تكرهين زوجك هل هذا سبب وجيه للطلاق؟؟؟؟؟

يابنات والله تعبت نفسيتي...
ماني قادرة احب زوجي ولا قادره احترمه.
ولا هوه يحاول يكسب رضاي باي شكل.
بس مشكلتي ومشكلة حريم كثير الأطفال عندي ولد ماني متخيله اطلق واعيش من دونه.
وزوجي جالس يقطع كل سبل التواصل بيني وبينه.
مشكلتنا على اشياء اساسيه.
مختلفين في اساسيات حياتنا الى الان مو قادرين نستقر من 6 سنوات
حاولت ارضيه بكل السبل سواء في البيت في الاهتمام الشخصي في التعامل مع اهله في احترامه عند الناس حاولت وحاولت بس...كل ما افكر اقول طيب وهو اش سوى علشان تستقر حياتنا ...هو ليه مو حاسس اني انا جالسه اضغط على نفسي واضحي باشياء كثيره علشانه..
كيف اخليه يتغير ولا على الاقل يريحني
تخيلو كان شرط زواجي الوحيد اني اسكن بشقه مستقله عن اهله وفعلا مستقله بس ببيت اخوه وهوه من النوع الاتكالي مايعرف يتحمل مسؤولية بيت لوحده لازم احد وراه يسكر باب الشارع ويهتم بصيانة البيت واول ما تزوجنا يقول ظروفي ماتساعد لازم تتحملي معايه ونأثث شقتنا على صغرها حبه حبه وقلت طيب واستحملت وتخيلو طلعت من بيتي بعد 6 سنين من العناء والفشايل من الناس وانا لسه ماعندي غرفة حريم علشان ظروفه ووين نقلنا في بيت اهله رغم رفضي وتنعاد القصه من اولها ويرجع يقول لي ماعندي فلوس استأجر برا (برا بيت اهله) ولا عندي فلوس ااثث ولا بأثث بالتقسيط ولا بااخذ قرض ااثث فيه البيت .....
اش اسوي انا الحين اصبر معاه من اول وجديد على البلاطه وفي بيت اهله بعد يعني الناس كل شوي طابين علي ......ولا اروح....واشوف نصيبي بعيد عنه
المشكله اني اكرهه بس تعودت عليه ماقدر ابتعد عنه ولا اقدر استغني عن ولدي غير اني ماني قادرة اتقبل وضعي كمطلقه مدري اش اسوي

هوه معطيني فرصه يومين افكر اذا اعيش معاه بالشكل هذا ولا نتطلق ..
شوروا علي...
احس انه ذلني وهانني لما طلعني من شقتي وسكني بيت اهله بعد ما يبغى يأثث.
من جد قاهرني بالرغم من انه عنده الف طريقه وطريقه لو بغى الرجال يسوي اي شي سواه..
ولا تقولون ان العيب فيه انا حاولت كثير واستخدمت اغلب الطرق اللي موجوده في المنتدى وما امدح نفسي (مو بس حلوة جميله) وهو معترف ودايما يقول لي اني احلى وحده شافها بس مدري اشفيه يبغى يقهرني باي شكل ولا
هو راضي يتعاون باي شكل....
ياللله من جد محتاره....