تقشير الوجةة

انا لي اسبوعين استخدم الخلطه الثلاثيه ناااااااااارررررررر تجننننننن تقشر الوجهه وتفتحه اكتبي بالنت الخلطه الثلاثيه وتطلع لك

دايما اسمع فيها بس كيف طريقتك
لان ناس يمدحوها وناس لا

هذي الخلطه الثلاثيه نقلتها لك من حساب الدكتور
الخلطة الثلاثية للتفتيح للدكتور طلال المحيسن
تعتبر افضل خلطة تفتيح لاحتوائها على مادة الهيدروكوينون ، وموجودة بالمستشفيات الحكومية بالمجان وبالخاص رخيصة .
.
1️⃣غسل اليد ، بعدين تاخذون كمية كثر ( نصف الأظفر ) من كل كريم من ال ٣ كريمات . .( مقشر الدفيرين كريم أقل شي لانه هو سبب التحسس " ربع الأظفر ) مع الوقت زيدو كميته قليلا ) تخلطون الثلاث كريمات باليد . .
2️⃣تحطون الخلطة إما على جميع اجزاء الوجه بعيد عن الفم وتحت العين ( آثار منتشرة ، بشرة غير موحدة اللون ) أو على الأثر فقط ( اذا صغير ومحدود ) ✅تحطونها بليل فقط او قبل النوم وتنامون فيها ( الشمس مو زين وقت وضع الخلطة ) ✅تحطونها ليلة كل ٣ ليالي ( مدة اسبوعين ) ، بعدين ليلة كل ليلتين (مدة اسبوعين ) ، بعدين كل ليلة ، ليش ؟👇
✅لأن الخلطة الثلاثية تحسس بشرتكم ، أو تحمرها أو تقشرها حيل بمناطق تصير حمرة . لذلك يفضل البدأ فيها تدريجيا مثل ماشرحت فوق 👆 وايضا لاتنسون كريم ترطيب معتدل الثقل ( سيتافيل او كيوفي الازرق ) ولا تنسون كريم الحماية من الشمس . ✅اذا حرقت بشرتكم لا تخافون هذا طبيعي مع الغالبية ، توقفون الخلطة ٣ ايام وتحطون ثلج ومرطب قوي على المنطقة المحترقة ( مرهم ببانثين ) لما تختفي الحروق او الحساسية بعدين تبدون مرة ثانيا بالخلطة الثلاثية ( تدريجياشوي شوي بالكمية وعدد المرات بالاسبوع ) لما تتعود بشرتكم عليها قصب . اذا تعودت راح تدمنون عليها 👌.ولا تنسوون قللوا مقشر الدفيرن حيل لانه هو سبب التحسس والحرق .
. 🕚مدة الإستخدام : ٣ - ٦ شهور ، بس من توصلون نتيجة تعجبكم تقدرون تحطونها مرتين بالاسبوع على طول عشان تحافظون على النتيجة . . بعد ٦ شهور وقفوها وبلشوا على كريم بديل مثل السكنورين ( حلو ورخيص ) او فيتامين سي ( حلو وغالي ) . لمدة شهرين .... بعد الشهرين ممكن العودة للخلطة الثلاثية مرة ،
🔴لا انصح بوضع الخلطة في علبة لانها راح تخرب ، لا انصح بالكريمات الجاهزة مثل ترايلوما او بيجمانورم لانها غالية وتحتوي على كورتيزون قوي ( عكس الخلطة الثلاثية نقدر ناخذ الالفاكورت اللي حاط صورته كورتيزون خفيف كأنه مرطب لا يضر ) . .
.
✔️اماكن تصلح للخلطة الثلاثية : الوجه والرقبة ، ( اليدين ، الوجه، الاكواع والركب ممكن تفيد لكن بعض الناس احتمال تزيد سمار هذي المناطق ، اما للوجه ممتازة وهذا الاحتمال غير وارد ) .
.
✖️اماكن لا تصلح للخلطة : المناطق الحساسة ، الإبط ، تحت العين للهالات ، الشفايف . .



وهذي صورة الكريمات

ليش تخلطين وتقرين تجارب وأنت ماتدرين تناسبك أو لا..؟!
ترى هذا وجه ماينلعب فيه
روحي لأخصائية جلدية وتابعي معها ماتدرين هالكريمات تنفعك أو تضرك

لاتضعين شي ويكون دمار على بشرة وجهك عندك الصيدليات مليانه شوفي الي يناسبك واشتريه


موفقه ..💕