أنا قبل يومين نزلت موضوع عن فكرة موديل
عباية كتف .. وهذا هو الرابط ..
http://forum.hawaaworld.com/showthread.php?t=3275417
طبعا المطلوب كان مجرد أراء لكني لاحظت أن الموضوع
أنحنى منحى آآآآخر للأغلبيه من رايهم بالفكرة
إلى كيف تلبس عباااايتييين !!!!!
عاااادي مازعلت أنا أقبل النقد بكل الأحوال وقلت أنزله
كموضوع جديد أوضح فيه وجهة نظري
ونظر مجتمعي من العباية ...
أولا .. إحنا مجتمع محاااااافظ جدا <<< من غير تشدد لا تفهمون غلط.
ثانيا .. مستحيل تلقين عندنا بنت أو حتى متزوجه تلبس
عبائة مخالفه للدين يعني الغالبيه عبائة راس أو عباية
كتف واسعه لا تصف الجسم وغير مزخرفة << الحمد لله .
ثالثا .. عندنا في عاداتنا اذا انعزمنا على زواج بعيد
ولا تربطنا فيه روابط لا جيره لا صداقه لا شي
نحضر لكن مالبس فستان ألبس أي شي
" تنوره ولو حتى جلابية البيت "
و نكشخ كشخه عباية يعني أفصل عبايه كتف حلوة
للمناسبات أسوي مكياجي خلاص ألبس عليها
عباية راس عشان الطريق وأول ماأوصل للقصر أنزلها
وأحطها عند موظفة العبايات وأحط طرحتي علي
وخلاص وأحيانا ألبس برقع !!! .
لا تستغربون " هاذي عاداتنا في قيبلتنا طبعا
" تلقين نص القصر مغاااااتيييير يعني يالثمه يابرقع .
واذا طلعت نفس الطريقة ألبس العباية وأطلع .
للمعلوومية ... تراهم يعرفون من حضر ومن ما حضر
حتى لو مغاتير .. ههههه ما يصعب علينا شي .
وبعد بقول لكم شي ثاني بس لا تضحكون لا شافوا
الوحده كاشخه وحاضره لعرس البعيد قالوا خير
ان شاء الله وش عندها ... هههههه
رابعا .. لا تقولون ما نروح للملاهي بالعكس نروح اذا
كانت نسائية ما يحتاج عباية كشخه عباية الراس وخلاص
واذا دخلت خلاص انزلها وأفلها واذا فيها اختلاط سواء
في الحدايق أو المولات..
لا طبعا عباية الراس ماانزلها أنا رايحه أتمشى
وأوسع صدري ماني رايحه استعرض وأفتن المسلمين .
خامسا .. للي تقول لي حررررر ... أدري ياقلبي إنه حررر
بس الغالبيه تكون المشاوير قريبه والسيارة فيها مكيف
واذا نزلتي من السيارة الى باب المكان اللي تبينه
ما ضنتي تجلسين ساعه !!! صح ؟
بس لما أتذكر نار جهنم أقول ( هي أشد حرا )
سادسا .. للي تقول ابحثي عن شروط الحجاب الشرعي
شكرا ع النصيحه "خريجة دراسات اسلامية "
سابعا .. لما فكرت بالشماغ كموديل للعباية ماقلدت
فيها الرجال الرجال يلبسونها ع الراس وأنا فكرت
أركبها كجزء من العباية نفسها تلبس يعني
ع الجسم " وجهة نظري " وعادي أقبل من يصححها لي.
وفي النهاية مافيه مجتمع كااامل ..
إن شاء الله أكون لميت بالموضوع ككل وما نسيت شي .
أشكر كل من مر ورد على موضوعي السابق
وأنتظر ردوودكم ع موضوعي الجديد .
يووه اجل ماخلو موضوعك الاول ><
الله يهديهم وعساهم يفهمون الكلام زين ..
مع اني ما اشووف فيها اي صعوبه لبس عباتين ..
بس عالم عقولهم ××××××
موفقه خير اختي ..
: