مثلك ..مثلك..
لاتشكيلي ابكي لك..:(
كل اللي اعرفهن كذا ياقلبي..
بس انتي علشان مايصيبك الملل..
نظمي وقتك ودوري على اشياء مفيده تشغلك..
لاتصيرين زيي :)

مرحبا حبيبتي:

كانت هذا مشكلتي سابقا لدرجة ان حتى أخته الكبيرة تفاعلت معي ،، و رحمتني كل ما كلمت و سألت عنه يكون في الاستراحة ،، و برنامجه كان يروح الدوام الباح الى الساعة 2 الظهر ثم يجي ينام و لما يقوم يتغدى و طيران الى الاستراحة الى الساعة 2 ليلا و احيانا الى الفجر ،، لدرجة ان أولادنا صاروا دايما يسألون عنه و يقولون: ماما ليش باب مايقعد معنا!!!!! و انا يالضعيفة ما أدري وش أرد عليهم...

و الي مخليني أسكت ، اني حرمته من أهله و أصحابه فترة دراستي للاننا أنتقلنا عند اهلي برى الرياض ،، علشان أحط عيالنا عند أمي ( الله يحفظها ) فكان يقعد في البيت طول الوقت لا شغل و لا مشغله لانه ما يعرف أحد هناك ،، فصار عندي نوع من تأنيب الضمير مع أنه صاحب فكرة الانتقال لا و الي زاد الطين بله كل ما قابل أحد قال له: هاه غلبتك بنت ...... و سحبتك معها عندى أهلها ( حسبي الله عليهم ما يخلون أحد في حاله و القهر انه نفس كلام عيال عمي له ،، و كان ينحرج شوي ) بس هو ما قصر واصل معي الى ان كملت دراستي و خلصت الله يعافيه ، فهو صار عنده نوع من ردة الفعل فلما رجعنا الى الرياض أخذ سكن قريب من الاستراحة ،، و على طول قدم على تلفون للبيت قبل ما نسكن حتى ،، و بعد ما سكننا بدأ دوامه اليومي في الاستراحة ،، و كلما نبهته قال خليني أعوض ( مسكين تعقد ) بس و الله طفح الكيل ،، فصرت أناقشه في هذا الموضوع بس ما فيه فايدة ماسكني من اليد الي توجعني ،، بعدين فكرت و سويت الاتي:
ـ دعوت ربي انه يرجع لي حلالي مثل ما كان ، و يبعده عن هالاستراحة من دون شر...
ـ صرت أناقشه بشكل غير مباشر ،، يعني أذب عليه بعض العبارات السريعة مثل: العيال اشتقوا للجلسة معك ،، و الله طفش اليوم خلصت البيت و نومت العيال و جلست مقابلة الجدران ، و الله مليت من التلفون و التلفزيون لازم أدور شيء ثاني أنشغل فيه ، يعني من هالكلمات الي يفهمها هو...
ـ صرت أكتب له أوراق بما نحتاج ،، و بعض أحداث اليوم الضرورية الي لازم يعرفها يعني مثل أحد أتصل به ،، و الاخير أكتب عبارة تحسسه بالذنب مثل: لم أجد غير هذه الوسيلة للحديث معك ،، أو ظننت أنك تريد معرفة ذلك ،، أو بذلك اردت الاحاطة فقد أكون نائمة عند قدومك ..... و غيرها.
ـ في ليلة من الليالي ولعت شموع و خليتها الى ان ذاب نصفها و بعضها خلصت كلها و تزينت ثم نمت بعد ما طفيت كل حاجة ( يعني كأني كنت ناوية أسوي له ليلة ) و كل شوي أدق عليه متى بتجي ؟؟ و هو يسأل ليه تبغين شيء أقول لا بس أسال؟؟؟ فلما جاء و شاف الي انا محضرته ضاق صدره ( و للعلم كنت نايمة صدق ،ن لانه زي ما قلت ما يجي الا متأخر ) و كمراضاة نظف الغرفة و الي صدمه ،، اني من بكرة و لا كانه صار شيء ،، فصار اذا كلمته يجلس شوي و يجي ،، على باله فيه حركة و أنا أحيانا أسوي له و أحيانا لا علشان يترقب....

و شوي شوي صار يجي مبكرا ثم صار يروح يوم و يوم لا ، ثم ار يروح اذا كنا عند أهلي أو معزومة عند أحد ،، ثم أستجاب الله لدعائي فصار يتعب من ريحة الدخان لانه فيه البعض يدخن فتركهم نهائيا و الحين يروح لهم بس في المناسبات و بشرط نكون احنا مهوب فيه.....

معليش طولت عليكن بس حبيت أنقل لك تجربتي الشخصية بحذافيرها ،، و سلامتكم...

مثل ما قالوا الخوات وايد رياييل جذيه .. بس انتي ادعيله يتغير .. ان شاء الله ربنا يسمع منج ، لأن احيانا الكلام ما ينفع بالعكس يمكن يعند
ما شاء الله نصايح عيون سعد وايد حلوه و عاقله .. جربيها .. من زمان ما شفناج يا عيون سعد .. و الله كنت احاتي اقول وينها الحرمه عسى المانع خير .. نورتي المنتدى .. سامحيني جنى بدر على الخروج عن الموضوع .. بس الاخت عيون سعد غاليه و زين انها نصحتج .. ما شاء الله دايما نصايحها ممتازه

هذي مشكلة غاااااااالب السعووديااااااات ويمكن بعد كل الخليجيااااااات
متى الحكومة بتمنع هالتجمعاااااااااااات هههههههههههههه

دنيا عذاب ..معليش اختي بس اذا صار صاحبك عسسسسسسل لا تلحسه كله ..خليه يتنفس شوي ..

عاااااااادي الحين نادر من الرجال اللي يقعدون في البيت


بس حاولي تنشغلين بشي عشان ماتموتين (قهر بسم الله عليك)