بنات اللي تبي تشارك بالموضع بس علشان تتمسخر و تقعد اتجذبني علشان تقهرني رجاءا لا تعلق.. انا المعلومات هذي كلها انا يايبتها بعد تعب ومعاها المصادر وتعمدت اكتب بعض المصطلحات بالانجليزي عشان تبحثون و تتاكدون بنفسكم.. اللي بتجذبني تجيب دليل مثبت او دراسه مثبته .. لاني انا مايقنعي الكلام اللي على الماشي
بنات انا صار لي اسبوع مو قادرة أنام من المصيبة اللي عرفتها..
بعدين صار ردت فعل قمت ارفض المعلومة اللي سمعتها بس بعدين لما بحثت من المصادر و تأكدت من الخبر ضاق خلقي واااايد :(
قلت لازم اعلم البنات باللي عرفته وياليت انتوا بعد تعلمون كل اللي تعرفونهم
بنات الموضوع هذا وايد كبير وخطير وواسع وانا حاولت اجمع لكم الخلاصة و اترجمها لان الاعترافات هذي من أجانب..راح اكتب لكم أسمائهم بنهاية الموضوع علشان تبحثون عنهم و تقرون مقالاتهم واعترافاتهم.... والخبر اللي يزعل صج ان اغلب اللي كشفوا الاسرار هذي اغتالوهم و ماتوا :(
بنات احنا كلنا نعرف ان الوسط الفني فاسد وخاصة عند الاجانب..بس كنت احيانا اتساءل عن السر في فسادهم مع انهم في مجتمع حاله حال اي مجتمع
بس بعد اللي عرفته فهمت الحين شنو القمندة
بس خلوني الحين اتكلم باختصار شديد واللي حابه تقرا و تتوسع اكثر ان شا الله بحط لكم اسامي وانتوا بحثوا واقروا
كلكم تعرفون الفراعنه اشلون كانوا عمالقة في حضارتهم وتقدمهم في العلم..اكتشفوا العلماء ان عندهم طقوس يسوونها "للتحكم بالعقل" هذا العلم خذوه "المجتمعات السرية" ودرسوه عدل.
وعلى ايام "هتلر" النازي..كان عنده دكتور يلقبونه ب "ملك الموت" استخدم الاسلوب هذا في التحكم بالعقل وطوره لانه كان يسوي تجارب على المساجين و حتى الآطفال.. وعرف اشلون يتحكم بالعقل عن طريق البرمجة.. الدكتور المجرم هذا لا بارك الله فيه اسمه "جوزيف منجل - Joseph Mengele"
بعدها خذوه الاستخبارات الامريكية CIA واسم البرمجة هذي MK-ULTRA و تطور بزيادة و استخلصوا منه عدة برمجات للعقل و اسامي وايد
بس انا راح اتكلم عن البرمجة اللي يستخدمونها في الوسط الفني على الممثلين و المغنيين.. والخ
يستخدمونه سواء منتجين او مخرجين وحتى شخصيات سياسية علشان سوقهم يمشي ويقدرون يسيطرون على عقول العالم بواسطة هالفنانين (المبرمجين هذيلا أساسا اهم الماسونيين وعبدة الشياطين اللي يؤمنون بقدوم الدجال ويسيطر على العالم).. و منو ياكلها يا شاطرين يا حلوين؟
الضحايا اهم الفنانين و جمهور الفنانين يعني احنا :06: صج شي مضحك مبكي
يستخدمون على الفنانين برمجه اسمها Monarch Mind Control او Monarch Programming
البرمجه هذي أساسا "ساديه" تعتمد بشكل اساسي انهم يسوون "صدمة" للضحية اللي هو الفنان بدون ما يحس او يعرف ان اهم قصدهم يبرمجونه.
ويطلع لهم في النهاية و احنا الغافلين نشوفه فنان بس اهو بالأساس "عبد" لهم يسلبون منه أرادته و يتحكمون فيه مثل ما يبون وما يقدر حتى يفكر بالصح و الخطأ ولا حتى يقدر يطلب المساعدة من الناس اللي حواليه.. ليخدم أهدافهم المبطنة الخبيثة
ال Monarch اهي الفراشة الملكية ..لانها تبدأ حياتها دودة (المتمثل فيه الفنان قبل البرمجه) وبعدين بمرحلة حياتها تتحول الي يرقة (يعني مرحلة البرمجة) وبعدين تتطور الي فراشة (الفنان بعد البرمجة)
هذي صورة الفراشة المقصودة
البرمجة هذي يستخدمون فيها عناصر اللي هي الأيذاء بطقوس شيطانية Satanic Ritual Abuse و أضطراب الشخصية المتعددة Multiple Personality Disorder
يعني البرمجة هذي يدخل فيها 1- علم النفس 2- علم الأعصاب 3- الطقوس الغامضة علشان يطلع لهم "عبد" ينفذ طلباتهم عن طريق "إثارتة" بالرموز اللي تبرمج عليها.
والرموز هذي تكون يا أما رمز او حركة باليد او صورة معينه او حيوان معين او لبس معين تكشف للمبرمجين الثانين "Handlers / Programmers" اللي حابين يتعاملون مع هالفنان نوع البرمجة اللي خضع لها الفنان هذا علشان يعامله على اساس برمجته للوصول لهدفه
وسبب عرض الرموز هذي لسبب ثاني هو علشان يضعفون احساس الجمهور او يسيطرون على عواطفهم عن طريق توصيل رسالة ما يدركها العقل الواعي بس يفهمها العقل اللاواعي اللي يمثل 90% من عقل الانسان
ومن هذي الرموز الجنسية اللي تبين ان الفنان هذا خضع لبرمجه جنسية يعني الفنانه انمسخت من قيمها واخلاقها و صارت مثل الكمبيوتر تنفذ طلبات المبرمجين (ترى الفنانه تكون متعذبه في داخلها لانها تحس انها مسجونه و مو عارفه تطلب المساعدة )
الرموز الجنسية هي الفراشة راح اعرض صور
من الرموز الجنسية اهو الحذاء الأحمر
من الرموز الجنسية اهي القطوة او لبس التايقر اللي يرمز للقطوة لو لبس "الزيبرا" او تشيل جلب صغير "مكرمين"
الصورة هذي عندها رمزين الجوتي الاحمر و الجلب الصغير
الرمز هذا السلاسل و العين اليمين مغطيتها بشعرها معناتها لخعت لبرمجة (الجهة اليمنى من مخها مغلقة والسلاسل ترمز لللأنعزالية)
الارضية مالت الماسونيين و لاحظوا السلاسل بعد
بنات ارى في رموز وايد ما يكفي الموضوع اعرض كل الصور بس راح اكتب لكم شنو اهي الرموز
وانتبهوا منها ولا تقلدونها ولا تلبسون نفسهم
* الجمجمة العظام
* الحذاء الاحمر
*حيوانات
*قفص العصافير
*عين وحده مغطينها بالشعر
*رموز كارتون شركة ديزني (هذا راح اقول لكم ليش بعدين)
*فراشات
*طير او طيور
*الوشم انتبهوا تقلدون وشم فنانه
*رموز بالأيد
*جواهر تلبسها الفنانه شكلها حلو ملفت للنظر
*لبس مربعات ابيض و اسود (يرمز لبلاط الماسون)
*قوس القزح (رمز جنسي)
*القطاوة (ترى حتى هالو كيتي)
* الأرنب الأبيض
*لعبة Doll ماسكها الفنان او الفنانه
*المرايا
*شبكة العنكبوت
*اقنعة
*النظارة الشمسية السوداء
* و غيرة وايد وايد
ومن المبرمجين Handlers/Programmers اهي هيلاري كلينتون
وهذا اسمه انتون لافي Anton Lavey مسوي كنيسه لعبدة الشياطين و مسوي بعد انجيل شيطاني
بنات اللي صدمني صج تعرفون مؤسس شركة والت ديزني ..اهو اسمه والتر ديزني Walter Disney ترى اهو من عبدة الشياطين و يستغل الاطفال جنسيا Pedophile
اي بنات نسيت اقول لكم ان جوائز الآوسكار ما هي الا رمز لطقوس قديمة مستوحاه من "صنم النجمة"
والسجاد الاحمر اهو رمز يمثل ان عروق او دم ال Monarch يحكمون كل من مشى عليه
المعلومات وايد وايد بنات شقول شحجي اللي قلته لكم تناتيف بس اللي حابه تعرف أكثر تبحث عن
*Slavi هذي كانت من المبرمجين و انسحبت منهم و فضحتهم و اغتالوها بعدين
* Fritz Springmeier
*Cathy O'Brien
*Ron Patton
*Glen Yeadon
*Walter Tribe
*Dr.Cory Hammond - University of Utah
حاولوا تنشرون الموضوع و تبلغون اهاليكم
اللهم اني بلغت اللهم فاشهد
