تكالبت علي الحياة

السلام عليكم ورحمة الله وبركاته
صباح الخير اخواتي
رغم ايماني التام ان كل ما يحصل للمرء في هذه الحياة هي رفعة له بالاخرة،،، لكن الإنسان ضعيف جدا ، انا اعاني من زوج صعب جدا جدا نكدي في كل شي وعسر بتعامل وأيضا عنده تخطيط علي بكل شي دايم كلامه سلبي المراءة ماينفع معاها غير القسوة والمرأة تحب الفلوس رغم اني موظفه وراتبي كله يروح على الشغاله والسواق ومصاريفي الخاصه، ، وهو ربي منعم عليه لكن ماقدر اقوله ابغى شي، ،، وإذا ابغى شي يجي بعد معاناه والم نفسي فضيع لي من غير معاناة عيالي لدرجة ولدي يقولي ياماما اكبر واشتريلك كل شي تبغيه بس خلاص مانبغى مشاكل المهم تركت كل شي ماعاد احاسبه لكن هو يبغاني اضحك واسولف انا احيانا امشي معاه وأعطيه جووه لكن الحياة متطلبات لما افتكر الاشياء اللي نقصاني تجيني غصة بداخلي ماقدر اقوله لانه راح يتحول لبيتي لجحيم وايضا المشكلة الثانيه عنفه مع عيالي على كل صغيرة وكبيرة يحاسبهم وتوصل انه يحرقهم على يدهم اذا سوو شي غلط، ، تقولو ليش صابرة، ،، انا مو ضعيفه قادرة اتخذ قرار حازم لكن ابوي متوفي وامي مريضة لو بتعرف شي من هذا كله ممكن يزيد تعبها، ، لانه شهر بالبيت وشهر بالمستشفى، ،، اشعر بضياع بعدها ماحس لي ملجاء من مكابد الحياة، ، واخواني لايمكن يوقفون معاي مالهم بالمشاكل اقل كلمه اصبري الحياة كذا، ، فاشعر بوحدة وضعف ومابغى الشي هذا ياثر على عيالي، ،، وصديقاتي ماقدر افضفض لهم لاني ماضمن احد انا بمحافظه صغيرة الكل يعرف بعض وانا ماني بينه لناس الا الشي الحلو، ، فاتمنى نصيحه او دعوة صادقة .