تقسيم عمل المنزل وهوشت البنات 👊

السلام عليكم ورحمة الله وبركاته
كيفكم ان شاء الله بخير اليوم جايه افضفضلكم واستشيركم بشغل البيت وتقسيمه على البنات انا عندي بنات الله يحفظهن ويحفظلكم بناتكم البنت الكبيره ماشاء الله ماتعبتني كانت شايله معايه البيت واشغل اخواتها ومقسمه عليهم الشغل بس المشكله وين المشكله بحرب داحس والغبراء اللي تصير كل يوم بالبدايه كانت المطبخ على وحده والبيت يتقسم على الباقيات وحده قسم الرجال وحده قسم الحريم والصغيره الحمامات الله يكرمكم طبعا البنت الكبيره متخرجه ولمى يطلعون من البيت تنظف وتخلي البيت زي اللمبه وتسوي الغداء يعني ماعليهم اللى يحافظون عليه واغلب الوقت احضر انا الغداء اذا نامت واخلص البيت نجي لا جو من المدرسه نحط الغداء تبداء الهوشه على مين يشيلصحن الغداء بالبدايه اخر وحده قامت تشيلالغداء صارو يجلسون ولا قامو وبقيت ثنتين ماتغدو بدري وحست اختها تبي تقوم نقزن مع بعض وحده تدخل الحمام والثانيه تشرد ويبقى الصحن يستنى من يشيله بالبدايه مانتبهت واخلي اخواتهن يشيلنه وبالخير انتبهت وهات ياتهزي واهواش بس عبث طبعا لاعصبت كل شي يمشى زي الالف بس لامتى وانا اتوعد واهدد البنت اللي كانت ماسكه المطبخ صارت معاها اكزيميا وماتقدر تغسل الموعين قمت بدلت ثنتين من الصغار يمسكون المطبخ والبنت حقت المطبخ مع اختها الثانيه البيت بس المشكله صارت اللي معاهه اكزيميا ماتلمس شي كل شي معايه اكزيمياء لاترتيب ولا شي ولاشتهت تمسح جزمتها ودولابها بالكلو ركس مع العلم ان الاكزيميا احيانا تخف وصار وخواتها ايش معنا هيه طيب الموعين قلنا لكن ماتشتغل وهذا انا طبعا كان سلم واستلم قبل ماينامون كل وحده تسلم الشغل للي بعدها وتعالي اليوم الثاني ماسلمتني الشغل نظيف خلت كاسه خلت صحن مامسحت الطاوله مامسحت الفرن ماسلمها نظيف والا اذا مرت من شغل اختها لو هو مو مرتب مالي شغل ماهو شغلي تقولين ليش ماتشتغلين انا معاهم واختهم الكبيره ونظف ونرتب ونعزل بس هو الله يهدين لازم حرب مع العلم لاصرت تعبانه والا مستشفى تمسكهن اختهن الكبيره وزي الالف البيت نظيف اربع وعشرين ساعه تقولون الخلل مني يمكن ياخذن راحتهن مدري اختهن عصبيه عليهن وكله اوامر رغم يحبونها بس برضه لازم حرب انتو زينا والا حنا من كوكب المريخ اخر شي ادخل ابوهن قال يبي يحل الموضوع خلى البيت كامل من بابه لمحرابه على وحده يعني الباقين مايشتغلون الا اذا جاء دورهن وتعالي يشوفي برضه لازالت الحرب ماسلمتني نظيف ويروح الوقت وهن ماخلصن والمذاكره والتحفيظ رغم يجون والبيت مرتب يعني ماعليها الاتحافظ عليه بس مشكلت صحن الغداء انحلت صارت شردت والا قعدت فيها فيها مدري اضحك والا ابكي يشتكناختنا الكبيره ماتشتغل واختهن الكبيره بناتك مدلعتات وفك يامفكك ومحسوده عندك بنات طبعا لا جاء الجد هن شاطرات والا ضيوف كل وحده تعرف اللي عليها بس مشكلتي بالحرب احيان ازعل واحيانا اخاصم واعصب وتعبت الله يصلحهن مجرد فضفضه واللي عندها حل لحرب داحس والغبراء تفيدني بس مقارنه بالبنات اللي مايشيلنشي لا والله احمد الله عليهن وانا ماني مقصره اشتغل واغسل واكوي واجهز الفطور والكل بس لازم يتعلمن مابغاهن يصيرا رفلات طولت عليكم فيدونا واستفيدو