يا ليل ماطولك ..!!!
ام خالد اسمحيلي اقولج انج انسانة متناقضة مع نفسج او بالاصح تضحكين على نفسج
تضيعين وقتج في كتابة معلقااات عن مشاكلج مع هالجارة المستفزة على اساس تبردين غليلج شوي فيها ويوم نقدم لج حلوول ما اطبقينها ..
وترجعين تتعاملين معاها عادي وعقب تتلقين صفعة منها وصدمة تردين تشتكين وتنوووحين ....!!!
ماعتقد لهالدرجة المرا مسيطرة عليج ولا قادرة تفتكين من شرها ..
على كثر ما نعطيج نصايح وحلوول ترجعين تشتكين وتونين منها ومن تصرفاتها
وترجعين تدورين وتحوسين في نفس المتاااهة ...
وهني استنتجت ان عندج مشكله شخصية قبل لا تكون مشكلة مع جارتج ...
و لو اني يأست من كثر ماقرا لج نفس المواااضيع مع بطوولة هذه الجاره واضيع وقتي واكتب نصايح ولا فاد .....
عزيزتي ممكن كلامي رح يزعلج بس لاطالما قريت موضوعج ابغي اقدم لج النصيحة لوجه الله
لأن مب حلوة في حقج تكون محل شفقة وتعاطف او اشمئزاز من سذاجتج وهبلج....
صحيح انج طيبة بس اللي حاصلج من جارتج مب من سبب طيبتج فقط ياما ناااس طيبين بس مع هالنوعية تكون لهم وقفة جادة فيها وحدود ... والقاعدة اللي اعرفها ان نوعية معاملة الناس لنا تعتمد علينا ...
فبالتالي افسر حالتج انج تعانين
من الضعف في الشخصية لربما خجل زااااايد او مب متمكنة من الرد في مثل هالمواقف ..انتي شخصية مهزوزة ماعندها الجرأة على المواجهة او تفتقر للثقة بالنفس وعاطفية زيااادة عاللزووووم وحساسة ... ولربما ضعف شخصيتج يرجع لعوامل عائلية والنشأة والتربية اللي تربيتي عليها يعني البيئة الاسرية اللي عشتي فيها كانت من النوع المتشدد او ما كانت في مرونة في معاملة اهلج لج او قيووود او مشاكل اسرية اثرت على نفسيتج ...
على كلن لازم تبدين بعلاج مشكلتج الشخصية فانتي زوجة وأم لعيال فتيطلب تكونين قدوة لهم في الجرأة والحزم والقوة والثقة .. ترى العيال يلاحظون ويتأثرون فاذا انتي اللي راشدة مب قادرة تتخلصين من حشرية مالها اي صلاحية في حياتج فكيف رح تقدرين تربين عيالج على انهم يكونون قد المسؤولية ويعتمدون على اعمارهم وتكون لهم الكلمة ...؟ّ!!!!
فكري فيها ياعزيزتي ... العيال وهم صغار صفحة بيضا ويتأثرون اكثر شي بشخصية الام ..
فلا تخلينهم يلامسون هالضعف اللي فيج ..ترا على ايدينج مصيرهم لا تخلينهم يعانون نفسج في المستقبل ...
ويكونون عرضة للسخرية والاستفزاز والاستغلال مع الناس في المستقبل...
الوضع الحالي اللي انتي فيه تحسين بالوحدة ومالج غير هالجارة تقضين وقت فراغج وياها وتظنين ان الدنيا كلها واقفة عند هالجاره وبمجرد اذا خسرتيها خسرتي الدنيا ومافيها ...
ياعزيزتي مقدرة الوحدة اللي انتي فيها بس ترى ما يسوى عليج تبيعين راحتج وعزة نفسج واحترامج على حساب تمضية كم ساعة فراغ لكسر الملل مع انسانه تستفزج وتتدخل بامورج ...
انتي لازم تحلين مشكلتج مع نفسج وبعدها رح تقدرين تتخلصين من مشاكلج مع هالجارة ...
صدقيني ان انتي تمتلكين اشياء اللي هالجارة ما تمتلك ربعها بس بسبب قلة ثقتج بنفسج قمتي تنظرين لنفسج بسلبية و انج انسانة فاشلة في التعامل فاشلة في التصرف فاشلة في المواجهة ..وهالشي فتج مجال لهالجارة انها تمسكج من الايد اللي تعورج وكل مرة تلويها ...
انتي انسانة طيبة كافي و عقليتج نظيفه ولا لج بالخبث والدليل كثرة الشكوى فما يشتكي وايد الا اللي قليل الحيلة ..
لكن ارد واقووووول لا تسمحين لنفسج انج تكونين شخصية هشه ومن جا داس طرفها ..
اولا "
قعدي مع نفسج وعيدي حساباتج ..تساءلي مع نفسج ((اشكثر بظل متحملة هالجارة ؟!! انا لي عزة نفس ... منو هي حتى تتدخل في حياتي .. منو هي حتى تستفزني ؟!!..منو هي حتى احتاجها ؟!!!
الحمد لله لي زوج ولي عيال وماني بحاجة حد ....واذكري مميزاتج وقارنيها بسلبياتها رح تلاحظين الفرق وهني رح تكسبين ثقتج بنفسج وتدركين اشكثر كنتي محتقره نفسج مع وحدة ما تعرف السنع ولا الاسلوب والذوق ))
واذا ماقدرتي ممكن يتم تدخل دكتور نفسي وتأخذين جلسات للعلاج النفسي ...
الخطوة الثانية ...
اتخلصي منها نهائيا بدون اي رجعة .. لا تقولين ماقدر وانحرج ويمكن تأذيني بكلامها وتضايقني بنغزاتها .. سوي طاااااااااف تعرفين شو يعني طااااف يعني خلي ويهج لوح ولا تردين عليها صدقيني رح تنقهر داخليا ...
وحتى لو انجبرتي تتعاملين وياها ياليت ما يتعدا السلام من باب انها جاره ولو ان الاسلام حفظ ماء وجه المسلم و حثنا على حفظ عزة النفس واللي يضرنا نتجنبه ...يعني طالما هالانسانة متعبتنج نفسيا فالغيها من حياااتج ...
وبخصووص الوحدة ... ففي مليوووون حل لقضاء وقت فراغج ...
عندج مركز تحفيظ القرآن ... هناك روحي انتي وبناتج .. رح تتعرفين على ناس خيرة ووجوه جديدة ...عندج نادي رياضي ... ..حج وحااجة ...اتعرفي على ناس واهتمي بصحتج ...في الاجازات الاسبوعية بعد ما تتعرفين على كم وحدة هني بتبدا التجمعات الاسبوعية بحديقة عامة بمنتزه الخ .. ونوعي مرة لمة مرة طلعة انتي وبناتج بس على مطعم على ملاهي الخ ...الله يكثر الاماكن ماعليج الا ترتبين جدول اسبوعي بمشاركة عيالج وكل مرة وين تروحون ...وحتى لو في البيت قعدااات عائليه ... حفلات بسيطة انتي اخلقي الجو لنفسج وعيالج انتي اسعدي نفسج بنفسج ...
عزيزتي والله ثم والله الموضوع بسيط بس محتاج شجاعة ووقفة جادة في التغييير ...
واذا صدق تبغين تطلعين من متاهة المغثة والقرف والاستفزاز والاجواء المكهربه
غيري نفسج رح يتغير اللي حواليج ...
((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))
اتمنى تكون وصلت الفكره
تحياااتي :icon35:
loola.a
•
كنت داخله اغسل شراعك ،، بس الحمدلله البنات ريحوني ولقيتهم كفوو ووفوو وقالو كل الي بخاطري ...
بس تدرين نفسسي اعرف جارتك هذي عشان ارسل لها كل مواضيعك الي تحشيين فيها وهي الي من حقها تعرف انتي وش قصدك ولا انتي وش نيتك وبايش لازم توصفك ،،
بعدين انتي تقولين انك بعيده عن اهلك وما تعرفين بهالمدينه الا هالجاره ،، وهالجاره عندها اختها ومستغنيه عنك وبالناقص ،،
يعني انتي الي متلصقه فيها وانتي الي طايحه عند باب بيتها وهي ما ذكرتك ولا جابت خبرك ،،
اقولك بس اقضبي بيتك وعزي نفسك افضل لك ..
بس تدرين نفسسي اعرف جارتك هذي عشان ارسل لها كل مواضيعك الي تحشيين فيها وهي الي من حقها تعرف انتي وش قصدك ولا انتي وش نيتك وبايش لازم توصفك ،،
بعدين انتي تقولين انك بعيده عن اهلك وما تعرفين بهالمدينه الا هالجاره ،، وهالجاره عندها اختها ومستغنيه عنك وبالناقص ،،
يعني انتي الي متلصقه فيها وانتي الي طايحه عند باب بيتها وهي ما ذكرتك ولا جابت خبرك ،،
اقولك بس اقضبي بيتك وعزي نفسك افضل لك ..
انا بعيده عن اهلي بيني وبينهم اكثر من الف كيلو وماعرف اي حد جلست اربع سنوات وحيده وبعدها تعرفت ع جاره والجاره عرفتني ع جارات غيرها ومع انهم جارات اكثر من رائعات لكني مافرضت نفسي عليهم وجلست كل شوي ناطه عندهم بحجة اني وحيده احياناً ازورهم في شهر مره اذاهم عزموني وجلس معاهم بس ماتكلم معهم عن حياتي الخاصه ولا اعطي احد فرصه يدقني بالكلام او يجرحني وانا نفس الشي ماجرح احد ولاتدخل في خصوصياتهم الوحده موعذر اتعذر فيه واخلي حياتي كتاب مفتوح للكل ولما تجيني النغزات ازعل واقول ويش يقصدون لا الحمد لله اشغل نفسي بكل شي يفيدني والحمدلله مرتاحه تصدقي اني حتى كلامي في التلفون قليل ولو اتصل اسلم واسال عن احوالهم ومع السلامه وهذا وانا ماعندي اطفال يعني وحده ع اوصولها وانتي ماشالله عندك 6 اطفال المفروض ماعندك وقت تحكين راسك بس واضح انك مهمله عيالك وتلاحقي ورا سواليف الحريم واخبارهم ياختي اهتمي في بيتك وعيالك وزوجك احسن لك هم سندك بعد الله وهم ثروتك الحقيقيه وتريك محاسبه فيهم والنهايه ماقول الا الله يهديك
الصفحة الأخيرة
وتطقطقين علينااا !!!!