تقسيم المهر

شوفي وأنا أختك نصيحه مني وعن تجربه مو كلام عالفاضي أو مجرد مشاركه

ليلة الزواج عندك ( فستان الزفه + كوفيره عروس + مسكه + مصوره )
هذي حطي لها من 7 الاف الى 10 الاف
فستان الزفه تراه كم ساعه خذي ايجار بحدود 2000 الى 3000 بس يكون مصمم
أما إذا مو تصميم فبتلاقين بحدود 800 الى 1500 ريال
وإذا تبين تفصلين عندك مجمعات خياطين العرايس تلاقين عندهم موديلات حلوه فصلي بس بحدود 5000 الى 6000 ريال
المسكه بتكلفك بحدود 300 ريال الى 500 ريال
المصوره لا تاخذين تصوير عادي خذي ديجيتل تكلفك 1000 الى 1500 ريال
الكوفيره بحدود 2000 الى 3000 ريال يكون مكياج ناعم فخم مو عفش ثقيل يضيع معالم وجهك



قمصان النوم اغتنمي فرصة التخفيضات خذي منها ولا تكثرين خذي بحدود 14 لبسه بس مابين التل والشيفون والستان والمشخلع على قول جدتي وانزلي المحلات العاديه زي الهرم واخذي منه القمصان القصير القطن 5 بس والشورتات 5 والبجايم 5
وبكذا عندك لبس شهر حق البيت

طبعا خذي بالتخفيضات شورتات جنز للبيت وبرمودا وبناطيل جنز للخروج والتماشي بس لا تكثرين الشورتات خذي حدود 4 لأنها بس بالبيت وطبعا تقدرين تغيرين باللي عندك وخذي البناطيل حقت الخروج للتماشي 3 او 4 وبدلي معها الليقنزات القطن

خذي 6 أطقم خروج فخمه مكمله من إلى بطقم شناطها وجزمها وشباصاتها
لأن مابتخرجين كثير للناس ويمكن ربي يرزقك حمل بتضيق عليك وتطيح بكبدك
ولا ولدتي مابيرجع جسمك زي يوم كنتي بنت

لا تكثرين اكسسوار لأنك عروس البسي ذهبك

أغلب المهر حطيه بالذهب لأن هو اللي بيبقى لك وللزمن لا قدر الله صار لك شي وخصوصا ذحين الذهب طايح سعره

العطور خذي 4 حجم وسط وواحد خليه ريحه هاديه لاستخدامك بالبيت والخروج معه

لاتكثرين عطور لأن لا انفكت تتغير ريحتها لو طولت وانتي عروس مابيكون عندك وقت خروج للناس بتكون العطور لك ولخروجك لأهلك والتماشي معه ولا خلصت شدي الظهر به اشتري من جيبه علشان يعرف يصرف من البدايه مو يقول لااا حسسيه بالمسؤليه من بدري

خذي شرابات الدلع تجيك كأنها كف اليد .. عالقدم من فوق وتدخل باصبع رجلك تلاقينها بالمحلات
خذي طقمين شاور للحمام فقط لا غير ولا تفكينهم سوا بتتغير ريحتها لا خلص واحد فكي الثاني ولا خلص اشتري من جيبه
خذي 4 جلال صلاه بشراشفها
خذي مفرش سرير النوم اغتنمي التخفيضات
خذي 2 أساس مكياج واحد ثقيل وواحد خفيف والبودره اللي تناسبك
خذي ارواج محدده الوانها
خذي علبة وحده فيها اظلال وورد الخدود
خذي شنطة الفرش
خذي مزيل مكياج من غارنيه
خذي القطن وقصاص الاظافر والمبرد


هذي اللي براسي ولا تذكرت شي بعطيك خبر

الله يعطيكي ألعافيه أختي محتاجه مساعدتكم وياليت تعطوني أسماء ألمحلات والمجمعات 

موفقه

وياك 

وينكم بنا ت