تكرر هالموضوع ومحد عطاني وجه ابي جواب الله يسعدكم مابي استاثم

السلام عليكم
تكفون مانبي نستاثم فيها ابي حلول
اخذت عامله من ام صديقتي وماكان زوجي يقدر يحطها في اسمه ‏بسبب أن عاملة أهل زوجي باسم زوجي ومايقدر يحط ثنتين باسمه احترنا ما لقينا احد يحط العاملة باسمه عشان أطلع لها إقامة أم صديقتي قالت خليها باسم ولدي ‏المهم حطيناها اسم ولدها خلصت العاملة سنتان الحين باقي لها أسبوعين حنا والله خايفين أنهم ما راح يسفرونها والعاملة تبي تسافر والله خايفين ‏خصوصن اكثر من تصرف خلينا نشك أول تصرف هو قلنا لهم بنحجز بعد شهر وأنتم تودونها المطار قالت لا لا تحجزون احنا نوديها ونحجز لها أنتم فقط عطونا فلوس التذكرة ومالكم شغل ،، طبعا أحنا خلاص العاملة كملت عندنا سنتين وتبغى تسافر ما راح نستفيد شي أصلا من جلوسه عندنا لأنها ما تبي تشتغل لأنها خلصت مدتها ‏..اللي حصل أنه حجزنا تذكرة وعلمنا ‏أم صديقتي وقلنا لها بتاريخ الفلاني بتسافر قالت مالكم شغل جيبوها وجيب فلوس تذكرته وأنا أوديها أنتم لا تحجزون ولا شي هنا ناغزني قلبي وعرفت أنها ‏ما راح ‏أتسفرها الحين الحل والله محتارين ما ادري وش أسوي والناس ما نتفاهم معهم طلبنا أنهم يتنازلون حنا سفرها رفضوا مرة تقول مالك شغل رجعيها وتهاوشت معاي وقالت لاعاد تدقين وتفلسفين نحجز ومانحجز من تخلص مدتها جيبيها ومعها فلوس تذكرتها
انا استسلمت وقلت ذنبهم على جنبهم ومرات والله يضيق صدري على العامله وش ذنبها
‏لكن الحين أبو الشباب صار يشك زوجي مستقعد علي يقول لي العاملة ماراح تطلع من بيتي إلا إذا صوروا لي ‏تذكرتتها او عطوني جوازها وخلاني أنا أحجز لها وأوديها المطار وقالي دقي عليهم علميهم وأنا لي ثلاث ايام ادق ما يردون ثم اليوم أرسلوا رسالة قالوا اسمعي يا بنت الناس بترجعينها احنا نتصرف ولا ما راح نعطيك جوازها وراح نبلغ عنها هروب وخليها تقعد بحلقك
الحل تكفون ابي اقنع زوجي يوديها لهم وكيفهم ذنبهم على جنبهم