تقولي وش رايك اتزوج بهطريقه انا اقول مدري

السلام عليكم ورحمه الله وبركاته

مسائكم سعيد اخواتي .. اتمنى كل من مر على صفحتي يكن بصحه وعافيه وخير من الله

المشكله مو لي لوحده صديقتي

هي ودها تتزوج لان عمرها 26 اللحين

وهي يعني عايلتهم مره مافيها رجال اغلبهم متزوجين وباقين المبزره
وهي مو حقه طللعات وحفلات وخرابيط البنت مره خجوله ماشاء الله عليها حلوه بس القهر انها محصوره محدوده الخرووج ..وان من يوم ماعرفتها ماقالت لي انها انخطبت :(



زوجت اخوها قالت لها عن خطابه ثقه تعرفها وحده من نسيباتها ومزوجه بنات يعني هي واثقه منها

بس البنت متخوفه كثير تقول كيف اخاف اتوهق ويطلع مو ذاك الزود وراعي خرابيط

سالتني قلت لها والله مدري احسها صعبه
بعدين قلت لها استخيري وتوكلي على الله وش دراك يمكن نصيبك من هالطريقه



بس ودي اسالكم يمكن احد منكم مره عليه مثل كذا
هم صدق ماعندهم الا الناس اللي لهم سوابق والناس راعين خرابيط :(



وسلام عليكم

والعذر والسموحه طولت عليكم