بسم الله الرحمن الرحيم
اسعد الله اوقاتكم
هالتقرير عشان الاخت تنوين وكل من تملك هالاله وما تعرف تستخدمها
طبعا الجهاز اللي عندي ماركه جدا عاديه
ولا رح امدحه كثير له عندي 3 سنوات
يؤدي الغرض قيمته في 120
خط كهربائي 220
من وين جاني ما اعرف بس اتوقع انه من الشامل للاجهزه الكهربائيه
جاني هديه
ممكن تشترون الات اسهل مثلا اللي يجي معاها مكان للحليب
وممكن تشترون الالات الحديثه حسب القدره الماديه
طبعا هالتقرير بعد ما نقلت لبيتي الجديد انكسر البراد الزجاجي اللي ينزل فيه الكوفي
هالاله تسوي الكابتشينو والقهوه الاسبرسو فقط
بسم الله
وهنا الصوره بالخطوات
البن اللي استخدمه اسمه فلامنج من محل الكوفي لافين
فروعه في غرناطه وفي البانوراما وبشارع الثلاثين
قيمة ربع كيلو 24 ريال
وممكن تستخدمون البن من د.كيف
بس هذا احلى للامانه
وممكن تاخذوا من بارنيز
الطريقه
اول خطوه
-تعبي المكينه مويه من البراده الافضل تكون حاره لانه بيكون اسرع في الاستخدام
وتقفلي مضبوووووط وتشدي عشان ما يطلع البخار ويحرقك
الخطوه الثانيه
-تعبي مكان البن ملعقه طعام كبيره لحد رقم 4 وتضغطي البن باصبعك
ثم تركبيه في الاله
الخطوه الثالثه
-وتشغلي الاله على وضعيه البخار لحد مايبدا البخار يطلع بكثافه عاليه واندفاع قوي
تغيري الوضعيه للجهه الاخرى فتنزل معاك القهوه في البراد الزجاجي لحد المكان المعياري للرقم 4
الخطوه الرابعه
-وقفي وحوليه للجهة البخار
بس لان اللي عندي انكسر استخدمت هالكوب
وحطي الحليب ثلثين ودخليه في جهة البخار ثم شغلي البخار
وانتظري لحد مايرغي الحليب وتطلع الرغوه تكون ثقيله وبيضاء مو خفيفه وهواء
ويسخن معاك الحليب
جيبي الكوب اللي رح تشربي فيه
وحطي ثلث الكوب قهوه
وعبيه بالحليب
ورشي عليه اي شيئ تحبينه
وممكن تبخي الكريمه
وممكن تضيفي النكهات اللي تحبي انا ماعندي والله بس بالعاده اشتريها من كوفي كوستا او من لافين
افضل نكهة التوفي او البندق
ضيفي النكهه ثم صبي القهوه ثم الحليب وزينيه
كوبي هذا رشيت عليه خلطه حافظتها بعلبه القرفه تبع العلالي
خلطتي عباره عن
قرفه نص العلبه +سكر اسمر الطري ربع العلبه والربع الاخر نسكافيه ناعم ارجهم مع بعض واستخدمهم للكابتشينو :rotaeye:
نكهته راااائعه جدااا لعشاق القرفه
وهنا كافيه لاتيه بالنوتيلا
وطريقته قهوه من الاله وحليب بدون رغوه كثيره
تصبيها بكوب مدهون بالنوتيلا
وممكن تتزين ببخاخ الكريمه لعشاق الكريمه
سلبيات هالاله مالها سلبيات
تؤدي الغرض منها
سهل استخدامها
الكابتشينو بالضبط كأنه من الكوفي مافي اي فرررق
وهذا تقريري اتمنى ينال على اعجابكم واستحسانكم
وصل اللهم وسلم على رسولنا محمد وعلى اله وصحبه اجمعين
سبحان الله وبحمده
سبحان الله العظيم