السلام عليكم
أخواتي أنا بقول لكم قصتي وقولوا لي وش رأيكم ؟
أنا أمي كبيرة في السن فأخواني معتمدين على في زواجهم
اللي صار أن واحد من أخواني كان متعلق مرررررررررررة بوحدة من قرايبنا بس من بعيد
وكان يبغاها مرة ولما وصل لأخر سنة بالجامعة قالي اخطبيها لي
والبنت المعروف عن أهلها أنهم ما يزوجون بناتها قبل لاتخلص الجامعة كل بناتهم كذا
فقلت لأخوي انتظر لحد ما تتخرج وتتوظف وهي تكون قد تخرجت بعدين أخطبها لك
قالي أكيد قلت أكيد لأني عارفة البنت مستحيل تتزوج وهي تدرس
وجلسنا على الوضع هذا انتظر أخوي يتوظف وهي تخلص دراستها
وبهالفترة سمعنا أنا تقدم لها واحد قريبها وخطبها وأنهم وافقوا على الخطبة بس لحد ما تخلص دراستها وحتى خطيبها كان يدرس وبكذا بتطول فترة خطبتهم
لما عرف أخوي بالخطبة بغى ينجن
وصارت سالفة
ومن بعدها وهو راااافض الزواج تماما أيا ما كانت العروس إلا إذا هذي البنت
بالفترة هذي أخوي توظف الحمد لله وظيفة زينة تخليه يروح يخطب من أي أحد بس هو رافض
البنت لها مخطوبة من سمعنا بالخبر 4 سنوات تقريبا
تخرجت فيها البنت وجلست في البيت ولا تزوجت طبعا مستغربين لكن ما قلنا شيء
لأن الخطبة ما كانوا معلنين عنها والمفروض أن محد عارف
بس حنا عرفنا بالصدفة
اللحين ....
سمعت أنهم فسخوا الخطبة بس ماني متأكدة
أبغى أتأكد علشان بسرعة أخطبها لأخوي
لأن البنت ما شاء الله عليها ما ناقصة شيء أخاف تروح مرة ثانية وينقطع قلب أخوي
وبنفس الوقت ما أبغى أقول لأخوي وأعلقه بأمل وأنا ما تأكدت
وفكرت كيف أتاكد ؟ خاصة أني ما أقدر أكلم أنا لأن المفروض أني ما أعرف عن الخطبة أصلا
وعندنا عيب إننا نتقدم لوحده وبعدين يردونا يصير خلاص الولد فيه عيب
>> ما أبغى أتقدم وبالأخير أضر أخوي أبغى أتأكد قبل
قلت مالي إلا أني أخلي وحده تسوي نفسها خطابة
وتدق على أمها تسألها عنها وأن عندها لها عريس مناسب و......... تأخذ الأخبار منها
وش رأيكم ؟؟؟
تنفع هالطريقة وإلا مكشوفة ؟
أم عبدالملك 2010 @am_aabdalmlk_2010
عضوة جديدة
يلزم عليك تسجيل الدخول أولًا لكتابة تعليق.
اذا هالطريقه انسب حل توكلي على الله وخلي وحده تكلم على اساس انها خطابه وشوفوا البنت اذا مرتبطه
او لا
او لا
فو1كه
•
واتو البيوت من ابوابها
عادي ماكأنكم دريتوا عن خطبتها
قوليلهم اخوي جاهز ووووو
واستخيروووووووووووووووا ..
عادي ماكأنكم دريتوا عن خطبتها
قوليلهم اخوي جاهز ووووو
واستخيروووووووووووووووا ..
الصفحة الأخيرة
روحي يافلانه ابي بنتكم لاخوي حتى لو مخطوبه 4 سنوات منتظره اكيد اهلها ملوا
معروف الاهل يبون يسترون على بناتهم بهالزمن واخوي جاهز ووووو من هالكلام
لا تتاخري ويتعقد اخوك اقطعي الشك باليقين
واسال الله ان يكتب له الخير