خواتي الغاليات....
تكفون انصحوني وش أسوي..ــ خصوصاً اللي عندهم خبرة في الشغالات وسوالفهن ـــ راح أدخل على طول بالموضوع..
حدثت لي ظروف صحية قاهرة طلب مني الطبيب على أثرها الراحة وعدم القيام بأي مجهود...فاضطريت أستقدم لي شغالة...وهذي أول مرة تدخل بيتي وأول تجربة لي مع شغالة....
وأبيكم لو ماعليكم أمر تشورون علي : هل أسفرها ـــــ وهي للحين في فترة التجربة الثلاث شهورـــ والا أصبر عليها ...وهذي بعض المواقف معها :
كذبت في البداية علينا وقالت إنها ما اشتغلت قبل ( وهذا شرطنا في عقد الاستقدام مع المكتب ) وطلعت مشتغلة قبل بس في داخل بلدها بس...( وهذا هين ولو هو بس كذا.. كان مااشتكيت!!).
صايرة تكذب لما أسألها مسحت الأرض تجاوب نعم وهي مامسحتها وسهل كشفها لأن الأمر واضح ..ولما أواجهها تقول آسفة مدام وتضحك ضحكة المتفشلة...وتروح تاخذ الممسحة وتبدأ تشتغل؟؟؟
ومرة سألتها خلصت تنظيف الغبار من غرفة التلفزيون قالت نعم.واستغربت من السرعة اللي خلصت فيها ولما رحت للغرفة اكتشفت إنها مانظفت التحف ولا فتحت الدولاب ونظفت داخله؟؟!!! وأنا كنت معلممتها الطريقة قبل ...ولما سألتها وشلون مخليه هذولا مانظفتيهم ردت سوري مدام وراحت تنظفهم قدامي..؟؟؟؟
والمرة هذي مضحكة ..قلت لها طلعي الرز بس ولاتغسلينه وكررت عليها طلعيه بس وراح أرجع أغسله بنفسي...ويوم رجعت لقيت الرز غرقان في الماء ويوم سألتها ليش غسلتيه قالت ماغسلته!!!!
ووريتها الماء اللي مغرق الرز قالت لا يامدام هذا الماء جاي من نفس الطاسه اللي غسلتها قبل أحط الرز فيها ؟؟؟!!!!!! وأخيراً اعترفت وقالت أيوه مدام حطيت عليه ماء لكن نقعته بس ولاغسلته!!!!!!
ومرة طلعت بنفسي زبالة غرفة النوم ـــ وانتوا بكرامةــ وكان فيها شعر لي من ضمن الأشياء المرمية ..ورحت لها في المطبخ وناولتها كيس الزبالة الصغير هذا وقلت لها ارميه في داخل زبالة المطبخ....تدرون وش سوت؟؟!!
أخذت الكيس بيد وصارت تقلبه باليد الثانية ( وهو كيس شفاف) وقاعدة تتفحص وش فيه وكأنها تبي تعرف من أي غرفة جاي ؟؟ وقاعدة تطالع شعري المرمي فيها فقلت لها وش تطالعين ارميه وبس ..!!
فراحت تمشي وكأنها بترميه ثم وقفت قدام الزبالة وقعدت تتأمله مرة ثانية وتقلبه!!! وفي لحظتها تذكرت صديقتي الله يعافيها كانت منبهتني عن سحر الشغالات فأخذت منها الكيس وانتظرت لما زوجي راح يرمي الزبالة وعطيته إياه يرميه مباشرة برا....
ومرة أول ماجات كان البرد شديد ــ ولازال ـــ المهم عطيتها بيجامات نسائية لها وطلبت منها تلبسها...فقعدت فترة ماتلبسها ولبسها مايدفي لحاله وقاعدة متكتفة من البرد وحالتها حالة.. فوريتها طرف حلق بيجامتي اللي تحت ملابسي وقلت لها البسي البيجامة اللي عطيتك إياها مثلي ..وتصدقون خوفتني ساعتها بجد وارتعبت لأنه يادوب طلعت طرف بسيييط جداً من بيجامتي من تحت ياقة ثوبي إلا وجت مسرعة مسرعة وعيونها مبققة ( مفتوحة على الآخر ) وقلت لها هي ...هي .... وشفيك ؟؟!!! فضحكت مستحية من فعلتها وطفاقتها وبعدت !!!!...
ومرة كانت ترتب أغراض البيت اللي مشترينها ( مؤونة المطبخ : حليب..لحم...الخ )..وكنت قاعدة أعلمها أماكن الأغراض ..فصادف يدها جات على فاتورة السوبر ماركت راحت خذتها وخلت الأغراض وراحت تقراها وتشوف الأسعار وأنا قدامها؟؟؟!!!!
قمت أخذت منها الفاتورة بسرعة وسحبتها منها وقلت لها إنتِ كل شيء تلقينه تشوفينه ونفس ردة الفعل سوتها ضحكت ضحكتها إياها وكملت شيل الأغراض!!!
وأنا منبهتها ماتشيل حجابها من على راسها طول ماهي في البيت تشغل...ومرة لقيتها بعد ماطلعت من الحمام متروشة ( متحممه) راحت جلست على كراسي المطبخ وصكت أبواب المطبخ وقامت فكت الحجاب وفكت شعرها علشانه على قولتها رطب!! ياجماعة شعرها قصير ...وبعدين عندها فوطة وش كبرها تقدر تجفف شعرها بها !!! لا والمشكلة الكرسي اللي قاعدة عليه وفاكه شعرها كانت حاطة عليه فنيلة زوجي اللي ماجفت وجابتها حتى مايمطر عليها المطر برا ...وكانت مخليتها تجف على الكرسي اللي هي قاعدة وفاكه شعرها عليه!!!!!!!
ومرتين دخلت الحمام تنظفه وطلعت منه وهي تنبهني على أشياء خربت فيه ( وقبل ماتدخل تنظفه ماكنا نشوف فيه أي خراب؟؟!!) ولما أقولها قبل ماتدخلين سليم وبعد ماتطلعين خربان... ليش؟؟ ..ترد ما أدري مدام أنا ما سويت شيء؟؟ وأنا خايفة أظلمها وأقوم أعديها لكي بديت بصراحة أشك خصوصاً الأمر متكرر مرتين والخرابات مختلفة وفي نفس الحمام بالذات ( وهو حمامي والأولاد وأبوهم وهو طبعاً غير حمامها الخاص فيها..وهما نسخة من بعض فاستغرب حمامنا بعد التنظيف يخرب ..وحمامها بعد تنظيفها له سليم؟؟)؟؟!!!
وبصراحة فيه أشياء لاحظتها عليها من ناحية النظافة الشخصية ....يعني عادي عندها تعبث في أنفها....أو تحكك جسمها بيدهابطريقة مقززة قدامي ..أوفي أحيان تمسح أنفها بيدها بدل استعمال المنديل...؟؟!!! وهذا يلوع كبدي ويخوفني من الأمراض ..وأنا للحين ماخليتها تطبخ لي أو للعيال أو تسوي لهم أي أكل أو شرب بسبب فعايلها هذي....مع إني ممنوعة من الشغل بس أتحامل على نفسي بعض الأحيان وأسوي لهم ولما يشتد التعب علي نشتري من برا والشكوى لله..
والباقي أقولكم عليه هي فلبينية مسلمة من بيئة فقيرة ....وأنا محتارة ما أدري هذي الأشياء اللي تصير هي أسباب مقنعة تخليني أسفرها ( لأننا لازلنا في فترة التجربة ) وهي خايفة مررة من إني أسفرها ...وزوجي يقول إنتِ نفسيتك تعبانة من وضعك الصحي وقدر الشغالة إنها جات في هالوقت فلاتظلمينها واصبري عليها ...وهي مسكينة مسلمة تبي تعيش وترسل فلوس لعيالها الأيتام هناك....وهي ماتفهم ...وهذا فعلا لاحظناه عليها ...
فما أدري ...هل أسفرها والا ...اصبر عليها ..وهذي تجربتي الأولى فياليت تكفون انصحوني..وهل راح تشتد تصرفاتها اللي تنرفز هذي بعد ماتطمن لما تخلص الثلالث شهور ونسوي إقامة سنتين لها؟؟؟...ولكم دعوة من قلبي..لاتخلوني ...والله لايحرمكم الأجر.
أختكم المحتارة والتعبانة / الباب المفتوح...
يلزم عليك تسجيل الدخول أولًا لكتابة تعليق.
وي حبيبتي انا لو منج من زمان ياني الضغط عليها خخخخ
حبيبتي رجعيها دام انها للحين على الضمان وخلهم اييبون لج وحده غيرها
هذي مثل خدامتي والحين ناويه ارجعها اول ماحصل لي وحده ثانيه
وايد تجذب
تعرفين شنو اخر شي سوته
انا بنتي عمرها سنه ونص
قلت لها اخذيها بدلي حفاضتها وسوي لها ماي دافي تعرفين في هالبرد
راحت شغلت الماي يزعم علشان يصير دافي وخذت بنتي بتغسلها ماسمع الا صرخت بنتي
رحت الحمام واحط يدي في الماي الا ثللللللللللج من برودته
يعني تجذب علي بدل ماتشغل الماي الحار تشغل البارد يزعم جنها تصخن الماي
والله منها قلت ماخليها دقيقه اول ماتاكد من الثانيه بارجعها
حبيبتي رجعيها دام انها للحين على الضمان وخلهم اييبون لج وحده غيرها
هذي مثل خدامتي والحين ناويه ارجعها اول ماحصل لي وحده ثانيه
وايد تجذب
تعرفين شنو اخر شي سوته
انا بنتي عمرها سنه ونص
قلت لها اخذيها بدلي حفاضتها وسوي لها ماي دافي تعرفين في هالبرد
راحت شغلت الماي يزعم علشان يصير دافي وخذت بنتي بتغسلها ماسمع الا صرخت بنتي
رحت الحمام واحط يدي في الماي الا ثللللللللللج من برودته
يعني تجذب علي بدل ماتشغل الماي الحار تشغل البارد يزعم جنها تصخن الماي
والله منها قلت ماخليها دقيقه اول ماتاكد من الثانيه بارجعها
لامتين
•
الله يعينك حبيبتي ويعافيك ويقومك بالسلامه بصراحه هذي تقهر احسها هبله,, رجعيها للمكتب وخليه يشوفلك وحده غيرها ,,, بس ترا مو كل مكتب يشوفلك وحده غيرها ,,الله يعينك حبيبتي ويعافيك ويقومك بالسلامه بصراحه هذي تقهر احسها هبله,, رجعيها للمكتب وخليه...
والله أول ماقريت موضوعك كنت متوقعه انها فلبينيه ان هذي حركاتهم عندي وحده طبق الاصل من اللي عندك لها سنه ونص عندي بس متحملتها لاني احس انها ساذجه وخبله وكل شي تسال عنه تصدقين مره زوجي جالس بالمجلس يكلم بالجوال وأنا وياه وبناتي جايين من برى وخليتهم يدخلون بسرعه يعني وقفت على راسها ودخلتها مادريت الا نادت بنتي وقالتلها وش يسوي بابا في المجلس ياويلي الى هالدرجه وش دخلك بس انصحك تحمليها لان طريقتها ساذجه والله أعلم وأي سؤال انا حاضره لاني لو كتبت عن حركات شغالتي اللي تقهر كان مليت صفحات
رجعيها وشوفي غيرها نفسي اللي عندي بس الجنسية اندووووونسية الله ياخذ عمرها ولا يوفق اللي بلااااااااااااااااني فيهاا
الصفحة الأخيرة
بصراحه هذي تقهر احسها هبله,,
رجعيها للمكتب وخليه يشوفلك وحده غيرها ,,, بس ترا مو كل مكتب يشوفلك وحده غيرها ,,