السلام عليكم ورحمة الله وبركاته
أخواتي العزيزات
أنا عندي مناسبه الأثنين الجاي مناسبه جداً كبيره و أشتريت لها فستان و تكلفت عليه مره
و أمس رحت وكملته من جزم و شنطه و جامعه مبلغ عندي بشتري فيه ذهب و يوم أشتريت
فستاني رحت وشريت طقم ذهب يمشي عليه يعني خلاص أعتمدته أن شاء الله للمناسبه
و قبل أمس دخلت علي وحده من قريباتنا تبغى تحضر نفس المناسبه و من ضمن المحادثه
اللي دارت بيننا على الوتساب سألتي من وين شريت فستاني و علمتها و كمان سألتني عن موديله
و خبرتها بالتفصيل الممل عنه طبعاً هي مخلصه من فستانها شاريته ومكملته
جت اليوم و حادثتني و قالت أنها راحت لنفس المحل اللي أنا أخذت منه فستاني و أنها أخذت فستان منه
أنا قلت لها الله يهنيك فيه بس ليش غيرتي فستانك قالت مدري
ما عجبني قلت لها طيب الله يهنيك فيه
قالت بقول لك موديله إذا أنتي شايفته قلت طيب قولي يوم وصفت لي الفستان أنصدمت بس ما قلت لها
شيء قلت صوريه لي و لما صورته و أرسلته لي طلع نفس الفستان اللي أنا شاريته
و الله مره أنصدمت قلت لها هذا زي فستاني أنا قايله لك موديله و المصمم حقه و قايله لك لونه و كل تفصيل فيه
كيف تأخذينه قالت ما عجبني
غيره قلت لها بدليه أنا مستحيل أقدر أبدل حقي أنا أخذت حقي بعد العيد خلاص راحت علي و كملته كله
و صعب علي أشتري غيره ما عندي فرصه و قلت لها أنتي أخذتيه أمس يمديك تبدلينه قالت لا ماراح أغيره
أنا ما عندي مقدره ماليه أخذ أغلى منه كل اللي بالمحل مره غاليات و هذا الفستان سعره مناسبني و أنتي أغنى
مني أشتري غيره مع أنا والله تكذب ماعليها قل ماده و فيه أرخص منه و حلوات كمان قلت طيب ألبسي فستانك
الأول قالت ما عجبني بلبس هذا مافي مشكله نكون أنا و أنتي زي بعض
و خلصت المحدثه و أنا مره مقهوره منها
أيش الحل و كيف أتصرف المناسبه يوم الأثنين ببريده و أنا بكرا مسافره لبريده
وبريده ما فيها ولا محل مناسبات عجبني إيش الحل
حسبي الله عليه إن كانت متقصده تسوي فيني كذا حسبي الله عليه

nouf ahmad @nouf_ahmad
كبيرة محررات
يلزم عليك تسجيل الدخول أولًا لكتابة تعليق.

هههههههههههههه قسم ضحكت غصب عني
معليش وش تحس فيه
اللحين ما اروح لمحل اذا راح له غيري اخاف اطقم معه وانا مدري وذي تروح مستقصده
وين التميز
اذا والله انت انحف وجمل واشيك طنشي وبتغطين عليها
وارسلي لها مزحه برزحه انك علمتي خويتك وقالت حلو خلي الناس تقارن بينكم واشكالكم وبكون اكثر تميز
معليش وش تحس فيه
اللحين ما اروح لمحل اذا راح له غيري اخاف اطقم معه وانا مدري وذي تروح مستقصده
وين التميز
اذا والله انت انحف وجمل واشيك طنشي وبتغطين عليها
وارسلي لها مزحه برزحه انك علمتي خويتك وقالت حلو خلي الناس تقارن بينكم واشكالكم وبكون اكثر تميز



الصفحة الأخيرة
خذيها درررس
ماتعلمين احد بأغراضك
تدرين
انا حتى ما اخلي احد يشوف اغراضي الا علي
ولا اقول من وين شريت واسم المحل وكذا الا اذا لبسته وهو علي وسألوني عنه علمتهم
اما قبل البس الشغله وهي جديده انسسسسي حد يعرف عنها شي
والحين الله يعينك
هذي دام اخلاقها كذا مو بعيده بكرا تمشي بالحفله وتقول لهم انك انتي مقلدتها بالفستان