تقشير من جلسه وحده بس

هاااي ياحلوات...جمعه مباركه يارب :smile:..اليوم راح اكتب لكم تجربتي مع الاميلان البيل او التقشير البارد..طبعا هذا التشقير عباره عن ماسك ينحط عالوجه لمدة 8 ساعات ماتغسلينه..وبعد ماتخلص ال8 ساعات وتغسلينه يبدا وجهك يتقشر لمدة اسبوع لكن قشور عاديه يعني ماتحسين بحراره او التهاب بس طبعا تسخدمين الكوم كريما اوغيره من الكريمات الي تهدي البشره...بعد الاسبوع يروح التقشير بس طبعا لازم تسخدمين سبوت كريم او كزومو اميلان كريم وهوا كريم تقشير للبيت تستمرين عليه لمدة 6 اشهر او سنه..واهم شي حاولي مااتعرضين للشمس وقت التقشير..وماراح اكتب اسمه الدكتوره الي عملت عندها لان فيه بنات صاروا يقولون اني اسوي دعايه..:sad:
المزايا:
1.انه مو مثل الانواع الباقيه من التشقير يعني ماتحسين بالتهاب وهيجان للبشره.
2.سعره مناسب مع انه يعتبر اغلى من انواع كثيره 1500 للوجه والرقبه بس محسبوتكم سوت فل بودي<<<:biggrin2:
3.مايحتاج انك تعملين جلسه ثانيه واذا استمريتي عل الكريم والصن بلوك يمكن ماتسوين جلسه ثانيه الا بعد سنتين او اذا حسيتي هوا عموما اصلا متسوينه اكثر من مره بالسنه.
4.يوحد اللون ويصفي الوجه.
5.هوا عباره عن ماسك ينحط عل الوجه يعني تقريبا مايفرق من دكتور لثاني لانه مايبغاله شغل بس يحط لك عل وجهك وغسليه بعد 8 ساعات .

العيوب:
1.ارتفاع سعر سبوت كريم او كزمو اميلان كريم الى 750 او 950 ريال تقريبا لكن ترا يستمر معاك اكثر من 6 اشهر وهوا يستخدم كل يوم قبل النوم.
2.هذا التقشير لتوحيد لون البشره ويشيل الكلف والتصبغات بس مايشيل الحفر الي في الوجه.

اسفه على الاطاله واتمنى يكون موضوعي مفيد للجميع:icon30: