الله يشفيها ويعافيها
والله عالم بظروفها
لكن والله ماتنلامين ياصاحبة الموضوع من فيه حيل يتحمل عيال الناس وهو عنده عيال ؟!
اوكي اتحمله يوم يومين ثلاث لكن بعض الناس استغلاليين ولو قولتي خلي عيالي عندك جابت مية عذر

اشكركم يابنات على الرد
واللي تقول استقبيله عادي
يا اختي يا مسلمة انا نفسي ما انام الا اربع ساعات في اليوم
تخيلي!!!
وربي اني اغفى بالصالة من شدة التعب
وماسويت مثلها حتى اهلي ما ارضى انزل عيالي عندهم
الله يقويني على تربية اطفالي ويكتب اجري
صراحة مالي نفس مسؤولية اطفال زيادة لدرجة اني مأجلة موضوع الحمل واصغر طفل عندي بالروضة الله لايواخذني من شدة تعبي وكثرة مسؤوليتي الله يرحمني ويشفي مريضي🤲🏻

أنتي ما غلطتي لأنك مشغوله مره الله يعينك ويكتب أجرك


عندك طفل توحد وثلاث أطفال ولا تنامين ألا أربع ساعات باليوم




زوريها بعد ما تخف بعد أسبوع أسبوعين وتحمدي لها بالسلامه

الله يعينك ويعينها
الأب مفروض يكون أكثر مسؤوليه
الله يصلح الرجال مايهتمو كثير بالنظافه

خليك من الولد ولدها تجيب له العاب ويستانس فيهن
بس هي تعبانه وطالعه من المستشفى لها حق عليك والرسول وصى بالجار خوذي قهوتك وحلاك وسلمي عليها وتحمديلها بالسلامه وعقبها بايام ارسلي لها طبخه فطور ولا عشاء ع حسب قدرتك واحتسبيه لله
انا يوم ولدت جارتي كلمتها ابجيها وتعذرت مشغوله رحت وارسلت لها قهوه مع قاتوه وفطاير مع ولدي يعني لو تردك ماتطلعين من حقها عليك .