تكفون...ابي فستان زفاف بالرياض

هلا اختى
الله يتمم عليك زواجك بخير والمسرات
عندك مشغل اللي مقابل الفيصليه لونه فضي
مرره رروعه
فيه المصصم بدوي الظاهر انه لبناني
عنده فستايين ررروعه
روح له وشوفي اللي يعجبك

إذا ما عندك مشكلة تبين فستان مستعمل وتعرفين مستعمل رلعروس يعني ثلاث ساعات


حتى إنها فصخته بالقصر قبل لا تروح الفندق



وهو حلو مرة فخم بنت خالتي بتبيعه ب 4000 على ما أعتقد وهو مكلفة كثير مرة


وموديلة جديد والشرعة تبعه طريقتها شوي غريبة


إذا تبين رقمها أعطيك إياه تتواعدين أنت وإياها وتشوفينه إذا عجبك كان بها وإذا لا الله يرزقك



بس الفستان الكل أعجبه وعطاه أكثر من قيمته الحقيقية


والتوب تبعه غريب وحلو


أتمنى يعجبك

روحي للمساعديه بجده يفصلون لك فستان زواج على كيف كيفك وارخص بكثير من الرياض ومصممين بعد

اذا تبين مستعمل بس تشترينه فيه مشغل خلف مكتبه الملك فهد لقيت عندهم كم فستان روعه صراحه وللمصممين لبنانين واسعاره مو رخيصه مره يعني حقه فيه

او اشتري اي قماش ودخليه مشغل مضبوظ يسويه لك بس نصيحه لاتسوينه عند احمد البدوي اقل فستان زواج عنده يبدا من 22الف وانتي طالعه غير كذا شغله يحوم الكبد كل تلزيق وقصادير وخيش ومايسوى سعره حرام بنت خالي شرت منه يجيب الهم ويوم العرس انفك الصدر يعني شغله تجاري

اما اذا عندك ميزانيه شوفي زهير مراد او ايلي صعب او عبد محفوظ

الغرفه الذهبيه في السيركون تخصصهم فساتين العرايس


الله يوفقك :26:

شكراا للجميع .
عماير السيركون اسعارهم خياليه يعني الفستان حلو بس قيمته اكثر منه.
ممكن تدلوني اكثر .يعني ابي محلات ومشاغل ومصممين اكثر اذا سمحتوا
وجزاكم الله خير