي يجي محزز كان فيه خطوط بالطول؟عرفتوه ان شاء الله؟
المهم اخذت مقاس سنتين عشان استفيد منه البس تحته لو دخل الشتاء
والبجامات تااااااااااخذ العقل..موديلات واللوان بناتيه تجنن((العنابي_الاحمر_السكري_السماوي_الوردي)وكلها اللي تجي 3 قطع بنطلون وجاكيت مخمل
والبلوزة تحت كم طويل قطن ناعم تهبببل
وهذي صور للبجامات..اشترت منهم صديقتي((لأان ماعندي كاميرا))
وبعد كذا..طلعت للنسائي..
ماعجبني شي ذاك الزود..خصوصا اني حامل ابي شي معين يعني
ومريت عالبجامات مالقيت منزلين شي كلها قمصان نوم الحراير وكذا مامن جديد..بس مريت عالشنط وخذت لي شنطه ب49 من ماركة Ayshti
سوداء وعليها تطريز سكري تقارب موديلات الدو
وفيه منها لون بني غامق بس مررره رخيصه وبصراحه شكلها يعطي اكثررر بكثير
وحجمها متوسط مو صغيره يعني قد كتاب المدرسه..
هذ عن زيارة (((اخرفرصه-سما))
-------------------------------------------------------------------
بعد كذا بيومين رحت مبارك ستايل..
كنت بحاجه لبجامات للبيت وللنوم وتكون مريحه..
طلعت للدور الثاني علطول وانبهرت جايبين موديلات ايش اشكال ايش خوذي وخلللي الوان وموديلات
من كل الاشكال
وللبنات اللي مو متزوجه((فيه بجامات ببلايز طويله مخمل وقطن ثقيل))تهببببببببببببببببل
انا خذت لاختي وحده..
واخذت لنفسي 4 بجامات..2قطن و2 مخمل مكونه3 قطع تهبل
وانا طالعه من الممر شفت بجامه يكون قماشها زي قماش الفوطة الجديده مدري وش يسمونه بس حيته ناعم ويدفي خذت لي وحده عنابيه وبلوزتها مشجره..
ولمن وصلت السلم الكهربائي
طاحت عيني على كشك الجزم((الله يكرمكم))
الا وش اشوف
شوز نحاسي كنت شايفه بالرياض مول وقاللي ب70 بس مالقيت مقاسي==حظي حلو حمدلله
واروح واقلبها هي هي نفسسسسسسسسسسسسسسسها وبكم؟؟؟((25ريال))والله مازيد عليكم
الشوز الفلات زي الباليه؟؟
الوان واشكال؟؟
تبين مخطط تبين منقط تبين فضي وذهبي ونحاسي
تين اللي تجي مخرمه او زي الشبكه
تبغين اللي اذا فكيتيها تتشربك فيها مطاط عالاطراف؟؟
ابدا كلها موجوده واسعارها اغلى شي 35 تقريبا..
بصراحه جناااااااااااااااااااااااااااااااااااااااااان..
اختي شاريه منقطه من كليزر ب125ريال؟؟والقاها نفسها حتى الشريطه الحمراء اللي قدام هي هي
ب25؟؟؟؟؟؟؟؟والله انهبلت حتى امي تقول حرام لاعبين علينا هذوووول..
المهم..
نزلت لملابس الاطفال..اشياء روعه وجاكيتات فخمه..لكن برضه انا انتظر الشتاء
بديت اتفرج وامشي ماخذت شي
الين وصلت البجامات:
خذت لبنتي 3 بجامات مخمل اللي تجي ازرار من قدام او عالكتف((ماخذت لها السحاب لانها شقيه بتفتح صدرها))
وخذت 2 قطن ثقيل...
ومريت عالجوارب وقشيت لها من اي لون وشكل عشان تكرفهم بالبيت مابيها تمشي حافيه عالبلاط والجو تغير الحين..
وبسسسس فاتورتنا طلعت ب235ريال فقط لاغير..:26:
الى تقرير جديد..فمان الله
الله انا احب بجايم المخمل
طيب وينه فيه مبارك الستايل؟
وكم اخذتيهك عليه؟