تقول القطاعه حرام 😳💔

بنات ابقولكم هل انا مع حق باللي سويته ام زوجي علاقتي معها رسميه لي سنه ماشفتها لان ماتحمل كلامها لي تتشمت فيني اغلبه كلامها من تحت لتحت مثلا زي تقولي شوفي فلانه ماشاءالله عليها سنعه كل طبخ تعرف له مادري ايش عرفت تدقني بلكلام وفعلا فهمت عليها وريتها طباخي في رمضان نزلت طباخي لها قالت لزوجي والله طلعت حرمتك تعرف تطبخ وغيرها وغيرها مره كنت حزينه على بنت خالتي لانها تطلقت دوبها عروس وانا غبيه لما تكلمت في الامور ذي عندها لاني اشوفها زي امي ووللاسف قلبت السالفه شماته لي لانه بنت خالتي تطلقت محزنه عليها قالت لي بدل ماتقول الله يعوض عليها قالت لي شكلها تقول لزوجها طلعني ودني تقصدني انا تبي تخوفني لان تشوفني احب اطلع احسها ماتحترمني ولاتشوفني شي مستكثره علي حاجات كثيره مره قالت لي وهي عينها بعيني كانها تحاسبني تقولي تدرين التونه تجيب امراض 😭عشان زوجي لما يمرها تشوف الكيس فيه تونه وتعرف زوجي مايحبها و مره كنا عند سلفتي وبيجونها حريم من برا العايله ولسع ماجو وانا هي جالسين بلمجلس وام زوجي جنبي جالسه تلمس لبسي من جهه فخوذي تمطط فيه هو علي لو احد يشوفها يقول تتحرش بس انا ساكته ومتحمله بس عشان تقولي بكم لبسك انا على نيتي اجاوب قلت لها ب 200قالت بحركه بفمها يوو يو يو (بمعني غالي ) تستكثر علي الاساسيات حتى فراش غرفه اعيالي بعد اربع سنوات شتريت فراش بليل واتصلت علي الصباح تحاسبني بطريقه ضحك وخباثه تقولي ليه تغيري فراش غرفتك ي هنوو فراشك حلووو قلت الاولاد وصخوو قالت وديه المغسله وهي كل سنه تغير فرش بيتها مو شي يغبن ويقهررر اخر مره انفجرت فيها لانها تدخلت في صديقتي لما قلت صديقتي امس عندي جاتني وهي تبغاني اجيها اليوم بس ماعندي احد يوديني لان زوجي في العمل وقتها ونا كنت عند ام زوجي تدرون وش قالت لي قالت الحمدلله ربي ساتر علي مادخل بيوت الاجانب قلت وش قصدك وش الحسد علي في حياتي قالت انا احسدك والله لاتصل على اهلك وخليهم يربونك وتصلت على امي وقالت بنتك تتهمني وتغلط علي وانا ماقلت شي و و و ومن الكلام امي قالت لها عادي انا اروح جارتي وسير مافيها شي 😳
كل اللي خلاها تعاملني بطريقه ذي لانها في نظرها انا غبيه لاني طيبه معها كلامي معها ابشري ي عمه ومن الكلام هي استغلت احترامي فاهمته انه غباء مو طيبه الين صحيت على نفسي وعرفت قدري اهم ماعلي كرامتي والحين لما اقابلها في المناسبات حتى لما اجيها في العيد والله ي بنات اني اسلم عليها واقول لها السلام عليكم ي عمه والله ماترد علي السلام متخيلين حتى لما قلت لها كل عام وانتي بخير ي عمه ماتردها وجها غضب وشاده نفسها واليوم بعد اللي سوته كلمت زوجي قالت تعال وانت فلانه تقهوو عندي القطاعه حرام حرام حرام وجالسه تعلق على حرام و على فكره هي مو من صلت رحمي انتم وش رايكم اروح لها ولا وكيف اوجها لو قالت القطاعه حرام وانا صراحه اخاف تبغاني اجيها عشان تغثني وانا مو ناقصه والله ؟!💔🥺🥺