تقوس الساقين .. ارجو افادتي جزاكم الله خير

السلام عليكم ورحمة الله وبركاته


اختي ملاك

انا بنتي احين عمرا سنتين وتعاني من نقص الكالسيوم (( كساح ))
وعندها تقوس في الساقين
طبعا انا ماكنت ملاحظة لان بنتي مشت وعمرها سنة ونص
في مرة من المرات لاحظنا ان عظمة الرسخ عندها كبيرة في الايدين
فكان شي مش طبيعي
واخذتها على المستشفى وشافتها طبيبة (( طبيب عام )) وسوتلها اشعة
وقالت هذا عادي لان عظامها توه يتكون

وعطني بعد عشرة ايام موعد حق دكتور اطفال
واول ماشافها الدكتور قال هذا كساح
فعطاها كالسيوم وقالي لازم اكلها يكون فيه زيت السمك وزبدة مارجرين ..
وسولها فحص دم وانا بعد ..وشافو ان عندنا نقص كبير في الكالسيوم

وبعد قالي اعرضها للشمس الصبح وقبل المغرب على اساس تاخذ فيتامين دال

وبين كل مرة ومرة كان يشوفها دكتور وسولها اشعة ثانية
فحولوني عند دكتور غدة .. وآخر شي على دكتور عظام فلمن شافها وشاف الاشعة
قال هذي يبالها جوتي
يسونه في المستشفى ... بعدين رحنا قسم العلاج الطبيعي
وحولونا حق مستشفى الجزيرة في ابوظبي قسم الاطراف الصناعية وخذو لها المقاسات
وسولها جوتي عشان تمشي فيه

وهو عبارة عن بوت مركب فيه حديدة من اسفل البوت الى فوق الركبة وبعدين تشدين بالشريط
بس وايد يعورها وماتحب تلبسه بس قاعدة احاول معاها ان شاء الله ربي يشفيها


وفي ناس قالولي ادهن ريلها بزيت زيتون
وبعد وحدة سورية قالتلي ان وحدة نفس حالة بنتي وصى الدكتور ان يدهنون ريلها بالبيض عشان فيه كالسيوم
ويعرضونها للشمس
والبنت وايد استفادت من ها الطريقة

وانا بعد حيرانة مثلج اختي

ربي يشفيلج ولدج ويشفيلي بنتي ويشفى جميع مرضى المسلمين يارب

والسمووووحة


بعدين بيصير عادي

انا بنتي نفس الاعراض تقريبا اعطاها الدكتور قطار كالسيوم وفعلا قال نقص كالسيوم وعطيتها لمدة شهر وتوقفت شهر والان قال الدكتور ارجع اعطيها كمان شهر0الله يشفيهم ونتمنى اللي عندهم معلومات زياده ونصائح يزودونا فيها جزى الله الجميع كل خير

يزاكم الله خير خواتي على ردودكم والله يشفي عيالنا انشالله ويكتبلهم الخير والصالح .

شوفي أختي أنا ولدي عانى من الكساح يوم كان عمره سنتين و استمر معه تقريبا سنه أو أكثر بقليل
الحمد لله الآن عمره ثماني سنوات و سليم تماما
الكساح يكون سببه نقص الحديد و عدم التعرض لأشعة الشمس
اخذت ابني وقتها لأخصائي أطفال و اعطاه فيتامين و ليس نقط حديد و طلب مني تعريضه للشمس باستمرار
كنت كل يوم العصر البسه شورت قصير و اطلع فيه السطح و اجلس معاه حتى المغرب و احيان كنت حتى قميص
ما ألبسه طبعا كان في الصيف
طبعا الأكل تركزين شوي على الحليب و البيض و ان شاء الله راح تتعدل رجليه بس أهم شيء لا تستعجلين النتائج
لإن التحسن يكون بطيء شوي بس لازم تستمرين صدقيني ابني بعد كم شهر بدأت احس فيه تحسن و ما كمل السنه
إلا و الحمد لله هو بخير
أما بالنسبة لنقط الحديد و الله ما ادري استخدمتها مثير لولدي لكن ما فادته قد الفيتامينات