♥ ♥ تكاتي وحركاتي و مفضلاتي لميك اب العين

احلي امنية :

اولا انا الحمد لله رب العالمين محافظة جدا علي منطقة العين عندي ومش بسمح للهالاات السودا تطلع لي اساسا اي نعم طبعا كاي انسانة طبيعية فيه فرق لون تحت العين وباقي الوجه بس هقولكم بعمل فيه ايه.... بستعمل غارنييه بي بي رول ده الدرجة الفاتحة بحب استعماله لاني مش بحتاج استعمال كريم عين معاه والا كونسيلر هو بيداري فرق اللون البسيط ده كويس جدا وبيريح عيني وممكن استعمل فوق منه تحت العين... خاصة لو سهرة خاصة حلوة كده وعاوزة اعمل تاثير مضيء والا حاجة تحت عيني بستعمل ايشادو اوف وايت الدرجة ديه تقريبا وبفرده بالراحة فوق الكريم باستعمال الاصبع اللي بنلبس فيه الدبلة...بفضل استعمال الاصبع مش الفرشة خاصة في المنطقة ديه عشان طبعا اضمن النضافة والتدليك بيدخل الكريم في الشادو وبيدي لوك طبيعي وبيلمع وجميل ومن غير منظر اللايشادو الابيض تحت العين و منظر المدمنين ده مش حلو خالص ممكن تستعملي نفس اللون ده بس ماط مش فيه لمعه فوق الكريم لو هتستعمليه مش لسهرات عشان البربرق بيليق بس للسهرات انتي عارفة بالنسبة للشادوهات بشتريها من سيبال او ساندي او تشاو واسعاره بتبقي حسب البراند بين 7 او 15 جنيه انا جربت كونسيرلات كتير قوي وكان بتدي تاثير حلو برضه خاصة اللي الوانها علي اورانج شوية بس كنت بحس العين مجهدة من الكونسيلر والجلد مشدود انا اهم حاجة عندي اني ما بوظش منطقة الجلد الرقيق ديه فبهتم استعمل حاجات مفيدة اكتر منها ميك اب وتجميل وغيره.... كريم غارنييه مش بيعمل التاثير ده خالص عشان كده بنصح بيه.....الناس اللي هالااتها شديدة شوية ياريت تحاول تعالجها ما تخبيهاش وتهربي منها لانك اكيد في يوم هتباني من غير كونسيلر والا ايشادو والا كريمات و الفرق هيبقي مش في صالحك خالص...

اولا انا الحمد لله رب العالمين محافظة جدا علي منطقة العين عندي ومش بسمح للهالاات السودا تطلع لي...