تقضيتوا لرمضان .... شفتوا اللي شفناه حسبي الله ونعم الوكيل

السلام عليكم

كل عام وأنتوا بخير

كالعادة في أي بيت سعودي تونا نستوعب إن رمضان جاء

رحنا أمس نتقضى لها الشهر الكريم


طبعا الكل يمدح له مركز و يقول هذا أرخص وهذا غالي ومن هالكلام
طبعا حنا قررنا نروح ونشوف بعينا هالغلاء اللي يقولون

وفيه ناس مدحولنا المخازن الكبرى

توجهنا له وبدينا ندور على المواد الغذائية ونشوف هالأسعار اللي تطير طبنات الأعل

تخيلوا شوربة كويكر الحبة ب6 ريال

عاد حنا بنشتري تقريبا كرتون يعني بيضرب فوق

وإلا المكرونة تفاوت في الأسعار بشكل مو طبيعي

عاد طلعنا من عنده ورحنا للعثيم حبيبنا الأولي قلنا أكيد الكل بيتغير إلا هو حليو وأجودي >> من هو ؟؟

لقينا الشوربة ب4 ريال شوفوا الفرق !!!

وين حماية المستهلك عن هالمراكز اللي قاعدة تتلاعب بالناس

وإلا النيدو حكاية تانية تخيلوا العلبة المتوسطة ب62 هذا والناس تقاطع

وأبو قوس هالجديد معاد يحاكي أحد ب57 وش عليه تكفى >>> ترى أقصد البودرة

والزيت علومة علوم تخيلوا هالي ب12 أجل عافية بكم ؟؟

قعدت أفكر ...........

بالله اللي راتبه 2000 ريال ويتحمل أعباء أسرة كاملة وعلية أجار وكهرباء وتلفون وموية وشلون بيعيش في رمضا ن
لا تقولون مثل الأيام العادية لأن رمضان يختلف عن غيره


فعلا هالتجار صاروا طماعين بشكل

لازم أحد يوقفهم عند حدهم


سؤال ينتظر إجابة

بالله وش دور حماية المستهلك هاللي كنها بيض الصعوا نسمع عنه ولا نشوفه !!!!!!!!!


يعطيكم العافية

أختكـ أبلة تاريخ ــــــم