بسم الله الرحمن الرحيم
السلام عليكم ورحمة الله وبركاته
حبيباتي الامهات الغاليات ماعندي أحد أقدر
أستفسر منه غيركم ...
أنا ولدي عمره أربع سنوات و 8 شهور .. يا بنات بدون مبالغة كل شهر أو بالكثير كل شهر ونص لازم يسخن
وتجلس السخونة من اسبوع لأسبوعين وكل مره أوديه المستشفى ويسوون الكشف العادي على الحلق وبالسماعة
ويكون عنده التهاب في اللوز ويعطونه مضادات وخافض للحرارة ..
عاد هذا الشهر رجعت له السخونة وألحين له ثلاثة أيام السخونه ما تنزل أبدا حتى مع التكميد ..
وأنا ودي أوديه المستشفى بس زوجي ماهو راضي يقول كالعادة التهاب في اللوز وبيهلكونه بالمضادات ..
الولد صار ما عنده مناعة من كثر المضادات ..
عاد أنا استسلمت ووكلت أمي لله تعالى ..
وقبل شوي كلمتني وحده وقاعدة تسأل عن العيال وقلت لها إن ولدي مسخن ..
وهي انفجعت ولاحظت كثرة السخونة إللي تجي ولدي وقالت لي وش حكاية هذي السخونة إللي تتكرر
وخوفتني وقالت إن فيه وحده تعرفها ولدها كان دايما مسخن وفي الأخير سوو له تحاليل وطلع فيه مرض مو زين ..
ومن وقتها يا بنات وأنا مفجوعة وخايفة على ولدي .. وسؤالي
هل تكرار السخونة بهذا الشكل يدل على أمر خطير لا قدر الله تعالى ..
ومين جربت زي حالة ولدي ..
والله يخليكم ويحفظ لكم أولادكم إنكم تدعون لولدي بالشفاء وإن ربي يطمن قلبي عليه .
وجزاكم الله كل خير مقدما .
لغز محير @lghz_mhyr
محررة
يلزم عليك تسجيل الدخول أولًا لكتابة تعليق.
الصفحة الأخيرة
وربنا يشفي اولادنا واولاد المسلمين