تقلدني بكللللل شي وتنسبه لنفسها .. وش الحل معها ؟

السلام عليكم

شلونكم يابنات ؟


انا عندي مشكله ماهي مشكله بس شي يضيّق صدري كل يوم وابي له حل ..


السالفة ياطويلات العمر اني مع بداية الترم الثاني توظفت معلمه بديله هالترم بس ويمكن يجددون لي .. المهم داومت وتعرفت على كل المعلمات وكل شي تمام .. وبما ان الغالبيه متزوجات فـ صرنا قروبين .. واحد للمتزوجات وواحد للبنات.. المهم .. فيه وحده من قروبنا لصقت فيني وهي بصراحه طيبه وعسل .. فـ صرنا دايم انا وياها مع بعض ..

شيئاً فشيئاً صارت تقلدني بكل شيييييييييييييييييييي بكل شيييييييييييييييييي .. ابي اقولكم امثله بسيطه ..

البس فوشي .. احمر .. ابيض ... اي لون .. تجي بكرا لابسه نفس الشي ..
احط روج بلون معين .. تحط نفسسسسسسسسه بنفس اليوم ..
احط بلاشر لون مختلف وكلن سألني عنه .. صارت تاخذه مني يومياً لين شافت مابقى منه الا شوي صارت ماتطلبه ..
طريقة مكياجها صارت نفس طريقة مكياجي بالضبببببببببببببط وقبل ماتبدأ بالتقليد كان طريقتها غييييييير ..

ومو بس باللبس والشكل حتى بالطبايع صارت تقلد ..
انا احب صنف معين من الاكل .. وكل المدرسه عرفت اني احبه .. وفجأه صارت تطلبه وتبين انها تحبه وهو افضل شي عندها ..
احب نوع معين من العصير ومعروفه فيه حتى ببيتنا .. فجأه صارت هي تحبه وتطلبه وكالعاده صار هو احسن نوع عندها ..

اذا المعلمات فتحوا موضوع وابديت رأيي فيه .. تروح هي تتعمد تفتحه بنفس الاسبوع او الي بعده .. وتقول نفس رأيي بالضبط " طبعاً تقوله قبلي " والله يابنات نفس الجمله الي اقولها تكررها !!!! :09:

وانا عندي كلمه دايم اقولها اذا بغيت اعلّق على احد .. ومعروفه فيها عند اهلي وجماعتنا وصديقاتي الي معي من زمااان " قبل الوظيفه " واول ماقلتها للمعلمات ضحكوا عليها مااااتو من الضحك بعدين تعودو يسمعونها مني .. وكالعاده صارت هي تقولها بكثثثثثثثثثثره .. والي قهرني أكثر .. اني مره اسولف انا وياها لحالنا .. وقلت لها هالكلمه قالت يوووووه يادلع حتى انتي خذيتي هالكلمه مني :eek: انا طارت عيوني من الصدمه عجزت اقول شي واستأذنت ورحت ..


والحين صارت تبينا دايم انا وياها نروح بمكان بعيد عن القروب .. مع ان القروب فله ووناسه وكلنا بنات .. وتبي كل شي اقوله لها مااقوله لغيرها بالقروب يعني الا بالغصب سوالفي تصير اسرار لها هي بس ..



تكفوووون بنات والله يمكنها عندكم شي تافه لكن انا متأذيه منها بشكل فظييييييييييع لدرجه ماداومت هالأسبوع كله من القهر الي فيني .. بكل صغيره وكبيره تقلدني والي يقهر اكثر انها تنسبه لها !!!



ساعدوووووووووني كيف ابين لها اني طفشت من هالشئ بس بدون مااجرحها لاني بس هالترم عندهم ويمكن مااشوفها بعدين وابي اوقفها عند حدها لان مثل ماقلت لكم يمكن يجددون لي السنه الجايه عندهم وابتلش فيها لانها هي معلمه رسميه يعني اكيد بلقاها بالمدرسه ..




:09::09: