مساء الخير
كما هو واضح من العنوان والسبب اننا نجتمع مع خالاتي مابين كل فتره بس الي يبط كبدي انه اول ما تبدا الزياره سواء عندنا ولا عندهم يسلمون علي وبعدين طوالي لم المجلس عند الرجال اقصد اخواني وعيال خالاتي وخوالي طبعا امي وخالاتي ما يتغطون عنهم وانا المسكينه اجلس منطقه لوحدي حتى العشاء يتعشون مع الرجال اخر جمعه كانت عندنا ونفس الحركه البايخه وانا المسكينه مزينه شواهي وقهاوي ونفس الشي ماخرجو من المجلس وانا استنى ومنطقه واستنى لكن بلا فائده المشكله ما احد معي ماغير الشغالات والاطفال وفي اخر الزياره دخلن علي خالاتي وامي وعلى طول لبسو عباياتهم وودعون ومشو وانا قلت للوالده يمه هذي ماهي حاله انا ما كني موجوده انا ما اقول اتركو الشباب انا اقول اجلسو مهعم بحدود قسمو الجلسه بيني وبينهم على الاقل ابي احد يحس بوجودي انا ماني طفله ولا مراهقه انا حرمه كبيره
انا صراحه شرهانه على امي اكثر شي والله لو اني زي بعض البنات الي ترابط بغرفتها ولا تطلع تسلم على خالاتها كان اقول استاهل ماجاني بس اني اقوم وانزل وافرح والله صراحه ميته قهر ومعصبه حدي افكر اني اذا جو ما اطلع من غرفتي ولا ازورهم وش الفايده وجودي زي عدمه انا والزباله واحد
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
معك حق والله تزعلين المرة الجاية نبهيهم وقولي لهم عادي مافيها شي ترا هم على بالهم انك ما تحرصين ع جلستهم
طيب البسي عبايتك وتنغبي واجلسي معهم
مافيه حل ثاني وامك لازم تجاملهم وتجلس معهم
او سلمي وروحي اجلس في غرفتك مافيها شي
مافيه حل ثاني وامك لازم تجاملهم وتجلس معهم
او سلمي وروحي اجلس في غرفتك مافيها شي
الصفحة الأخيرة
تيب