تكفن وش الحل مع حماتي

مرحبا بنات شخباركن بنات عندي مشكله وابي أخذ رايكن
مشكلتي ياطويلات العمر مع حمياتي دايم أحسهن موعايشات مع الناس
حنا سكنا بيت قديييم قديم_يعني وش أقولكن لدرجه الصراصير تدخل بين الجدران ولا السباكه ولا المطبخ وبلاط المطبخ__
حماي شراه لنا وحماي الثاني فرشه لنا جزاهم خير
وطلبت من زوجي أنه يصلح فيه وماصار فيه أمكانيه ولمدة سنه وأنا ماعزم أحد ولاأروح لأحد عشان ماأحرج نفسي_صعبه تروحين لأحد وأذا مشيتي من عنده ماتقولين له سيري علي أتحراك_صح ياغاليات
بالعطل ورمضان وأيام خميس وجمعه كل يوم الجمعه على وحده من البنات
عاد أنا من القراده دقيت على حماي وشرحت له وضعي وأن ودي لو يأخذ سياره أقساط على ضهر زوجي عشان نصلح البيت ومن هالكلام_يعني يكون له كفيل
عاد صدفت خبطت سيارت زوجي وقال أببيعه_وكلم أخوه عشان يوفر له سياره مؤقته لين يشري والسياره يبعه ويصلح بالبيت قد مايقدر
وعطاه أخوه أوكيه_
اللي صار_أخوه ماوفر له سياره مؤقته وصار زوجي من دون سياره_وصار لبغى يروح ولايجي يدبر سياره منا أومناك

المهم دقت على حماتي ذاك الصبح وتقول أنتي ضحكتي بأخوي وأنتي بك مالا بك وانتي خيبتي ظني فيك مع الأسف ماحسبتك كذا_وأنا أقول وش السالفه_وتقول ليش تخلينه يبيع السياره عشان يصلح البيت_وش فرقك عننا_وأن أمي حاشمه أبوك وأمك ولاكان عرفت تصرف معك{هي ماحشمت أحد}
وأن أخوي لوأنتي ماتبين كذا ماسوى
أنتي ضحكتي عليه الرجال أنتي تبنين سعادتك على تعاسة غيرك وأنتي أحمدي ربك أن فلان{اللي هو حماي}طلعكم من بيوت الأجار{والله بيوت الاجار كانت أنظف وأريح نفسيآ بس من تقولين له} وأنتي___الخ
المهم أنا طول المكالمه ماعندي غير أنا وش دخلني_تعوذي من الشيطان

ولاأدري وش السالفه
ترى ياطويلات العمر حماي لما سألوه ليش تسمح لفلان{أللي هو زوجي}يبيع السياره قال{فلانه}أللي هي أنا دقت علي تقول شوف صرفه مع فلان عشان نزين البيت
أنا صحيح قلت شوف صرفه بس ماقلت خله يبيع السياره ويمشي حافي

المهم صارلنا شهر ماكلمنا بعض ولاشفنا بعض أنا وحمياتي
_أنا على أبو أني مطنشه لكن الصحيح أني منقهر بس مدري وش إسوي_وشلون أتصرف مع حماتي وشلون أخليها مره ثانيه ماتجراء تدخل بشي يخصني وشلون أقنعها أن مالي شغل_ساعدوني