تقول ولدي غالي لاني جبته بعد بنات كلمتها تنرفز

مساء الخير
صديقتي عندها بنتين ثم جابت ولد ومره متعلقه فيه والبنات صفر على الشمال ودائم تردد ولدي حبيبي غالي لان الله أعطاني اياه بعد بنتين ورى بعض حتى وانا الده يوم تعسرت ولادتي وخفت انه يموت صرت ابكي واقول يارب تسلمه لانه جاي بعد بنات صراحه الكلمه بعد بنات تقهر وبقوه تحبه اوكيه ماقلنا شي والله يخليه لها لكن ليش وش فيهم البنات وياكثر الي زي نوعيتها شفحة على الولد بشكل فضيع كنه بيدخلهم الجنه لا ويقولون عزوه وسند في الكبر المفروض ينقرضون الي يقولون كذا الان الحرمه مو زي اول والي تقول لاني ارحم البنات عشان كذا ما احب خلفة البنات ضعيفات واخاف على مستقبلهم من طلاق وغيره برضه كلمه ققهر وين الإيمان بالله وكلي أمرهم لله والعيال ضامنه مستقبلهم انه مشرق والي اذا شافت مجموعه بنات تقول الله يجيب لهم اخ يجملهم اسئلكم بالله هل سمعتم احد يقول البنت هذه غاليه لأنها بعد اولاد من جد مجتمع متخلف