تكفون أبي حل مشكلتي ابوي

أخيرا تم قبول عضويتي علشان اقول كل الهم اللي بقلبي ........

بنات بدخل في الموضوع على طول أنا مشكلتي ابوي أب قاسي لأبعد الحدودوما فيه حنيه علينا والله بس يدعي

علينا واحنا عنده مثل الخدم والله ما نطلب منه شي ولا نلبس مثل البنات اللي بسننا مع ان ابوي غني عقارات واملاك

تخيلوا كان يعطيني مصروف شهري 100 ريال بالله هذي وش تجيب والله لوفقير عادي بس ابوي عنده خير محرومين

من العزايم حتى لو ببيت عمي لبسنا يفشل غير كذا يقول انتن تدورن الرجال بالله هالكلام مايقهر ..تصدقون مره

اختي واخوي صار عليهم حادث هم سلمو بس السيارة انعدمت ابوي يبكي يقول ليتهم راحوا وبقت اسيارة والله اني بكيت من الموقف ذا لين قلت بس......آآآآآآآه لما انخطبت ابوي وافق على طول وما كلف نفسه يسأل عنه واله كانه رماني ومهري كان 100 الف والله العظيم ابوي رفض يعطيني أجهز يقول ليش انتي عريانه ويالله تكرم وعطاني ألفين لكل شي ملابس عطور قمصان بالله وش تجيب كان نفسي البس فستان منفوش بس رفضوا والكوافيرة الغيتها لان ما عندي فلوس زفوني بعباية سودا والله اني ابكي لما اتذكر اللي صار لي كل شي حلو بيوم الزواج انحرمت منه حتى الشنط اللي بلم فيها ملابسي شراها زوجي في الصباحية والله انحرجت مرة ,,,,زميلاتي اذا نقص عليهن شي في الجهاز كمله ابوها وانا ابوي حرمني من مهري

ابوي طلق امي بعد عشرة 35 سنه وطردها من البيت وامي من القهر ماتت الله يرحمها بعد شهرين اقسم بالله وحتى الصلاة ما صلى عليها وانا بعد هالموقف هذا كرهته زود

صح الحين انا متزوجه وبعيدة عنه بس ما اقدر انسى اللي سواه انا ما أكلمه وهو عمرة ما سأل عني انا سعيدة حزينه

والحين تزوج ويدلع زوجته لدرجة انه يشتريلها حلويات وعمرها 38

وكله كوم واختي اللي عنده كوم عندها اعاقة بسيطه ما تأثر على الزواج ومع ذلك رفض يزوجها لكل اللي تقدموا لها والحين عمرها 40 سنه يدعي عليها متى تنقلعين عني وغير كذا يضؤبها كفوف قدام زوجته ولاحظوا ان اختي اكبر منها
بنات وش اسوي اختي تعبانه لو تشوفون شكلها من الهم تقولون عمرها 80 سنه

ابوي اناني يشتري لنفسه خبز ويدسه عن اختي تصدقون مرة اختي كانت تعبانه ما سوت غدا ابوي راح جاب من المطعم ولما خلص رما الباقي بالزباله علشان ما تاكل منه اختي

ابوي ما يعطيها مصروف يقول انا ماني مكفول فيكي دبري نفسك ؟؟؟؟ يعني تسرق استغفر الله

واالله مرة احتاجت 10 ريال مبلغ تافه تترجا ما رضا وهو يسلف الناس بالألوف


يا بنات والله العظيم نفسيا تعبانه ودي انسى الماضي ودي انسا تصرفات ابوي ياليت فيه دوا لهذا الشي


مرة لما كنت بالثانوي جاني ضعف نظر ما أقدر أشوف السبورة ابوي رفض اشتري نظارة المديرة كلمته بس ما فيه فايدة يقول تتدلع وتبي تقلد اخوها


عندي كلام كثير والله بعضة انحرج اكتبه بس بغيت ارتاح من الهم اللي بقلبي والقا احد يسمعني وينصحني

كلامي مهو مرتب وافكاري مشوشه بس تذكرت امي بكيت