D L 3 :

اخر شي بنصحكم فيه تخلوه جزء من روتينكم بودرة الكولاجين شوفو انا كنت ضدها لاني استخدمت الورديه وفعلا اعطتني نتيجه فوريه مع اني ماستمريت بس اهملتها وتركتها وقلت ايش الفايده لو تركتها بتظهر لي خطوط حوالين الفم لاني نحيفه جدا لكن رحت وسويت فيلر وطلع فيلر فاشل عند مركز الموج وخذو مني مبلغ وقدر وايش النتيجه ؟ برضو راح عالاقل بودرة الكولاجين مفيده للشعر والاظافر والبشره وحتى العظام لعلمكم ومامنها ضرر اخلطيها مع حليب او لبن او عصير ويوم ايوه يوم لا اشربيها لو ماقدرتي تنتظمي كل يوم انا استخدمها الان ليا شهرين بشكل مو منتظم وملاحظه الفرق لو شفتو وحده تبيع البودره باكثر من 300 اخسروها واشترو من النت بنفسكم وبكذا الموضوع يكون انتهى الحمد لله وزي ماشفتو عندكم تقشير كريستالي او تقشير بالجهاز وكلها عميقه وتعالج الحبوب والبثور والكلف وبهتان البشره انا عارفه ان الاجهزه غاليه لكن يابنات كم دفعتي على كريمات واغراض من الصيدليه ؟ كم دفعتي على اغراض حق خلطات وكلها خرابيط طلعت ؟ لو رحتي دكتورة جلديه ياشيخه اتحداك لو مادفعتي اقل شي 1000 ريال تعطيك 66 الف كريم حق نهار وحق ليل وحق مدري ايش وغسول وياريت تجيب نتيجه صدقوني هذي الاشياء اللي كتبت لكم عنها بعد بحث وتحري وخسارة فلوس في اشياء سخيفه ومنتجات فاشله طلعت فيها والحمد لله مبسوطه عليها كثير ومناسبتني وفرحانه ببشرتي عقبالكم واخيرا انتهى الموضوع واتمنى يكون عجبكم وكان خفيف لطيف ظريف وبنات ترى انا اتعب واصور واحط ورد بالبانيو ويغرق وليا ساعه احاول اخلي الورد يطفو على سطح البانيو:blink: شفتو هذي الورده اللي لاصقه هناك انا طفشت من كثر مابغاها تطفو مارضت قمت لصقتها ابغا اسوي نفسي حركات بس ماش للاسف :dozey: عشان انزل لكم موضوع عاد اجبرو خاطري بكلمه او نقطه او فاصله اللي يجي منكم حلو واي استفسار انا موجوده والمنتجات واسعارها ومكانها موجوده بالموضوع انا لست تاجره وماحب التجاره وماراح يجي يوم واصير تاجره واكره تخصص التسويق ومارضيت ادخله بالجامعه انا مجرد شخص يحب التسوق من الانترنت ويحب يجرب مستحضرات والدال على الخير كفاعله والسلام عليكم ورحمة الله وبركاته

اخر شي بنصحكم فيه تخلوه جزء من روتينكم بودرة الكولاجين شوفو انا كنت ضدها لاني استخدمت الورديه...