الي تسال عن الأقصى بصراحة سمعت عنها انها افضل مدرسة للأولاد بجدة من ناحية الاهتمام بالاولاد وانهم عندهم مرشد طلابي لكل فصل بس صراحة مدري عن مدى مصداقية الي قالت لي أنا بإذن الله راح اسجل ولدي فيها ونشوف أسعارها بصراحة الاهلية مبالغة عيني عينك ولا الماجستير

مدارس الشرق الاهلية للبنات جدة حي المنار
دخلت ولدي فيها صف اول . دايما يتطلعون للاحسن واتصالات الامهات واراؤهم محل اهتمامهم .. المبنى جيد جدا في بيوتات الشرق فيلا .. المعلمات ممتازات واللي تطلع مو كويسة فورا تغيير.. حاسب وانجليزي ..انشطة بالمدرسة متنوعة وحلوة وفيه رحلات حلوة .... الادارة مهتمة بالطلاب والطالبات يتابعونهم باستمرار حتى وقت الفسحة . الرسوم 6 الاف السنة على دفعتين.

** مدارس دار الثقافة الاهلية القسم الابتدائي اولاد حي الصفا 3 نقلت ولدي فيها صف ثاني .. المعلمين مصريين معلم الصف جدا ممتاز حتى انه قدر يتلافى عيوب المدرسة السابقة لولدي يهتمون بالاملاء والقراءة والكتابة عيبه الوحيد انه يضرب بس يحبونه ويحبهم .. الانشطة باستمرررار في المدرسة الرحلات مرة في الترم .. فيه عندهم سباحة وكراتيه وحاسب وانجلش معلم الانجلش مفهي الله يهديه ... الرسوم 8000 السنة على دفعتين ..
كلا المدرستين عندهم موقع على الانترنت بامكانكم تدخلون وتشوفون ... اي استفسار على الخاص لاني ماارجع للموضوع باستمرار

أنا عن نفسي عندي ولدين ..

الأول ابتدائي وهو حاليا صف رابع في مدارس قرطبة .. الصراحة تأسيسهم وسمعتهم لصف ثالث ابتدائي ممتازة وكنت أحس في اهتمام ..

وحدة من زميلاتي حذرتني منهم بعد صف ثالث بس طنشت لأنها قريبة من بيتي بس بصراحة ندمت وليتني نقلت ولدي الآن أنا مصرة إني أنقله الترم الجاي واللي تعرف مدرسة في الشمال تهتم بالدراسة والانجليزي وأولادها مؤدبين تدلني الله يجزيكم خير ..

سمعت عن مدارس المشرق للأولاد خلف ب داوود شارع حراء انها كويس مرة و مدرسة روضة المعارف اللي ف حي الصفا عند دوار الزهراء تابعة لهم
بنتي ف مدارس لينز بحي الخالدية قريب من ادي الخطوط بعد محطة الخالدية يمين
لحد الان ممتازة عشرة على عشرة بس لسى مافتحوا ابتدائي يقولوا قريبا
فرنسي - انجليزي مكثف - قران - حلقة يوميا- عربي منهج عالمي الممتع - اسبو سباحة واسبوع رياضة مع مدربة مختصة - كمبيوتر مرتين اسبوعيا - تعامل راقي مبنى فيلا مجهزة بطريقة ممتاة و يوجد العاب خارجية
بنتي ما شاء الله كل يوم تجي مبسوطة اكثر من اليوم اللي قبلو
نجي للرسوم KG2 9000 رسوم تسجيل 1000 زي مدرسي ورياضي 350 كتب المناهج من الكويت ولبنان و عسى اني افدتكم

مدرسة عالم أبجد الأهلية في حي الربوة جدآ رائعة أنا سجلة أبني تمهيدي وأتمنيت لو كان فيها للأبتدئي بس مافي غير للبنات, والله كلمة حق المديرة جدآ رائعة وبشوشة ومس أمنة خدومة مشرفة الروضة, الباص مع الدادا تنزلو الصباح للباص وفي الظهر تطلعو للبيت,المبنى مرتب وحلو والالعاب ومسبح ,وقت الفطور بيرقبو الاطفال ويطلبو من الامهات أن الوجبات تكون صحية فيها فواكه وخضار, كل أسبوع برنامج عن الفواكه أوالماء او الرسول او مخلوقات الله ....المنهج عربي كتاب وملزمة وأنجليزي 4كتب 2أرقام وحروف لمعلمة وكتابين كلمات ورياضيات لمعلمة ثانيةوالقاعدة النورية تدرس والرياضيات كتاب وملزمة نشاط والكتب فيها سيدي تعليمي.