تقولي دوري لي عروس من صديقاتك !!جرحتني والله

السلام عليكم ورحمة الله وبركاته 

اول شي شكواي لله سبحانه وتعالى بس حبيت افضض لكم يابنات من اليوم ابكي عيوني صغرت من البكي 

في وحده من جماعتنا ارسلت لي واتس اب وينكم وشلون امك وكذا 
المهم قالت بكره بطلع للمكان الفلاني ياليت تجون قلت مااقدر وكذا 
قالت حاولي المهم قالت ابيك بخدمه قلت آمري وبطني مغصني قلت اكيد بتخطبني لفلان او شيء 
والصدمه الكبيره الي ماكنت متوقعتها 
انها تقولي ابحثي لي من صديقاتك المتخرجات وحده جميله وفيها دين 
قسم بالله جاني شعور ماادري كيف اوصف لكم حسيت بشيء طعني 
سكتت وقلت ليش ؟ وانا ادري مليون بالميه انها بتخطب لولدها الكبير الي انا تمنيته بيوم ؟ قالت بخطب لااخوك فلان! وربي انصدمت اكثر وسكتت 
وحست اتوقع اني فيني شي 
انا الحمدلله بكلام الناس اني جميله والحمدلله محافظه ع ديني ومعاي شهاده جامعيه بس ليش تبيني اخطب لها ؟؟ تروح تدور غيري ليه انا فيني شي انا يابنات مايهمني الزواج ومثل البنات بعضهم شايلين هم العرس بس والله انجرحت منها كثير وارسلت قالت تعرفين او لا الو الو ؟ قلت لها اعرف ان كانت جميله مافيها علامات ظاهره انها متدينه و اعرف الي مو جميله بس فيها دين ماعندي وحده كامله بس ببحث لك وارسلك الرقم 
وجلست تدعي لي الله يخليك لاامك وحاولي تجين المكان الفلاني بكره ووو طنشتها والله وناويه اروح للمكان واكشخ بس عشان تعرف اني مو ناقصه وبنادي صديقاتي يجون عشان تعرف اني احب الناس واجتماعيه بس الظروف الي خلتني عند ابو ظالم لايعرف خوف الله فينا لايخلي احد يجينا ولا نروح بااحد وحتى الزواجات ياويلنا لو نروح مره عمي تزوج وابوي رفض نروح له انا وامي وربي ذيك الليله بغيت انجلط من همي وغير جارتنا تزوجت وعند الباب رجعنا ولاخلانا نروح لسبب تافهه بس يبحث عن الي يقهرن . امكن هي تعرف مشاكل ابوي وتسلطه علينا وامي علمتها كل مشاكلنا وتعقيد ابوي لنا ومازوج خواتي من ابوي بس وحده ملكت للحين بطلعه الروح ابوي لايستقبل رجال والناس مايحبونه من شره وتسلطع على امي وربي العالم بحالنا وبقي انا واختي كبيره عمرها 30 وانا 23 سنه عمري 

وهي مره قالت لاامي ان وحده تقرب لنا تبي فلانه الي هي انا لولدها وامي صرفت الموضوع بس ماادري هي متأكده من كلامها او بس كذا تقول مع السوالف


وشرايكم بنات ادور لها بنت تخطب لها او اقولها مالقيت فيني غصه بقلبي حيييل اللهم لاتجعل الدنيا اكبر همي ادعولي يابنات