تكرهني بدون سبب

السلام عليكم
الناس اللي يكرهونك بدون سبب وكانك ذابحه لهم احد
وش الحل معهم الناس اللي يتعمدون اذيتك ويستانسون اذا رمو عليك كلام وتضايقتي ايش الحل
خاصه اذا كانو اقارب من الدرجه الاولى
للاسف اعاني ذا الشي من خالتي البالغه من العمر58 عام من لما كنت بزر كنت الاحظها ماتميل لي وهذا شي راجع لها لاكن انها تحب تشوفني ولا شي مثل تفضل خواتي وكانها تسوي بيني وبين خواتي حاجز ترميني بكلام بشكلي او عمري تظلمني وتتهمني باشياء انا بريئه منها بسبب حقدها اللي ماعرف ايش سببه تحب تفشلني
تحب تنتقد لبسي شكلي ياناس وربي ابكي دايم اقول هي وش فيها علي ليه مع كل الناس والاقارب كويسه الا معي خالتي معروفه بالعائله انها تغار من امي وفيها انانيه قويه لاكن مع ذالك تجامل امي انا ماتجاملني تكشر بوجهي ترمي كلام زي السم قدام بنات اقاربي علي للاسف عاملتها بكل احترام وقدرتها ولما تخرجت بنتها اهديت بنتها لحالي بدون اهلي 1000 ريال مع ذالك من ابسط موقف صار ظلمتني هالكلام له سنتين والى اليوم ماشفت وجهه ولاني قادره اسامحها وربي كل مابكيت دعيت عليها واتمنى انها معنا يامنتدى وتشوف كلامي لاني بقول لكم هالموقف بالتفصيل اللي صار حصل خلاف بين خالتي وامي والسبب عشان ناس علاقتهم قويه مع امي وزي ماقلت لكم خالتي فيها غيره من امي وتبي كل الناس لها فجلست خالتي تحاول تبعد الناس عن امي وتغيرهم علينا انا على نياتي قلت لامي روحي لخالتي بالبيت واساليها قولي ليش تسوين كذا ايش جاك منا لانها صارت ماتكلم امي وتسوي حركات بزران ترمي كلام علينا وكذا قدام الاقارب فلما راحت لها امي قالت لها خالتي بالحرف الواحد انا عارفه اساس الشر بنتك فلانه الحسوده هي اللي سببت القطاعه بيني وبينك وانا يعلم الله اني غافله ولا دريت عن هالمشكله اللي بين الناس وخالتي انها تغار ليه هم مع امي وساحبين عليها من بعد هالموقف انقطعنا لان خالتي وصلت لمراذها قطعت هالناس عن امي واخذتهم بصفها ولا همتني هم وياهم اللي قاهرني كلامها وظلمها لي
غير كذا ببين لكم انها تغار من امي
زمان قبل عشر سنوات قالت امي بحسن نيه
انها بتشتري لاب توب خالتي طلعت عيونها وقالت بنبره
غريبه ماشتريت انا المعلمه عشان تشترين انتي؟؟
لان خالتي معلمه وامي لا فحاسده امي حتى على انها تشتري لاب توب وهي لا!!
وكانه من حلالها
مانسى نظرات امي ووجهها المبتسم
موقف ثاني قبل اربع سنوات قررنا نروح لدوله خليجيه
امي قالت لخالتي خالتي عارفه نقطه ضعف امي الخوف
قامت تخوفها ان هالدوله غير امنه وان نصها سكارى
ممكن يدخلون الفندق ومره صار لها موقف قامت تقول لامي قصص وهميه مع ذلك خالتي تسافر لندن وامريكا
وتعلم امي قبل السفر بيوم ؟؟
مرت خالي مره قالت لي بحسن نيه ان خالتي
من يوم انها تزوجت خالي وخالتي تستهين بامي
من لما كانت صغيره وقبل تتزوج
لما سالت وحاولت اعرف ليه انا يالذات تكرهني بدون سبب
وتحاول تستهين فيني وتحطمني عرفت من ناس
لاني انا اغير راي امي بافكارها وهذا اللي قاهرها
زمان لما كنا بزران كانت تلعب للاسف بامي وتستهين فيها
زي السفره كانت تحاول تكرهه امي فيها مع ذلك رحنا
يعني قالو لي بسبب انك تنبهين وتاثرين على امك صارت ماتدري وش تسوي طيب وش دخلها بحياتنا حنا عمرنا
ماتدخلنا لافيها ولا في بناتها ليه هي كذا حاطه دوبها من دوب امي وربي يابنات اني ماكذب عليكم زمان قبل سنتين
لما كنا نجتمع حنا وحريم خوالي باستراحات او بيوت وتشوف امي تسولف وتضحك مع مرت خالي او من بنات خالاتي الثانيات او مرت جدي انها تنط من مكانها وتجلس جنب الحرمه اللي تسولف معها امي وتحاول تتلصق باللي تسولف مع امي وتخليها تسحب على امي وربي اكثر من عشر مرات تسوي هالحركه ولا اذا جلست جنب امي حرمه تجلس تحلف عليها نجلس جنبها تبي الحريم يبعدون عن امي حسبي الله ونعم الوكيل وربي اني كل ليله ادعي عليها وربي ادعي ربي يتزوج زوجها عليها عشان تحط كب كيدها بضرتها وتترك اختها اللي من ابوها وامها بحالها