تكثيف الشعر مع الحلبة طريقة مجربة

طبعا اني ما اكتب موضوع الة اكون مجربتة وشايفة نتائج جيدة عليه الحمدلله جربت هاي الطريقة وصارلي شهرين عليها روعة والحمدلله والكل يسالني على شعري شكد حلو واي لون تصبغين الطريقة هي لا صبغات ولا خرابيط


اول شي تجيبين الحنة وتغلين الحلبة وتعجنين الحنة بمي الحلبة ووتخلطين وياهم كاكاو علمود اللون وعلمود يخفف من ريحة الحلبة وتخليها تختمر وتضيفيها على شعرك وتبقى مو اقل من ست ساعات واغسلي شعرك بس بالمي وثاني يوم اغسليه بشامبو وخلي عليه اي زيت تحبيه

كرري العملية كل اسبوع وان شاء الله تشوفين النتيجة الرائعة ومو شرط كاكاو اي شي تحبين بس اني لان يطلع الون حلو كستنائي والكل عبالهم اني صابغة شعري وان شاء الله الكل يستفادون