تقول اني تغيرت بعد الزواج !

السلام عليكم
اول مرة اكتب في المنتدى بس شفت موضوع بالقسم وتذكرت نفسي وابغى افضفض . انا متزوجه لي 3 سنوات تقريبا . اول سنه من زواجي سكنت بعيد عن اهلي بمنطقة اهل زوجي وكنت مرة خجولة وكلامي قليل ومع الايام والشهور بما اني بعيد عن اهلي تعودت احضر العزايم لوحدي واتكلم صرت جريئه واعبر عن رأيي ونقلنا لمدينة اهلي عشان زوجي يكمل دراسته بالجامعه . وانا بعيد كنت اتواصل مع صديقاتي بالواتس اكثر شي ولمن نقلت عند اهلي صرنا نزور بعض من فترة لفترة صح مو زي اول لكن نتقابل ونسولف واتس ما قطعتهم . ونسيت اقلكم اني قبل الزواج صح خجولة لكن ثرثارة مع اللي اعرفهم صديقات او قريبات وكانت عندي قريبه مااعتبرها صديقتي لكن كنت اسولف معاها اذا شفتها في المناسبات واذا رجعت للبيت مااواصلها ولا تواصلني ولا تعرف اسراري الخاصه بس كنت اسولف معاها في الامور اللي كل العايله تعرفها وهي عكس شخصيتي جدا جريئه وتدق بالكلام وتحرج عشان كذا ماكنت احب اني اتقرب منها وياما فشلتني قدام الناس بس ماكنت ارد انحرج وارجع البيت ابكي من القهر ليش مارديت عليها واول ماانخطبت ارسلت تعاتب ليش ماعلمتها اول ماكلمونا اهل زوجي يعني قبل حتى مااستخير واقرر قلتلها ماله داعي انشر الخبر الا اذا وافقنا وزادت اتصالاتها وصارت يوميا ترسل او تتصل تسألني بالتفاصيل عن كل شي وكنت اتضايق احيانا اصرفها واحيانا اضطر ارد مجامله مقدر اقلها هذا شي يخصني واول ماتزوجت يابنات تخيلو لسه بالفندق ارسلتلي ايش تسوي بفستانك ؟ صار شي !! طنشتها واغلب الوقتترسل ها بشري صار شي . والقى رساله مو معقوله لك يومين ردي انا زي اختك الين الحين ماصار شي ؟ وكل الرسايل كانت كذا تقريبا وامي ماقد سألتني. وهي طفشتني بالرسايل والحمدلله انو رسايل مااتصلت . في الاخير رديت سر مع فيس مبتسم عشان توقف ارسلتلي رساله كلها علامات استفهام وطنشت . ومع الزواج ويمكن لاني بعيد عن اهلي صرت جريئه وارد. واول مارجعت صارت تتصل وترسل تبغى تزورني قلتلها حأشوفك عند اهلي بكرة لانهم مسوين عزيمه اليوم مقدر وقابلتها عادي وسلمت قالت ليش كذا متغيرة على بالي تقصد شكلي وكنت حامل في الشهر الثاني قلت فرصه انشر الخبر وعلمتها اني حامل والكل باركلي ورجعت بعد ماجلست تقول بنت ليش متغيره قلت غصب مو بكيفي اتوحم قالت لا اقصد صرتي نفسيه وشايفه نفسك شكلك من قوم اللي يصبغوا اصفر وضحكت انقهرت منها قلت ليش في ايش تغيرت قالت ماتتصلي لك سنه وامس تصرفيني ماتبغيني ادخل بيت زوجك شكلك تغاري عليه من البنات و ترى زوجك مايفيدك محد بيبقى لك غيرنا بكرة تولدي يسحب عليك او يخونك معروفه ابو سروال وفنيله وانت مو اول وحده تتزوج وترجع لصديقاتها بعدين تبكبك وتندم اصحي لنفسك خلي العبط ياعبيطه مع ضحكه واخواتها ضحكوا ووحدة من البنات قالت حرام عليك لاتفاولي عليها وامي تغير وجهها بس انا ماسكت زي دايما هذي المرة رديت قلتلها انا من اول اصلن مااتصل عليك واسولف معاك في المناسبات مجبورة لانك قريبتي وبس ولازلت اتواصل مع صديقاتي الحقيقيات وليش اغار اذا جيتي بيتي زوجي مراح يشوفك انت حتجيني انا الا اذا هذي مو غايتك من الزيارة وبعدين امس اعتذرت منك لانه مالي يوم جايه من السفر واليوم عزيمه حاشوفك فيها المفروض من نفسك تقدري ومو انا اللي تغيرت انت المتغيرة اول ماانخطبت صرتي تتصلي كثير حتى اول ليله بزواجي ترسلي تسأليني عن ليلة الدخله . اول ماقلت كذا وجهها تغير لانه فيه حريم كبار وامهاتنا ماجاء ببالها اني حأعلمهم وقامت قالت تزوجت وطلعلك لسان خلي زوجك يفيدك واسحبي على صديقاتك ومن بعدها صارت علاقتي فيها رسميه حتى ماسولف معاها ابدا لكن ماخلت احد الا وتقول له اني تغيرت. انا صح تغيرت اكيد مع الزواج بس ماتركت صديقاتي ولا قريباتي لكن هي فجأه صارت تتقرب مني وانا من اول اتجنبها . قصتي طويله وهي مجرد فضفضة ويمكن غيري متزوجه تعرضت لنفس الموقف انه فجأه وحده علاقتك فيها سطحيه وتحاول تتقرب منك تعرف خصوصياتك واذا مااستجبت لها تقول تغيرت بعد الزواج !!! انتوا ايش رايكم