أخواتي الغاليات في عالم حواء
السلام عليكم ورحمة الله وبركاته؛؛؛؛
يعلم الله اني اول مره اطرح مشكلتي في منتدى واول مره اسجل فماسمعته وقرأته عن عــــــــــــالم حــــــــــواء جعلني ادون كلماتي وانا مطمئنه بأني سأجد يدا حانيه تنتشلني مما انا فيه وأرواحا تتحمل عبئ معي المهم قبل مابدا اللي ماعندها طولة بال لاتقرا لأني بطلع اللي بقلبي وابفضفض عن روحي اللي اعياها التعب
وببدا قصتي :44:اذا خلصتوا اكيد تقولوا هذه روايه موقصه :27:
انا متزوجه من 3شهور وطبعا زواجي كان عن حب طويل وقناعه من الطرفين واحس مافي احد يسوى زوجي بدنياي مين ماكان وعمري ماشكيت بحبه لي فأنا اجزم باني روحه وحياته ....فانا وربي من قبل الزواج عندي خوف فضيع ووساوس قويه من الخيانه وعمري ماصارحت زوجي بهاالشئ وكنت اقوله انت مضرب للوفاء والحب والتضحيه الى ان جاء اليوم المشؤم اللي مانساه ماحييت كنا مسافرين بالعيد وانا نايمه اخذت جواله بشوف الساعه وفيه مسج وانا افتحه الا وحده كاتبه له حبيبي مطول وانت موجود اوبتسافر طبعا لاتسألوني وقتها وش كان شعوري حسيت برجفه قويه وكاد يغمى علي وانصدمت حيـــــــــــــل وصحيته ورميت الجوال بوجهه وطالع قالي الله يهديك هذا واحد من زملائي يتريق علي طبعا انا مامشت علي ووصل بنا الحد الى الطلاق وكان مسجل رقمها باسم رجال....وبعدين اعترف لي قال هذه وحده والله هي بلتني ودقت علي تسألني وقلت لها انا مسافر وكانت تكتب معي بالمنتدى اول ومسح رقمها من عنده وارسل لها مسج كتب لها حسبي الله عليك خربتي بيتي وبعدين حلف اني ظالمته وان ماله بالسوالف وكل ماقوله واذكره يعصب ويقولي انتي نكديه ليش ماتخلينا نستقر ونرتاح نفسيا مع بعض وربي انتي الوحيده اللي بحياتي المهم يابنات ذاك اليوم اقلب بجواله والقاه داق رقمها :mad:وقلت له ليش متصل عليها قال اقسم بالله اني ماكلمتها واني بس كذا دقيت الرقم الا اطالع دقائق المكالمه اصفار يعني فعلا ماكلمها تتوقعون وش ذكره فيها ؟
وذاك اليوم افتح جواله والقى مسج من ايام رمضان يعني قبل لا اكشفه :39:الأخت المحقق كونن كاتبه له دقيت بسلم عليك واسف اني مارديت وخل اتصالنا بالوقت هذا يعني بصيغة المذكريعني الأخت عارفه انه متزوج وهذا اكبر استغفال لي وانا اكره ماعلي احد يستغفلني بنات من يوم السالفه وانا افكر انتقم من هالبنت وافضحها لكن خوفي من ربي يمنعني قلت اتركها للي ماتنام عينه فهو العدل سبحانه وانا فسرت اللي بينهم صداقه مو حب
اهم مافي الموضوع اني كارهه نفسي وكارهه اهلي وكل شئ بدنيتي وكارهه زوجي جد بنات ماني قادره انسى مع انه يحاول يقنعني انه مظلوم وربي بنات يقطع نفسه عشان يسعدني لكن احس اني مجروحه حيل وبنفس الوقت مصدومه باعز الناس والله بنات ماقاصرني شئ وهو بعد مانفسي اخسره بجد حنون ورومنسي وشخصيته قويه :mad:ياويل احد يحط عينه عليه ههه
احس مجاديفي تكسرت واحلامي تحطمت وروح الشباب بدت تذبل فيني حتى جسمي ذبل وابتسامتي اختفت وهو دايم يسالني واقوله مافي شئ اكتم اللي بخاطري عشانه لاني كذا مره فتحت الموضوع معاه ونتوصل انه خلاص مالازم نسمح لاحد يهدم حبنا ويحلف لي بالطلاق (يعني علي الطلاق )وبالمصحف اني علمي بها ذاك الوقت واللي مريحني نوعا ما اني متأكده انه يحبني ومايفرط فيني تكفون تكفون انصحوني وريحوني وااااااااااااايد تعباااااااانه ومومتقبله شئ ابد بناااااااام وبصحى المغرب القى ردودكم الله يريحكم ويكتب لكم السعاده في الدنيا والاخره
مملكة الإبداع @mmlk_alabdaaa_1
عضوة جديدة
يلزم عليك تسجيل الدخول أولًا لكتابة تعليق.
زيزي07
•
لااله الاالله محمد رسول الله
بانصحك بحاجه وهي لاتجعلين الحقيرات
يهدمون حياتك وترا النسيان نعمه
بانصحك بحاجه وهي لاتجعلين الحقيرات
يهدمون حياتك وترا النسيان نعمه
اشتري له شريحه جديده وجوال جديد من عندك هديه وخذي الشريحه وكسريها واذا كانت تبع الاتصالات فكنسليها من الفرع والاسماء اعطيه اسماء زملائه ومعارفه والجوال تبعه بيعيه
وصارحيه وقوليله انا مابيهدى لي بال الين تغير الجوال لاني احبك وما ابغى اخسرك وانا اذا ماسويت كذا بانجن وان شاء الله ربي يهون عليك ويفرجها عليك
وصارحيه وقوليله انا مابيهدى لي بال الين تغير الجوال لاني احبك وما ابغى اخسرك وانا اذا ماسويت كذا بانجن وان شاء الله ربي يهون عليك ويفرجها عليك
مثل ماقالت الااخت تعيسه ابدنيتي فعلن جابتها اسمعي حبيبتي لااتخلين اشيطان يخرب مابينكم اهو اعتذر وخلااص انسي مشى وعتبريها سحابه وتعدي بس والله ماتلومون هلشباب صار كل شى ابهدنيا غير صار البنات هم الي يلحقون الشباب ويبلونهم الله يبعد عنك كل سوء
الصفحة الأخيرة
شوفي ياعسلسل لما قريت السالفه في بالي اقول شوفي حسناته وطلع كله حسنات ربي يخليه لك
يابنت يحبك واللي صار انتهى لو انه تبع بنات كان هاوشك وش منقزك على الجوال و و و يخاف تشوفين اكثر
ولو انه تبع خرابيط كان تلقين جواله مقفل
ولو انه يحبها ومايحبك كان باعك
بس الشيطان شاطر بنت ابليس وقعته
المهم انتي الحين تحافظين على زوجك يعني ما قولك انسي تناسي حتى تنسييييييين
قولي لزوجك حبك اكبر من اي شي بس اتمنى ماتطعني بنفس الجرح اوعدني
ادري انك مجروحه بس حياتك انتي تبغيها تستمر خليها حلوه
شوفي مصايب غيرك تهون مصيبتك زوجك اعتذر غيره مايعتذر
والله لو تعرفي قصة وحده اعرفها انه ليشيب راسك علنا يخونها وهي تسمع
الله ياخذه وترتاح المسكينه
اسال الله العظيم ان يصلح لك زوجك ويهدي نفسك
ومايشوف بالدنيا غيرك الهم امين