السلام عليكم ورحمة الله وبركاته
بدخل في الموضوع على طووووووووووووووووول
قصتي يا اخوااااات غريبه عجيبه ؟؟؟؟؟
جبت مولودي الثالث ولد وكنت نفاس وبعد ثلاثين يوم من الولاده جاني فتور في جسمي
دوخه ما اقدر اوقف كثير رجولي ترتخي وعند المغرب احس بضيقه وودي ابكي
احس اني كرهت الحياه وماعاد فيها شي حلو
تجين حالة خووووف بس من ايش ماادررري بس خايفه :06:
انااااام في الليل واحس احد يصحيني ولما اقوم ما اشوف احد ( لا تروحون بعيد هذا اكتئاب ما بعد الولاده
يجي بعض الحريم على النفاس طبعا انا عرفت بعدين ) بعد كان يتهيئ لي ان احد يمر
بعد اربعة شهور سافرنا اجازة عند اهلي ومن هنا بدت المعاناه
تعبت عند اهلي رجولي ما تشيلني ورجعت حالة الخووف والضيقه واحش اني بموت
لدرجة اني اشهق كأن روحي بتطلع
واسمع كلام الي حولي عين نفس البنت معيونه صابتها عين ودوها عند الشيخ
كل هذا الكلام بدا يستقبله عقلي الباطن ويبرمجه على جسمي
ودوني عند شيخ اول ما جينا وانا اسمع الكلام يقول الشيخ اذا تاثرت عند ايات العين معناها عين
طبعا بس اسمع ايات العين مثل (ام يحسدون الناس) ارتجف لا ارادي واصرخ وابكي
كانو حريم يسولفون لامي قالو يمكن فيها مس
ومين يسمع هالكلام اناااااااااا
والمصيبه ودوني عند شيخ ثاني وانا خايفه لا يقول مس
وبالفعل قاله وهنا صدقت كلامه بدون تفكير وبدا عقلي يبرمج على جسمي لا ارادي لان تفكيري
اني مصدقه ان فيني مس (احس ان الي بتفهم كلامي الي عانت حاله نفسيه صدقت فيها اوهامها)
اليوم الي بعده
تقكيري ان المس بيتكلم ما مرت دقيقتين على هذا التفكير الا انا اتكلم واقولهم هذا المس يتكلم :D
جاء الزحف هالحين هسترت في اهلي ( ياحياتي هم)
اخرب في البيت وقلهم هذا المس طبعا مصدقه الوساوس الي تجيني وجسمي يطبق لا ارادي
اروح اراجع عند نفس الشيخ جننته ( يستاهل من قاله يقولي مس )
وانا ابصم بالعشره يا بنات( انه كان يعرف ان مافيني شي بس الله يسامحه يبغى فلوس على المراجعات )
ومن غير الكذب الي كان يقوله
يقول الشيخ لابوي افتح الباب قال له ابوي ليش ؟؟؟ قال علشان يطلع برا الجني اذا طلع منها :hahaha:
وكل مره اروح عنده ارجع متسبحه مغير يكبكب علي المويه :06:
يمسك قارورة مويه وش كبرها يكبها فوق راسي :mad: (وانا الدلخه ساكته )
والله لو تدرون اش سوت فيني الحاله النفسيه تموتون من الضحك؟؟؟؟؟
مره جو حريم يسلمون علي المهم قالت وحده منهم قصه ان وحده فيها مس يتكلم انجليزي
ا(لله لا يوريكم )
بس راحوا الحريم من عندنا وانا هات يا انجليزي وليته انجليزي خرابيط؟؟؟؟؟؟؟؟؟
بعد شهرين من المعاناه بديت استغرب (صح النوووووم)
لييييييييييييش كل ما اسمع شي يسير فيني لييييييييييش؟؟؟؟؟؟؟
قلت اييييييييه عرفت هذا المس بس يسمع الكلام ويطبقه فيني (مصره على الدلاخه)
ولدي الصغير يتقطع قلبي عليه ودي اخذه اضمه وارضعه
بس تجيني وساوس اني اذا اخذته يمكن ااذيه ؟؟؟؟ وعلى طول ما قرب منه
وهنا لاحظو اااا حالتي على حسب تفكير ؟؟؟
رحنا عند شيخ في منطقه الله يوفقه دنيا واخره
ولوجه الله ما ياخذ فلوس وفي نفس الوقت مدرس علم نفس (هنا مربط الفرس )
ولا دخلنا عليه الا بواسطه من احد اقاربه لانه يقول ماعاد يقرا
المهم بدا يقرا علي وانا ارتجف وابكي ؟؟؟؟؟؟
وقف القراءه وقال لزوجي اش اسمها؟؟؟؟؟قاله زوجي اسمي
قال الشيخ يافلانه سكت من البكى وهدا جسمي
قال يافلاااااااااااااااااااااااااااانه
والله ما فيك شي
لا مس ولاهم يحزنون اجل والي كنت اسويه ؟؟؟؟؟؟؟؟؟؟
قال هذي حاله نفسيه استوعب عقلك الباطن مايقال لك وتقمصت كل الكلام الي ينقال
وقال انا متاكد لو اقرا الحين من جديد ماراح تبكين ولا شي ؟؟؟؟(يالفشله ):D
وكانت حالتي حاله نفسيه بعد الولاده واكتئاب تغيرات فسلوجيه هي الي سببت حالة الخوف الفظيعه
طبعا الخوف ماراح الا بارادة الله ثم بالحبوب لمدة شهرين
اما المواقف الي حصلت في حالتي فهي كثيره جدا تصلح انزلها
نكت ؟؟؟؟:hahaha:
وما كتبت حالتي من عبث كتبتها علشان تنتبهون مش كل تعب عين او مس او سحر
وملاحظه الحاله النفسيه مش شرط انها للي تعاني ضغوطات اوشي في حياتها
هي مرض ايضا بس تتعالج ولله الحمد
ولدي الحين عمره ثلاث سنوات ولله الحمد والمنه
وكل ما اذكر حالتي يجيني ضحك على الي كنت اسويه واحمدربي الي عافني
وادعي لذاك الشيخ الله يوفقه دنيا واخره
يا بنات خذوا العظه لا تصدقووووووووون الاوهام الي يوسوسها الشيطان
وحاربو كل الافكار السيئه واستبدلوها بافكار ايجابيه
ووفق الله الجميع لما يحبه ويرضاه
ا
يلزم عليك تسجيل الدخول أولًا لكتابة تعليق.
الحلوة ام الحلوة
•
والله انك صادقه
وربي إنك صادقه
أنا كل ماأقرأ شيء بها المنتدى وربي أوسوس
اللهم احفظنا يااااااااااااااااااااااااارب
أنا كل ماأقرأ شيء بها المنتدى وربي أوسوس
اللهم احفظنا يااااااااااااااااااااااااارب
الصفحة الأخيرة