يا "فهد" من شفت زولـك بينهـم روّح خيالـي
يقطع بحور الزمـان الاولـي عرضـه وطولـه
قمت اهوجس واتذكـر طيشنـا ذيـك الليالـي
يوم كنـا صغـار تحكمنـا بـراءات الطفولـه . .
يوم كان اقصى طموح لنا نروح لـ . . بيت خالـي
و كيف كنا ننتهي من واجب ( الخـط و أصولـه )
اذكرك , يومك تجيني كنت انـا جالـس لحالـي
و آتفقد جيـب ثوبـي و ألعـن الفقـر و فضولـه
يوم شفتك هـل دمعـي ( يا فهـد دور ريالـي !! )
و أنت تمسح دمعتي بـ . . إيديك و أحساس الرجوله
تقطع ريالك تقـول ( أمسـك و لا تبكـي قبالـي )
و كننا مـن بعـد هـذا كـل مانبغـى , ننولـه
و أذكرك , يوم انت تلبـس غترتـي و لا عقالـي
ثم تجلس في مكـان ابـوي و عيونـي ذهولـه . .
و الله انك يا "فهد" فـي وقتهـا شكلـك خيالـي
و الله انك كـل مالديـت , اقـول الـزول زولـه \
يا فهـد و الخمسـه و عشريـن مـرت يا ظلالـي
قدّر الله والسنيـن بـ . . طبعهـا دايـم عجولـه
يا "فهد" و انت الوحيد اللي يعرف ان ضاق بالـي
قبل ما أشكي قبل ما دمعي يبـادر فـي هطولـه
يا "فهد" وان شفت دمعي يوم عرسـك لا تبالـي
كل مافي الامر فرحٍ ما قدرت انطـق و اقولـه !!
مما رااق لي
طيف الابتسامة @tyf_alabtsam
محررة برونزية
يلزم عليك تسجيل الدخول أولًا لكتابة تعليق.
بنت رجال
•
رائعه جدا جدا صح لسانك وفالك البيرق
الصفحة الأخيرة